दमक १, झापा फाल्गुनन्द चोक नजिकै सेन्छेलुङ माङ सामग्री स्टोर संचालनमा आएको छ । किरात धर्म संस्कार अन्तर्गत सेवा पुजा गर्दा आवश्यक पर्ने सबैखाले सामग्रीहरु उपलब्ध गराउँने उदेश्यले गत बैशाख ५ गते देखि सेन्छेलुङ माङ सामग्री स्टोर संचालनमा आएको हो ।

विभिन्न क्षेत्रमा रहेर सामाजिक कार्य तथा व्यवसाय गर्दै आएका युवाहरुको सहकार्यमा स्टोर संचालनमा ल्याइएको बताइएको छ । ओत प्रिटिङ प्रेसका संचालक निङवाहाङ थेवे, मुन्धुमी गीतकार तथा म्यूजिक भिडियो निर्देशक आन्छुमे नसान र कलाकार तथा सामाजिक व्यक्तित्व मिलन लावतीकोे सहकार्यमा स्टोर संचालनमा ल्याएको संचालक नसानले जानकारी दिएका छन् ।

स्टोरमा माङसेवा गर्नलाई आवश्यक सामग्रीहरु – सुम्नीसा, साम्योनिसा, साम्जीक मुन्धुमका पूस्तकहरु, महागूरु फाल्गुनन्द र वर्तमान गुरु आत्मनन्द, गूरु आमा पवित्र हाङमा तस्बीर अंकित माला, किरीङ लगायत विभिन्न माङसेवा गर्दा आवश्यक सबै किसिमका सामग्री उपलब्ध रहेका छन् ।

आफुले सेवापुजा गर्दा सामग्री जुटाउन चारतिर दौडिनु पर्ने झन्झटबाट अरु भक्तजनहरुलाई मुक्त गराउँन र किरात धर्म दर्शनको प्रबद्र्धन गर्न उदेश्यले स्टोर संचालन गरिएको संचालक मिलन लावतीको भनाई छ ।

आगामी दिनमा किरात धर्म सम्बन्धी धार्मिक तिर्थस्थलहरु गुरु आश्रम, फुलुङ्गीको अगौटेबारी, सिलौटी जस्ता स्थानहरुलाई समेटेर प्याकेजमा ट्राभल एजेन्सी समेत संचालन गर्ने उदेश्य रहेको संचालक आन्छुमे नसानले जानकारी दिएका छन् ।