मङ्गलबार, ११ माघ, २०७८ 

दशैंमा २० हजार नेपाली भित्रीए, टिकासम्म २५ हजार नाघ्ने अनुमान

काठमाडौं /  पछिल्लाे तथ्यांक हेर्दा दशैंकाे मुखमा करिब २० हजार नेपाली स्वदेश फर्किएका छन् । लकडाउनपछि विदेशबाट फर्किएका नेपालीको संख्या १५ दिन अघिसम्म ९४ हजार मात्रै थियो । आइतबारसम्म यस्तो संख्या एक लाख १४ हजार १८ पुगेको हाे । दशैंको टीकाको दिनसम्म स्वदेश फर्किने नेपालीहरुको संख्या २५ हजार नाघ्ने अनुमान गरिएकाे छ ।

करिब एक लाख नेपाली प्रमुख श्रम गन्तब्यबाटै फर्किएका हुन् । खाडी मुलुकहरु, मलेसियासहित  माल्दिभ्स, जापान, कोरिया, टर्की लगायतका देशबाट फर्किने अधिकांश श्रमिकहरु नै हुन् ।  धेरैजसोले अाफ्नाे रोजगारी गुमाएर अाएका छन् ।

सामान्य अवस्थामा प्रमुख श्रम गन्तव्य मुलुकमा कार्यरत धेरै नेपालीहरु दशैंमा घर आइपुग्न चाहन्थे । अहिले फर्किनेमा अधिकांश रोजगारी गुमाएर फर्किएका श्रमिकहरु रहेको श्रम, रोजगार तथा सामाजिक सुरक्षामन्त्री रामेश्वर राय यादव बताउँछन् ।

कोरोनाको महामारीले उत्पन्न असहज अवस्थाका कारण आधिकांश श्रमिकले दशैंमा घर विदामा आउने योजना बनाएनन् । त्यसमाथि नियमित उडान संख्या घटेकाले टिकट सजिलै नपाइने र नेपालमा पनि लगातार महामारी बढेकाले धेरै श्रमिकले विदेशमै दशैं मान्ने निर्णय गरेका हुन् ।

लकडाउनका कारण भिसा सकिएर विदेशमा अलपत्र परेका नेपालीहरु दशैं मान्न घर आइपुग्न पाए हुन्थ्यो भन्ने सोचमा भएपनि कतिले सस्तो टिकट पाउन सकेका छैनन् ।

सरकारले मलेसियासहित खाडीका सबै गन्तव्यमा नियमित उडान खोलिसकेको छ । दैनिक कोटा हटाएर नियमित उडान खोलेपछि अलपत्र परेका धेरै नेपाली फर्किसकेका छन् ।

नियमित उडान खुलेपछि घर फर्किन इच्छुकहरुले टिकट काटेका छन् । अहिले समस्यामा परेकाहरुलाई स्वदेश फर्किन दूतावासमा प्राथमिकताको सूचीमा पर्न रोइकराइ गर्नुपर्ने अवस्था छैन ।

सरकारले भदौ १६ गतेबाट शर्तसहित नियमित अन्तर्राष्ट्रिय हवाई उडान खोलेको थियो । त्यतिबेलैदेखि ७२ घण्टाको पीसीआर परीक्षण गरेर आएमा सीधै घर जान पाइने नियम ल्याइएको छ ।

पीसीआर नगरेका यात्रु बोकेको विमानमा आए होटलमा ७ दिन क्वारिन्टन बसेर घरमा १४ दिन होम क्वारिन्टिन बस्नुपर्ने नियम छ ।

मलेसियामा कोरोना संक्रमण नियन्त्रणमा आउने चरणमा रहेकाले कतिपय पहिले नेपाल फर्किन चाहेपनि अब नफर्किने निर्णय गरिसकेका छन् । भिसा थपेर बस्न चाहेमा कम्पनीले पनि सहजीकरण गरेका छन् ।
अहिले नियमित भए पनि नेपालबाट फर्किने श्रमिकहरु नभएकाले स्वदेश आउने हवाई भाडा विगतकोभन्दा महँगो तिर्नुपर्ने अवस्था भने छ । विदेशका चालु हालतका कम्पनीले सकेसम्म श्रमिकलाई भिसा थपेर बस्न प्रोत्साहन गरेका छन् ।

नेपालमा महामारी बढ्दो अवस्थामा देखिएकाले विदेशमा भिसा नसकिएका र अन्य समस्यामा नपरेकाहरु यो वर्ष दशैं लक्षित गरेर घर आउने आएको देखिँदैन ।

यात्रा सहज नहुने र विदेशबाट फर्किएकाहरुलाई समाजमा सहज रुपमा नलिइने अवस्थाका कारण पनि बाध्यात्मक बाहेकको अवस्थामा श्रमिकहरु कमै नेपाल उडिरहेको दूतावासका अधिकारीहरुको भनाइ छ ।

