बिहिबार, २९ पुष, २०७८ 

महागुरुको तस्वीर दुरुपयोग, किराँत धर्म तथा साहित्य उत्थान संघको ध्यानार्कषण

 

दमक/ राष्ट्रिय बिभूति तथा किरात धर्मका महागुरु फाल्गुनन्द लिङदेनको तस्वीर हिन्दु धार्मिक गतिविधिहरुमा अनाधिकृत रुपमा समावेश गरिदै आएको प्रति त्यस सम्बद्ध धार्मिक संस्थाहरुको ध्यान आकर्षण भएको छ ।

लोकतान्त्रिक आन्दोलन २०६२ र ०६३ को उपलब्धी स्वरुप २०७२ साल असोज ३ गते मुलुक धर्मनिरपेक्ष राष्ट्रिय घोषणा भई सकेको अवस्थामा पुनः मुलुकभर हिन्दु धर्म तथा राजसंस्थाको पक्षमा जनप्रर्दशन हुदैआएको र त्यस्ता प्रदर्शनमा किरात धर्मका महागुरुको समेत तस्वीर समावेश गरि दुरुपयोग गरिएकोमा सम्बद्ध धार्मिक संस्थाहरुको ध्यान आकर्षण भएको हो ।

किरात धर्म तथा साहित्य उत्थान संघका केन्द्रीय अध्यक्ष डकेन्द्रसिंह थेगिमले विज्ञप्तिमार्फत हाल मुलुकमा स्थापित संघीयता, लोकतान्त्रिक गणतन्त्र, धर्म निरपेक्षता र मुलुकको समृद्धि , शान्ति र अमनचयन नचाहने केही प्रतिक्रियाबादी अति हिन्दुबादी तत्वहरूले मुलुकलाई हिन्दुराष्ट्र कायम गर्न र धर्म निरपेक्षताको संबैधानिक ब्यबस्थालाई खारेज गर्न माग गर्दै आएको सनातन संस्कृति समाज नेपालको केन्द्रिय समितिलाई किरात धर्मदर्शनका प्रवर्तक एवं राष्ट्रिय बिभूति महागुरुको तस्वीर दुरुपयोग नगर्न आग्रह गरेका छन् ।

धर्म निरपेक्षताको संबैधानिक ब्यबस्था स्थापित हुनुमा किरात धर्मका अनुनायीहरुको पनि महत्वपूर्ण योगदान रहेकाले त्यस विरुद्धको गतिविधि किरात धर्मावलम्बीहरुलाई मान्य नहुने र हिन्दु धर्मका ब्यानरबाट महागुरु फाल्गुनन्दको तस्बीर तत्काल नहटाएमा कानुनी प्रक्रिया अपनाउन बाँध्य हुनुपर्ने समेत संघद्धारा जारी विज्ञप्तिमा जनाईएको छ ।

राप्रपाले केहिदिन अघि झापामा हिन्दु राष्ट्र कायम गर्न माग राख्दै गरेको शक्ति प्रर्दशनको व्यानरमा महागुरुको तस्वीर दुरुपयोग गरेको पाईएपछि संघले सार्वजनिक रुपमा आपत्ति जनाएको हो ।

सम्बन्धित समाचार

द भोईस अफ किड्समा ‘नुमा राई’ जिताउन अभियान समिति गठन

द भोईस अफ किड्स नेपालको भोटिङ राउण्डमा पुगेकी माङ्सेबुङ गाउँपालिका ६ की नुमा राईलाई जिताउन ‘नुमा राई जिताउऔँ अभियान समिती’ गठन गरिएको छ । माङ्सेबुङ गाउँपालिकाका अगुवा तथा जनप्रतिनीको सल्लाकार समिती सहित धनजित रुङ्माङ राईको...

फाल्गुनन्द साकोस बिर्तामोड सेवाकेन्द्रका लागि उपसमिति गठन

फाल्गुनन्द साकोस दमकले विर्तामोड सेवा केन्द्रको दोस्रो कार्यकालका लागि सोमबार उपसमिति पूर्नगठन गरेको छ । दमक ६, लिङदेन मार्गमा प्रधान कार्यालय रहेको फाल्गुनन्द बचत तथा ऋण सहकारी संस्थाको बिर्तामोड सेवाकेन्द्रका लागि बिमला फुयाँलको सह–संयोजकत्वमा उपसमिति...

निरन साम्पाङको निर्देशनमा हामीले देख्ने घाम जुन सार्वजनिक

गीतकार शिरेन बान्तवाको शब्द रचना, पारस मुकारुङको संगीत र राजेश पायल राईको आवाजमा रहेको गीतको म्युजिक भिडियो हामीले देख्ने घामजुन सार्वजनिक भएको हो । लघु चलचित्र लेखन तथा निर्देशन गर्दै आएका निरन साम्पाङले दोस्रो म्यूजिक...

जसपाले आचार्यविरुद्ध मतदान गर्ने

  बिराटनगर, १५ कार्तिक । जनता समाजवादी पार्टी, नेपाल (जसपा) प्रदेश १ प्रदेश सभा संसदीय दलको बैठकले मुख्यमन्त्री भीम आचार्यका विरुद्ध मतदान गर्ने निर्णय गरेको छ । जसपा प्रदेश १ संसदीय दलका नेता जयराम यादवले...

हाम्रो बारेमा

समाजलाई समृद्ध बनाउने, हाम्रो प्रयास भन्ने नारालाई आत्मसात गर्दै २०७२ असार ६ गते जिल्ला प्रशासन कार्यालय झापाको दर्ता नं १३५ मा समदर्शी सन्चार मासिक पत्रीका दर्ता गरि सुरुवात भएको हाम्रो यात्रालाइ आज अनलाइन संस्करण सम्म आइ पुगेको छ। आगामी दिनहरुमा यहि समदर्शी सन्चार मासिककै प्रस्तुतिमा समदर्शी टि. भि युटुव च्यानल संचालन गरि शिक्षा, स्वास्थ्य , कृषि , आर्थिक, संस्कृति र मनोरञ्जनका सामग्रीहरु प्रकाशन /प्रशारण गर्दै उदेश्य प्राप्तिका लागि हामी निरन्तर लागि रहने प्रण गर्दछौं।