फाल्गुनन्द साकोस दमकले विर्तामोड सेवा केन्द्रको दोस्रो कार्यकालका लागि सोमबार उपसमिति पूर्नगठन गरेको छ ।

दमक ६, लिङदेन मार्गमा प्रधान कार्यालय रहेको फाल्गुनन्द बचत तथा ऋण सहकारी संस्थाको बिर्तामोड सेवाकेन्द्रका लागि बिमला फुयाँलको सह–संयोजकत्वमा उपसमिति गठन गरेको हो । सो उप–समितिको सचिबमा सुबास भण्डारी सदस्य तथा कर्जा संयोजक प्रेम लिङ्देन, सदस्य तथा मूल्यांकन संयोजक हस्तहाङ केरुङ रहेका छन् । यस्तै सेवा केन्द्रको सदस्य तथा महिला बालबालिका संयोजक दिलु शेर्पा, सदस्य तथा बिमा संयोजक रबिन शिवाकोटी, सदस्य तथा स्वास्थ्य संयोजक अनिता राई, सदस्य तथा सदस्य पहिचान चुडामणि अधिकारी, सदस्यमा बिमला केरुङ, सदस्य नरेन्द्र पौडेल र सदस्य हेमराज लिङ्देन संगै सल्लाहकार शिब खनाल चयन भएका छन् ।

संस्थाको अध्यक्ष पदम लिङ्देन (संकल्प) को अध्यक्षतामा सोमबार सप्पन्न भएको कार्यक्रममा प्रधान कार्यालयको दमकबाट उपाध्यक्षद्धय दिलिप जबेगु, फुलकुमारी आङ्देम्बे, कोषाध्यक्ष संगीता सेरेङ इक्सा एवं सदस्य गुमानसिङ सम्बाहाम्फे,सुबास आचार्यको उपस्थीति रहेको थियो ।

२०७६ जेठ १७ गते स्थापना भएको सो सेवाकेन्द्रमा ५ करोड ४८ लाख वासलात रहेकोमा ४ करोड ९९ लाख ९० हजार कर्जा लगानी भएको सेवाकेन्द्रका बिनम वनेमले जानकारी दिएका छन् ।

बिर्तामोड ५, शनिश्चरे रोडमा कार्यालय रहेको सेवा केन्द्रमा ४ सय बढी सेयर सदस्य रहेको संस्थाका केन्द्रिय उपाध्यक्ष दिलिप सुब्बाले जानकारी दिए । संस्थामा आवद्ध भएका र आवद्ध हुन चाहने शेयर सदस्यहरुको पहुँच सम्म पुगेर सेवा दिन संस्था तत्पर रहेको जानकारी दिदै संचालक समिति अध्यक्ष पदम लिङदेन (संकल्प) ले भने –‘यस संस्थाले संस्थामा आवद्ध हुनु भएका शेयर सदस्हरुलाई सेवा लिन सहज होस भनेर चाडै नै अन्य केहि स्थानमा पनि सेवाकेन्द्र स्थापना गर्ने योजना रहेको छ । जसका लागि आवश्यक कानुनी प्रकृया पनि पुरा गरि सकेका छौ ।’