आइएमई लाइफ इन्स्योरेन्स कम्पन्नी लि.ले अभिकर्ता अभीमुखीकरण तथा सम्मान कार्यक्रम सम्पन्न गरेको छ । सोमबार (पुस,१३ गते) बिर्तामोडमा रहेको साई प्यालेस सिटी कम्प्लेक्सको सभाहलमा इन्स्योरेन्सका प्रदेश १ उपप्रमुख तथा मेची इन्चार्ज मिलन दाहालको अध्यक्षतामा सम्पन्न भएको हो । कार्यक्रममा प्रमूख अतिथि कम्पनीका सिईओ कवि फुँयाल, विशेष अतिथि कम्पनीका प्रदेश प्रमुख कर्मराज पौडेलको उपस्थिती रहेको थियो ।

आईएमई लाइफ इन्स्योरेन्सको काकडभिट्टा, बिर्तामोड, भद्रपुर र सुरुङ्गा शाखाहरुबाट एमडिआरटी हासील गर्न सफल अभिकर्ता, सेल्स कोडमा उत्कृष्ट अभिकर्ता, उत्कृष्ट एजेन्सी म्यानेनजर र उत्कृष्ट टिम बिजनेस गर्न सफल भएका अभिकर्ताहरुलाई सम्मान गरिएको थियो । सेल्स कोड तर्फ प्रथम मिना गुरुङ श्रेष्ठ, दोस्रो टिकाराम पाठक र तेस्रो टिका लिम्बुलाई सम्मान गरिएको थियो । त्यस्तै, टिम विजनेस तर्फ प्रथम हरी खनाल, दोस्रो हरी लम्साल र तेस्रो नरेन्द्र कुमार श्रेष्ठलाई सम्मान गरिएको थियो ।

त्यस्तै, कम्पनीको इतिहासमा पहिलो पटक डब्बल एमडिआरटी हासील गर्न सफल मिना गुरुङ श्रेष्ठ र १५ दिनमा एमडिआरटी हासील गर्न सफल याम कुमार राई र मिन बहादुर तामाङलाई सम्मान गरिएको थियो ।

कार्यक्रमलाई सम्बोधन गर्दै प्रमुख अतिथि फुयाँलले निकट भविष्यमा नै आईएमई लाईफ इन्स्योरेन्स कम्पनी विमा परिपक्क भुक्तानी गर्न विमितको घरमै पुग्ने व्यवस्था गरिने साथै विवितको सेवा र सुविधाका लागि कुनै कन्जुस्याई नगरी कम्पनी अघि बढी रहेको बताएका थिए । कार्यक्रम महेन्द्र तिम्सिनाले संचालन गरेका थिए ।