सोमबार, १० माघ, २०७८ 

प्रदेश ५ को नामाकरण लुम्बिनी राखिएकोमा संघीय मञ्चको आपत्ती

दमक। संघीय लोकतान्त्रिक राष्ट्रिय मञ्चले प्रदेश नं. ५ को नामाकरण लुम्बिनी राखिएको प्रति घोर आपत्ति र विरोध जनाएको छ ।

अध्यक्ष कुमार लिङ्देन मिराकले आज जारी गरेको विज्ञप्तिमा प्रदेश नं. ५ को नामाकरण पहिचान विरोधी र पञ्चायतकालिन शब्द लुम्बिनी राखिएको प्रति जनाउँदै जनयुद्धमा सबैभन्दा धेरै शहिद भएका मगर र थारुहरुको पहिचान समेट्ने मगरात–थरुहट राखिनु पर्ने विज्ञप्तिमा उल्लेख गरेका छन् । मगर र थारुहरुको अस्तित्व नै तहसनहस हुनेगरी चिराचिरा पारेर ल्याएको प्रदेशको नामाकरण एकात्मकवादी भएको टिप्पणी अध्यक्ष लिङ्देनले गरेका छन् ।

द्वन्द्वकालमा युद्धमा होमाउने प्रचण्ड र प्रधानमन्त्री ओली प्रति कटाक्ष गर्नुहुँदै लिङ्देनले २ नं. प्रदेश बाहेकका सबै प्रदेशमा नेकपाको दुईतिहाईको सरकार भएको हुँदा आफ्नो अनुकुलमा प्रदेशहरुको नामाकरण गरी र अस्तित्व विनाको प्रदेशको नामाकरण गरेर सिंगो आदिवासी जनजाति मधेसी दलितशिल्पी माथि अपमान गरेको अध्यक्ष लिङ्देनले आरोप लगाएका छन् ।

प्रदेशको नामाकरण गर्दा प्रदेश सभामा छलफल नै नगरी काठमाडौंमा ओली–प्रचण्डले नाम र राजधानी घोषणा गरी प्रदेश सदस्यहरुबाट पारित गराउने अलोकतान्त्रिक क्रियाकलापले मूलक द्वन्द्व तर्फ ढिलो चाढो धकिल्दै गएको प्रति अध्यक्ष लिङ्देनले चिन्ता व्यक्त गर्दै नेकपाको लोकतन्त्र विरोधी, निरंकुश तानाशाह बन्दै गएको हुँदा १७ सालको कालोदिन फर्काउन नेकपा लागेका हुँदा जनता सजक हुनु पर्ने लिङ्देन जनाएका छन् ।

विश्वबाटै लोप भैसकेको पहिचान विरोधी, निरंशुक तानाशाहहरुले नेपालका आदिवासी, दलितशिल्पी खस मधेशी समुदायलाई झुक्याएर सत्ता हडप्न सफल भएको हुँदा नेकपाको राक्षसी आँखाबाट निस्किएर परिवर्तनको लागि आम जनता आन्दोलनमा आउन विज्ञप्तिमा मार्फत अध्यक्ष लिङ्देनले आव्हान गरेका छन् ।

सम्बन्धित समाचार

धुन क्रिएशनले कभर भिडियो प्रतियोगीता गर्दै

दमक झापाबाट संचालित ‘धुन क्रिएशन’ च्यानलले कभर भिडियो प्रतियोगीता गर्ने भएको छ । धुन क्रिएशन मार्फत हालै सार्वजनिक गरिएको गीत ‘तिमी नाँच फिरिरि’ को कभर भिडियो प्रतियोगीता राखिएको हो । सो गीतमा गीतकार एवं संगीतकार...

द भोइस किड्सकी फाईनलिष्ट नुमा राजेश पायल राईसँग गीत गाउँदै

‘द भोइस किड्स’की फाइनलिष्ड नुमा राई अब आउने मंशीर ६ गते २०७९ मा १५ वर्षकी हुन्छिन् । मंशीरमा जन्मिएकी उनको मुस्कान असाध्यै लक्षिनको छ । आमा प्रनिता र बुवा कुमारको भरपूर सहयोग र उनको अद्भुत...

आर्थिक अभाबका कारण संचारकर्मी एलबीको निधन

पत्रकार एलबी विश्वकर्माको आर्थिक अभावका कारण मृत्यु भएको पाइएको छ । बुधबार स्वास्थ्यमा समस्या देखिएपछि विश्वकर्मालाई सिभिल हस्पिटल भर्ना गरिएको थियो । उक्त हस्पिटलमा उनी एक महिनादेखि उपचार गराउँदै आएका थिए । शुक्रबार श्वासप्रस्वासमा समस्या...

द भोईस अफ किड्समा ‘नुमा राई’ जिताउन अभियान समिति गठन

द भोईस अफ किड्स नेपालको भोटिङ राउण्डमा पुगेकी माङ्सेबुङ गाउँपालिका ६ की नुमा राईलाई जिताउन ‘नुमा राई जिताउऔँ अभियान समिती’ गठन गरिएको छ । माङ्सेबुङ गाउँपालिकाका अगुवा तथा जनप्रतिनीको सल्लाकार समिती सहित धनजित रुङ्माङ राईको...

हाम्रो बारेमा

समाजलाई समृद्ध बनाउने, हाम्रो प्रयास भन्ने नारालाई आत्मसात गर्दै २०७२ असार ६ गते जिल्ला प्रशासन कार्यालय झापाको दर्ता नं १३५ मा समदर्शी सन्चार मासिक पत्रीका दर्ता गरि सुरुवात भएको हाम्रो यात्रालाइ आज अनलाइन संस्करण सम्म आइ पुगेको छ। आगामी दिनहरुमा यहि समदर्शी सन्चार मासिककै प्रस्तुतिमा समदर्शी टि. भि युटुव च्यानल संचालन गरि शिक्षा, स्वास्थ्य , कृषि , आर्थिक, संस्कृति र मनोरञ्जनका सामग्रीहरु प्रकाशन /प्रशारण गर्दै उदेश्य प्राप्तिका लागि हामी निरन्तर लागि रहने प्रण गर्दछौं।