शुक्रबार, ०८ असोज, २०७८ 

कोरोनाका कारण ‘कागे गोल्डकप’ बिर्सने चिन्ता

प्याङ (इलाम) : इलाममा फुटबल खेलबाट नाम चलेको सन्दकपुर गाउँपालिकाको जमुनामा यस वर्ष पनि ‘कागे गोल्डकप’ हुन नसके त्यसको महत्व घटेर जाने हो कि भन्ने चिन्ताले जमुनाबासीलाई दिनरात पिरोल्न थालेको छ ।

३५ वर्ष अघिदेखि अभिछिन्र रुपमा बर्सेनि तिहारमा आयोजना गरिने गोल्डकप विश्व महामारी कोरोनाको कारण अघिल्लो वर्ष हुन सकेन । यो वर्ष पनि कोरोना सदरमुकामदेखि गाउँको टोलटोलसम्म छिरेकाले ‘कागे गोल्डकप’ गर्न गाह्रो भईरहेको पूर्व खेलाडी उमेश गुरुङले बताए ।

यो वर्ष पनि खेल आयोजना गर्न सकिएन भने फुटबल खेलप्रेमी र दर्शकले बिस्तारै ‘कागे गोल्डकप’ कतै भुल्ने त होइन भन्ने कुराले जमुनाबासीलाई मात्र होइन, छिमेकी गाउँ पनि पिरोल्न थालेको छ ।

६ वर्ष अगाडीदेखि जमुनालाई चिनाउन फुटबल खेललाई खेल पर्यटनमा जोडेर खेल पर्यटनको माध्यमबाट ‘फुटबल खेलौं, रमाइलो ठाँउ घुमाउ’ भन्ने नारासँगै पर्यटकीय स्थलहरुको बारेमा सुचना दिने र जमुनाको मुख्य ठाँउहरु घुमाउने कार्यको थालनी सुरु गरेको थियो । यहि थालनीले फुटबलप्रतिको मोह सबै तिर छायो ।

इलामको ग्रामीण क्षेत्रमा लाखौं खर्च गरेर खेलाडीहरु आआफ्नो टिममा छोटो समयको लागि भएपनि अनुबन्ध गर्ने होडबाजीले ‘कागे गोल्डकप’ को महत्व धेरै चुलिन पुग्यो । यही कागेको खेल मैदानबाट बालक उमेरमा अरुले फुटबल खेलेको हेर्दै खेल कौशल सिकेका जमुनाका छिरिङ गुरुङ र दर्शन गुरुङले विभिन्न उमेर समूह हुँदै राष्ट्रिय टिममा एकसाथ डेब्यु गरेपछि जमुना र कागे गोल्ड्कपको उचाई देशभरी छायो ।

जब छिरिङ र दर्शन गुरुङको गाउँ फुटबलले चिन्न पुग्यो तब उनीहरुको देनले जमुनाबासीलाई फुटबल खेलतर्फ अग्रसर गराउँदै जमुनामा ३२ रोपनी क्षेत्रफलमा अन्तरास्ट्रिय गजाधर धनमाया रंगशाला बनाउन जुटे हाल २ वर्षको अवधिमा ८० प्रतिशत काम सम्पन्न भएको छ ।

यहि रंगशालालाई केही दिनमा बालुवा लगाएर रोलरलेसम्म बनाएर कागे गोल्ड्कपलाई पुन जीवन दिन सदरमुकाम बाहिर लेभेन (११) साइट्को खेल खेलाउने योजनामा जमुना बासी जुटेका छन् ।

तर कोरोनाले फुटबल खेलाउन दिने हो कि होइन जमुना बासी यति बेला दोधारमा छ । स्थानीय ठाउँ हजारौं दर्शकको उपस्थिती हुने भएकोले ‘कागेको गोल्डकप’ हेर्न र मेला भर्न गाउँका स्थानीयहरु भदौ-असोजबाटै आर्थिक जोहो गर्ने गर्छन् ।

नयाँ बुलन्द आवाज इलामबाट

 

सम्बन्धित समाचार

फाल्गुनन्द साकोसको अध्यक्षमा पुन: लिङ्देन निर्वाचित

दमक । फाल्गुनन्द बचत तथा ऋण सहकारी संस्थ लि. को अध्यक्षमा पुन: संकल्प लिङ्देन (पदम) निर्वाचित भएका छन । दमकको कास्मिक पार्टी प्यालेसमा बिहीबार सम्पन्न १० औ साधारण सभा पछि नया नेतृत्वको लागि अध्यक्ष र...

भ्रामक र तथ्यहिन प्रचारका पछि नलाग्न शेयर सदस्यलाई अध्यक्ष लिङ्देनको अपिल

  दमक, ६ असोज /  दमकको पुरानो तथा चर्चित फाल्गुनन्द बचत तथा ऋण सहकारी संस्था १०औं बार्षिक साधारणसभाबाट नेतृत्व छनौट गर्ने तयारीमा जुटेको छ । संस्थाले सहमतिमा नेतृत्व छान्ने कसरत गरेपनि सहमति जुट्न सकेको छैन...

पैसाकै कारण ललितपुरबाट पक्राउ परे ३२ वर्षीय हिरालाल

उच्च अदालत पाटनबाट बैंकिङ कसुर मुद्दामा २५ लाख जरिवाना तोकिएका हिरालाल श्रेष्ठलाई शुक्रबार प्रहरीले पक्राउ गरेको छ । उच्च अदालत पाटनले २०७८ असार २९ गते श्रेष्ठलाई बैंकिङ कसुर तथा सजाय ऐन २०६४ बमोजिम १० दिन...

अलैंची पाकेपछि लमजुङका किसानलाई छोडाउन र सुकाउनको चटारो, अलैंची खेलिबाटै १८ करोड २० लाख गरे आम्दानी

एजेन्सी-चर्चित बलिउड अभिनेत्री दिशा पटानीलाई दिल्लीमा एक फ्यानले लगातार पिछा गरेर हैरान बनाएपछि अंगरक्षक राख्ने निर्णय गरेकी छिन् । विज्ञापन सुटिङका लागि दिल्ली पुगेकी उनलाई एक अपरिचित व्यक्ति पछि पछि लागेर हैरान बनाएपछि दिशाले यस्तो...

हाम्रो बारेमा

समाजलाई समृद्ध बनाउने, हाम्रो प्रयास भन्ने नारालाई आत्मसात गर्दै २०७२ असार ६ गते जिल्ला प्रशासन कार्यालय झापाको दर्ता नं १३५ मा समदर्शी सन्चार मासिक पत्रीका दर्ता गरि सुरुवात भएको हाम्रो यात्रालाइ आज अनलाइन संस्करण सम्म आइ पुगेको छ। आगामी दिनहरुमा यहि समदर्शी सन्चार मासिककै प्रस्तुतिमा समदर्शी टि. भि युटुव च्यानल संचालन गरि शिक्षा, स्वास्थ्य , कृषि , आर्थिक, संस्कृति र मनोरञ्जनका सामग्रीहरु प्रकाशन /प्रशारण गर्दै उदेश्य प्राप्तिका लागि हामी निरन्तर लागि रहने प्रण गर्दछौं।