‘साकेला थान’ बनाएर साकेला नाचलाई निरन्तरता दिन पाए असल काम हुने थियो । प्रकृतिमा अझ सुन्दरता निश्चय नै थपिने थियो ।
नेपाल प्राकृतिक सौन्दर्यको हिसाबले विश्वकै उत्कृष्ट मुलुकहरु मध्ये एक हो । यहाा प्राकृतिक सुन्दरताले भरिपूर्ण अनगिन्ती सम्पदाहरु, स्थलहरु र स्थानहरु छन् । त्यसमध्ये ओझेलमा परेको ढ्याङ्गुरे डाँडा पनि एक हो । ढ्याङ्गुरे डाँडालाई पर्यटकीय स्थलको रूपमा विकास गर्न सकिने धेरै आधारहरु छन् ।

यहाँ आउने पर्यटकहरुको निम्ति आवास सुविधाको लागि भौतिक संरचना निर्माण गर्ने । खाली रहेको क्षेत्रमा चिया बगान लगाउने । आर्कषणका लागि गोब्रे सल्ला, खोटे सल्ला, धुपी सल्ला र चाँप जस्ता बिरुवाहरु लगाउने । कुनै क्षेत्रमा गुलाबको फूलको कलात्मक बगैंचा निमार्ण गर्ने ।

चिया बगानको वरिपरि लालीगुराँसको बोटहरु रोप्ने । यति मात्रै गर्ने हो भने पनि यो डाँडा अत्यन्त सुन्दर पर्यटकीय गन्तव्य बन्नेमा दुईमत छैन । र यो इतिहास बोकेर रोइरहेको डाँडालाई पर्यटकीय स्थलको रूपमा विकास गर्ने हो भने कयौं युवाहरुका लागि रोजगारीको पनि भरपर्दो आधार बन्ने पक्का छ ।