दम रोगी हस्त बहादुर राईलाई आर्थिक सहयोग वितरण गरिएको छ ।

चुलाचुली ३, सुकुना टोल इलामका दम रोगी राईलाई पहिलो पाइला दमक शाखाले आज उनकै निवासमा पुगेर १० हजार नगद र खाद्यन्न वितरण गरेको हो ।

मजदुरी गरेर जिविकोपार्जन गर्दै आएका राई आफै थलिएपछि परिवारको गुजारा चल्ल धौधौ परेको छ । त्यसमाथि उनलाई दैनिक ६ सय रुपैयाको अक्सिजन, २ सय रुपैया ढुवानी खर्च गरी दैनिक ८ सय खर्चहुने गरेको छ । त्यो रकम जुटाउँन पनि उनको परिवार असक्षम रहेको छ ।

सहयोग वितरण गर्ने क्रममा पहिलो पाइला नेपाल सामाजिक सेवाका लागि स्थापना भएको संस्था रहेको दमक शाखा अध्यक्ष दिपक खड्काले बताए । नेपालभर १४ वटा शाखामा विस्तार भएको संस्थाको प्रधान कार्यालय काठमाण्डौको बानेश्वरमा रहेको छ ।
२०७४ सालमा स्थापना भएको यो संस्थाले विपन्न वर्गका मानिसहरुलाई शिक्षा र स्वास्थ्यका लागि सहयोग उपलब्ध गराउँदै आएको सचिव मेघनाथ फुएलले बताए ।

यसपटक दम रोगी राईको आर्थिक अवस्था कमजोर रहेको जानकारी पाएपछि उनलाई सहयोग गर्न त्यहाँ पुगेका टोलीले रोगी राईलाई रु १० हजार नगद सहित खाद्यन्न वितरण गरेको थियो । त्यसैगरी समानता टिभीको संचालक सबिना राईले १ बोरा चामल सहयोग गरेकी थिइन् ।
जीवन र मृत्यूसँग लडीरहेका राईले भनेः– ‘दम रोग सुन्दा सामान्य जस्तो लागेता पनि यसको सामना गर्न धेरै गारो रहेछ ।’ निरन्तर नाकबाट अक्सिजन लगाईरहनु पर्ने, जाडो मौसममा अक्सिजनको चिसोले धेरै सताउँने गरेको रोगी राईले बताए ।

उनको यो रोगको पूर्णरुपमा निदान हुन्छ या हुदैन उनका परिवार अन्योलमा नै रहेका छन् । तै पनि पर्याप्त रकम पाए उपचारका लागि हस्पिटल जाने उनको श्रीमतीको इच्छा रहेको छ ।

पूरा भिडियो हेर्न लिङ्कमा लगइन गर्नहोस्ः