‘ढ्याङ्गुरे डाँडा’ इलामको माङसेबुङ गाउँपालिका वडा नं ६ र पाँचथरको मिक्लाजुङ गाउँपालिकाको वडा नं ५ को सीमानामा अवस्थित छ । यो डाँडा समुद्री सतहदेखि लगभग १९ सय मिटरको उचाइमा रहेको छ । ‘ढ्याङ्गुरे’ अर्को पर्यटकीय सम्भावना बोकेको डाँडा हो । यो डाँडा प्राकृतिक दृश्यावलोकनका लागि अत्यन्तै उपयुक्त स्थल पनि हो ।

कुनै जमानामा एक जना ढ्याङ्गुरे नामक मानिसले बसोबास गरेको हुनाले यस डाँडाको नाम ‘ढ्याङ्गुरे डाँडा’ रहन गएको बुढापाकाहरुको भनाइ रहेको छ । हरियो वन जङ्गलले ढाकेको छ, ढ्याङ्गुरे डाँडा । दमकको काख हुँदै बग्ने रतुवा खोला यहि डाँडाबाट सुरु हुन्छ । यहाँबाट उत्तरतिर हेर्दा सुन्दर हिमालहरुको दर्शन हुन्छ । दक्षिणतिर हेर्दा तराइका विशाल फाँटहरु, शान्त बगेको माई खोला अनि चुरेपर्वतका मनोरम दृश्यहरु देख्न सकिन्छ । यो डाँडाको शीरमा उभिएर कवि भूपि शेरचनको एउटा गीतको अन्तरा दिल खोलेर गाउन मन लाग्छ ।
‘एकातिर तराईको चारकोशे झाडी छ, अर्को तिर उच्च शीर ठूल्ठूला पहाड छ…..’

मन त्यसै आह्लादित हुन्छ । गर्व लाग्छ, नेपाली हुनुमा । अझ त्यही मनोरम धर्ती पहिलो पाइला राख्नुमा कति गौरव होला ।
पहाडी भेगको चिसो बतास । तिर्सना मेटिने कञ्चन पानी । साना र मझौला रुखबिरुवाको घनाजङ्गल । मन लोभ्याउने चियाबारी । ढ्याङ्गुरे डाँडालाई चिटिक्क पार्ने प्राकृतिक गहनाहरु यिनै हुन् । चारै दिशा जोड्ने महत्वपूर्ण बाटोहरुको केन्द्र । पूर्वी नेपालका विभिन्न भू–भागबाट भेडेटार, राँके, ताप्लेजुङ र ओलाङ्चुङ्गोला हुँदै चीनसम्म, त्यसैगरी गजुरमुखी, मंगलबारे, इलाम, फिक्कल र पशुपतिनगर हुँदै भारतसम्म पुग्न सकिन्छ । यी सडकहरुलाई व्यवस्थित गर्न सकियो भने निकट