काठमाडाैं। प्रधानमन्त्री केपी शर्मा ओलीले मन्त्रीपरिषद् पुनःगठन गरेका छन्। केही मन्त्रालयमा हेरफेरसँगै नयाँ तीन मन्त्री थपिएका छन् ।
राष्ट्रपति कार्यालयका अनुसार ओलीले नेकपा सचिवालय सदस्य बिष्णु पौडेललाई अर्थ मन्त्री नियुक्त गरेका छन्।
प्रधानमन्त्री ओलीले उपप्रधानमन्त्री तथा रक्षा मन्त्री ईश्वर पोखरेललाई रक्षाबाट हटाएर प्रधानमन्त्री तथा मन्त्रिपरिषदको कार्यालयमा तानेका छन्। रक्षा मन्त्रालय प्रधानमन्त्रीले आफैं राखेका छन्।
![](http://www.samadarshisanchar.com/wp-content/uploads/2020/10/Bishnu-paudel-krishna-gopal-shrestha-lilanath-shrestha.jpg)
मन्त्रिपरिषदमा तीन नयाँ अनुहारहरू बायाँबाट क्रमश: विष्णु पौडेल, कृष्णगोपाल श्रेष्ठ र लीलानाथ श्रेष्ठ
त्यस्तै सहरी विकास मन्त्रीमा कृष्णगोपाल श्रेष्ठ नियु्क्त भएका छन् भने लीलानाथ श्रेष्ठलाई महिला बालबालिका तथा जेष्ठ नागरिक मन्त्री बनाइएको छ। श्रेष्ठ सिरहाबाट निर्वाचित सांसद हुन्। उनी पूर्व एमाले हुन् । दोस्रो संविधान सभा चुनावमा उनले सिरहा-५ मा तत्कालीन माओवादी केन्द्रका अध्यक्ष पुष्पकल दाहाललाई झन्डै हराएका थिए।
यसअघि महिला बालबालिका मन्त्री रहेका पार्वत गुरूङलाई सूचना तथा सञ्चार मन्त्रालयको जिम्मा दिइएको छ।
यो सँगै मन्त्रिपरिषद २५ सदस्यीय बनेको छ ।
अब संविधानत: मन्त्रिपरिषद २५ सदस्यीय भन्दा बढी संख्याको बनाउन पाइने छैन । यदि मन्त्री थप गर्नुपरेमा हाल रहेका मन्त्रीपरिषद सदस्यलाई हटाउनुपर्नेछ ।
हेर्नुस् को के मन्त्री बने
![](https://www.setopati.com/uploads/editor/sujita%20file/other/%E0%A4%AE%E0%A4%A8%E0%A5%8D%E0%A4%A4%E0%A5%8D%E0%A4%B0%E0%A5%80%E0%A4%B9%E0%A4%B0%E0%A5%81%E0%A4%95%E0%A5%8B-%E0%A4%A8%E0%A4%BF%E0%A4%AF%E0%A5%81%E0%A4%95%E0%A5%8D%E0%A4%A4%E0%A4%BF_%E0%A4%B5%E0%A4%BF%E0%A4%9C%E0%A5%8D%E0%A4%9E%E0%A4%AA%E0%A5%8D%E0%A4%A4%E0%A4%BF_2077-1489x2048.jpg)