दमक। झापाको दमकमा पापोहाङ् लाओती सयङ्ले प्रकाशन गरेको वंशावली आज विधिवत रुपमा विमोचन गर्दै सार्वजनिक गरेको छ ।
सयङका प्रमुख सल्लाहकार खड्ग सुन्दर लाओती, सल्लाहकारद्वय ज्ञानोदय लाओती र जीत बहादुर लाओतीको हस्तवाहुलीबाट वंशावली विमोचन गरिएको हो ।
![](http://limbuwankhabar.com/wp-content/uploads/2020/10/IMG20201010125139-scaled.jpg)
पापोहाङ् लाओती सयङ् केन्द्रीय कार्य समितिले प्रकाशन गरेको ५ सय पृष्ठ भन्दा धेरै पेजको वंशावली लेखन उपसमितिको संयोजकमा धर्मजंग लाओती र सचिवमा विजय वोध लाओती रहेका छन् । भाषा सम्पादन वीर बहादुर लाओतीले गर्नुभएको उक्त वंशावलीको साजसज्जा डम्बर तुम्बापो बुद्धले गरेका छन् भने प्रकाशन दमक स्रष्टा छापाखानाले गरेको हाे ।
![](http://limbuwankhabar.com/wp-content/uploads/2020/10/121060411_1628317510675259_8985286751222781636_n.jpg)
पुस्तकमा लाओती वंशको इतिहास, वंशक्रम र लाओती परिवारका लब्ध प्रतिष्ठित व्यक्तिहरुको परिचय लगायत विषयहरुलाई समेटिएको छ ।
उक्त कार्यक्रममा सयङका प्रमुख सल्लाहकार खड्गसुन्दर लाओती, सल्लाहकार द्वय ज्ञानोदय लाओती र जीत बहादुर लाओतीले लामो प्रतिक्षा पछि प्रकाशित वंशावलीले आगामी दिनमा लाओती बन्धुहरु बिचको साइनो सम्बन्ध छुट्याउनमा थप मद्दत पुग्ने चर्चा गरेका छन् ।
![](http://limbuwankhabar.com/wp-content/uploads/2020/10/IMG20201010125555-scaled.jpg)
विमोचन कार्यक्रम सयङका अध्यक्ष जगतजंग लाओतीको सभाध्यक्षता, सयङका सह–अध्यक्ष प्रेमपुत्र लाओतीको स्वागत मन्तव्यका साथै महासचिव कान्छा लाओतीको संचालनमा कार्यक्रम सम्पन्न भएको छ ।
![](http://limbuwankhabar.com/wp-content/uploads/2020/10/120949437_3403238373091344_4703303315328409518_n.jpg)
कोरोना भाइरसको कारण इलाम, झापा, मोरङ्, सुनसरी लगायतका जिल्लाहरुबाट सिमित लाओती बन्धुहरुमात्र विमोचन कार्यक्रममा उपस्थित भएको कार्यक्रम आयोजक तथा पत्रकार विजयवाेध लाओतीले बताए ।