फाल्गुनन्द बचत तथा ऋण सहकारी संस्था लि. दमकले माइपूर्व क्षेत्रमा रहेका सेयर सदस्यहरुका लागि सदस्य शिक्षा, सुचना तथा अन्तक्रियात्मक कार्यक्रम संचालन गरेको छ । पुस १३ गते सोमबार विर्तामोडमा रहेको थकाली किचनको सभाहलमा आयोजित सो कार्यक्रम फाल्गुनन्द साकोसका शिक्षा तथा तालिम उपसमिति संयोजक महेन्द्र चाम्लीङको अध्यक्षतामा सम्पन्न भएको थियो । विर्तामोड सेवाकेन्द्र सह–संयोजक विमला फुएलले स्वागत मन्तव्य राखेको सो कार्यक्रमको शिक्षा सिफारीस उपसमिति सदस्य पिताम्बर कट्टेलले औचित्य पुष्टी गरेका थिए ।

सहकारी र समाज शिर्षकमा पुर्वसचिव देशराज नेम्बाङको सहजीकरण सगै शुरु भएको अन्तक्रियात्मक कार्यक्रममा संस्थाका अध्यक्ष संकल्प लिङ्देन, सचिव दिलिप जवेगु, लेखासमिति सदस्य विरवहादुर लावती र शिक्षा तथा तालिम उपसमिति महेन्द्र चाम्लीङले सहकारी सम्बन्धी छुट्टाछुट्टै विषयमा रही सहजीकरण गरेका थिए । बहुसंख्यक बढी सेयर सदस्यको उपस्थिति रहेको सो कार्यक्रम विर्तामोड सेवाकेन्द्रका सदस्य सचिव सुवास भण्डारीले संचालन गरेका थिए ।