कोभिड–१९का कारण सबैभन्दा धेरै श्रमिक प्रभावित भएको मुलुक यूएई हो । यूएईमा करिब ५० हजार नेपाली स्वदेश फर्किन चाहनेको सूचीमा थिए । त्यसमध्ये १५ हजार नेपाली चार्टर्ड उडानबाट फर्किए । आइतबारसम्म त्यहाँबाट ३२ हजार ७९० सयभन्दा बढी नेपाली फर्किएका छन् । नेपाल एयरलाइन्स, हिमालय एयरलाइन्स, इत्तिहाद एयरवेज, फ्लाइ दुबई र एयर अरेबियाले त्यहाँबाट नियमित उडान भरिरहेका छन् ।

यूएईस्थित दूतावासकी राजदूत रिता धिताल नियमित उडान सुरु भएपछि दशैंमा फर्किने श्रमिकलाई समस्या नरहेको बताउँछिन् । तर, नियमित उडानको टिकट अझै पनि विगतको तुलनामा महँगो भने छ । टिकट नपाएर अलपत्र परेर बस्नुपर्ने अवस्था अहिले यूएईमा छैन ।

मलेसियाबाट अहिले हप्तामा २३ वटा नियमित उडान भइरहेको छ । मलेसियाका लागि नेपाली राजदूत उदयराज पाण्डेका अनुसार समस्या भोगेर बसेका श्रमिकहरु नियमित उडानबाट फर्किने क्रम जारी छ ।

अहिले मलेसियाबाट नेपाल एयरलाइन्स, हिमालय एयरलाइन्स, मालिन्दो एयरलाइन्स र मलेसियन एयरले नियमित उडान भरिरहेका छन् । ‘नियमित उडान नखुल्दासम्म नाम टिपाउनुभएका करिब ९ हजार व्यक्ति फर्किन बाँकी हुनुहुन्थ्यो, अहिलेसम्म उहाँहरुमध्ये धेरै नेपाल पुगिसक्नुभयो,’ पाण्डेले भने । राजदूत पाण्डेका अनुसार मलेसियाबाट आइतबारसम्म १६ हजार २८४ नेपाली फर्किएका छन् ।

मलेसियामा कोरोना संक्रमण नियन्त्रणमा आउने चरणमा रहेकाले कतिपय पहिले नेपाल फर्किन चाहेपनि अब नफर्किने निर्णय गरिसकेका छन् । भिसा थपेर बस्न चाहेमा कम्पनीले पनि सहजीकरण गरेका छन् ।

कतारबाट चार्टर्ड उडान भइन्जेल करिब १० हजार नेपाली फर्किए । आइतबारसम्म त्यहाँबाट २० हजार २५७ जना श्रमिक नेपाल आएका छन् ।

कतार एयरवेज, हिमालय एयरलाइन्स र नेपाल एयरलाइन्सले उडान नियमित गरेका छन् । कतारबाट फर्किन सहज अवस्था बनेको राजदूत डा. नारदनाथ भारद्वाज बताउँछन् । आफूलाई पायक पर्ने उडान श्रमिकले नै रोज्दै फर्किरहेका छन् ।

यदि कोही श्रमिक टिकट काट्न नसकेर अलपत्र पर्ने अवस्था आएर नेपाली दूतावास, गैह्रआवासीय नेपाली संघ र त्यहाँका विभिन्न सामाजिक संघसंस्थाले बनाएको कोषको रकम उपयोग गरेर निःशुल्क फर्काइने भारद्वाजले बताए ।

सरकारले ल्याएको निःशुल्क उद्धारको निर्देशिकाको मापदण्डमा पर्नेलाई त्यसबाटै सेवा दिने सकिने उनको भनाइ छ । कतार सरकारले कोही विदेशी श्रमिक कामविहीन भए अर्को कम्पनीमा जान दिने नीति ल्याएकाले त्यसबाट नेपालीले पनि लाभ उठाउन सक्ने दूतावासले जनाएको छ ।

यसले गर्दा कतारमा कामविहीन भएका नेपालीहरु पनि अन्य कम्पनीमा जोडिन थालेको र यही बेला नियमित उडान खुलेकाले अवस्था सामान्य हुन थाल्ने राजदूत भारद्वाजको अनुमान छ ।

साउदी अरेबियाबाट चार्टर्डमार्फत १२ हजार नेपाली फर्किएका थिए । अहिलेसम्म फर्किनेको संख्या १६ हजार ६५१ पुगेको छ ।

साउदीबाट अझै १० हजार नेपाली फर्किनसक्ने अनुमान छ । केही श्रमिक त्यहाँ अवस्था सामान्य हुँदै गएकाले अब तत्कालै नफर्किने मानसिकतामा पुगेका छन् ।

साउदीका लागि नेपाली राजदूत महेन्द्रप्रसाद सिंह राजपुत श्रमिकहरु आफैंले उपयुक्त दिनमा टिकट काटेर फर्किन सक्ने बनेकाले अवस्था समान्यीकरणतर्फ अघि बढेको बताउँछन् । त्यहाँ हिमालय एयरलाइन्सबाट सीमित उडान हुँदा अन्यत्रभन्दा अली बढी समस्या छ ।

त्यहाँबाट हिमालय एयरलाइन्सले मात्रै नेपालमा नियमित सीधा उडान भर्छ । हिमालय एयरलाइन्सलाई उडान संख्या बढाइदिन दूतावासले पहल गरिरहेको छ ।

कुवेतबाट चार्टर्ड उडानमार्फत करिब ६ हजार नेपाली फर्किएका थिए । कुवेतका लागि नेपाली राजदूत दुर्गाप्रसाद भण्डारी जजिरा एयरलाइन्सले कुवेतबाट नियमित उडान थालेपछि अलपत्र श्रमिकसम्बन्धी समस्यासमान्यतर्फ उन्मुख भएको बताउँछन् ।

महामारी अघिसम्म कुवेतबाट सीधै नेपालमा उडान हुँदैनथ्यो । तर, कुवेतमा अलपत्र करिब ३ हजार नेपालीलाई त्यहाँको सरकारको खर्चमा चार्टर्ड गरेर नेपाल ल्याएपछि जजिरा एयरले हप्तामा ४ वटा नियमित उडान गर्ने गरी अनुमति पाएको छ ।

राजदूत भण्डारीका अनुसार नियमित उडान नखुल्दासम्म कुवेतमा नेपाल फर्किन नाम टिपाएकाहरुमध्ये करिब २ हजार जना मात्रै फर्किन बाँकी थियो । कुवेतबाट फर्किनका लागि करिब १० हजारले दूतावासमा नाम टिपाएकोमा ६ हजारभन्दा बढी श्रमिकलाई चार्टर्ड विमानबाट नेपाल ल्याइएको थियो । त्यहाँबाट आइतबारसम्म ९ हजार ७८२ नेपाली फर्किसकेका छन् ।

सम्बन्धित समाचार

धुन क्रिएशनले कभर भिडियो प्रतियोगीता गर्दै

दमक झापाबाट संचालित ‘धुन क्रिएशन’ च्यानलले कभर भिडियो प्रतियोगीता गर्ने भएको छ । धुन क्रिएशन मार्फत हालै सार्वजनिक गरिएको गीत ‘तिमी नाँच फिरिरि’ को कभर भिडियो प्रतियोगीता राखिएको हो । सो गीतमा गीतकार एवं संगीतकार...

द भोइस किड्सकी फाईनलिष्ट नुमा राजेश पायल राईसँग गीत गाउँदै

‘द भोइस किड्स’की फाइनलिष्ड नुमा राई अब आउने मंशीर ६ गते २०७९ मा १५ वर्षकी हुन्छिन् । मंशीरमा जन्मिएकी उनको मुस्कान असाध्यै लक्षिनको छ । आमा प्रनिता र बुवा कुमारको भरपूर सहयोग र उनको अद्भुत...

आर्थिक अभाबका कारण संचारकर्मी एलबीको निधन

पत्रकार एलबी विश्वकर्माको आर्थिक अभावका कारण मृत्यु भएको पाइएको छ । बुधबार स्वास्थ्यमा समस्या देखिएपछि विश्वकर्मालाई सिभिल हस्पिटल भर्ना गरिएको थियो । उक्त हस्पिटलमा उनी एक महिनादेखि उपचार गराउँदै आएका थिए । शुक्रबार श्वासप्रस्वासमा समस्या...

द भोईस अफ किड्समा ‘नुमा राई’ जिताउन अभियान समिति गठन

द भोईस अफ किड्स नेपालको भोटिङ राउण्डमा पुगेकी माङ्सेबुङ गाउँपालिका ६ की नुमा राईलाई जिताउन ‘नुमा राई जिताउऔँ अभियान समिती’ गठन गरिएको छ । माङ्सेबुङ गाउँपालिकाका अगुवा तथा जनप्रतिनीको सल्लाकार समिती सहित धनजित रुङ्माङ राईको...

हाम्रो बारेमा

समाजलाई समृद्ध बनाउने, हाम्रो प्रयास भन्ने नारालाई आत्मसात गर्दै २०७२ असार ६ गते जिल्ला प्रशासन कार्यालय झापाको दर्ता नं १३५ मा समदर्शी सन्चार मासिक पत्रीका दर्ता गरि सुरुवात भएको हाम्रो यात्रालाइ आज अनलाइन संस्करण सम्म आइ पुगेको छ। आगामी दिनहरुमा यहि समदर्शी सन्चार मासिककै प्रस्तुतिमा समदर्शी टि. भि युटुव च्यानल संचालन गरि शिक्षा, स्वास्थ्य , कृषि , आर्थिक, संस्कृति र मनोरञ्जनका सामग्रीहरु प्रकाशन /प्रशारण गर्दै उदेश्य प्राप्तिका लागि हामी निरन्तर लागि रहने प्रण गर्दछौं।