शनिबार, १७ मंसिर, २०७९ 

लुङ्धुङ् टोलको तेस्रो बार्षिक साधारणसभा सम्पन्न

-मुसाहाङ् अम्याङ्सा

दमक। झापाको दमक न.पा. १ को लुङ्धुङ् टोल विकास संस्थाको तेस्रो बार्षिक साधारणसभा आज सम्पन्न भएको छ ।
संस्थाको कार्यालय परिसरमा दमक वडा नं. १ का वडाध्यक्ष तारा प्रसाद अधिकारीको प्रमुख आतिथ्यतामा सम्पन्न कार्यक्रममा ने.क.पा. दमक नगर सचिव तथा पुष्प धिरेन प्राविधिक प्रतिष्ठान अध्यक्ष शंकर बस्नेत, समाजसेवी तथा सामुदायिक मेल मिलाप दमक वडा नं. १ सदस्य इक्सा सम्बाहाङ्फे, छिमेकी टोलहरु हिमालय टोल विकास संस्था अध्यक्ष बुद्धिमान इङ्नाम, फक्ताङ्लुङ् टोल विकास संस्था अध्यक्ष पूर्ण लाओती, बुद्ध टोल विकास संस्था अध्यक्ष राजकर्ण राई, शिवालय टोल विकास संस्था अध्यक्ष फनिन्द्र गिरी, अपाङ् संघ आजीवन सदस्य लोक बहादुर राई लगायतले शुभकामना मन्तव्य राखेका थिए ।

उक्त साधारणसभाले याम बहादुर राईको अध्यक्षतामा ९ सदस्यीय समिति गठन गरेको छ । समितिको उपाध्यक्ष सरिता राना मगर, सचिव डिल्लीश्वर मुसाहाङ् अम्याङ्सा, सह–सचिव वीर बहादुर लिम्बू, कोषाध्यक्ष याम कुमारी गुरुङ् (चेम्जोङ्) रहेका छन् भने सदस्यहरुमा क्रमशः धिरेन सङ्बाङ्फे, मुकेश मगर, पूर्ण बहादुर दर्जी (प्रकाश) र धनराज तामाङ् (सन्दीप) सर्व सम्मतबाट चयन भएको निर्बाचन समिति संयोजक राजेश लिम्बूले बताए ।

सभाले टोलका संस्थापक अध्यक्ष दिल बहादुर कुरुम्बाङ् र टोललाई स्टिल दराज सौजन्य गर्नु हुने घनेन्द्र चेम्जोङ्लाई पनि सम्मान गरेको छ ।
सभामा कोषाध्यक्ष सरिता राना मगरले २ आर्थिक बर्ष शेयर पूँजी बार्षिक ब्याज समेत ७ लाख ४१ हजार एकसय सत्तरी मध्ये जम्मा ६ लाख अठहत्तर हजार एकसय तीस रुपैयाँ संस्थामा रहेको र सामाजिक भाडा बर्तनको खरिदको लागी तीस हजार रुपैयाँ जम्मा भएको जनाएकी छन् ।

सभामा अध्यक्षद्धारा प्रस्तुत प्रतिवेदनमा हाल जम्मा ९१ घरघुरी रहेको छ भने पुरुष ११२ महिला ११८ गरी जम्मा २३० जनसंख्या रहेको छ । लुङ्धुङ् टोल विकास संस्थाले खानेपानी सरसफाई, नगरपालिका साझेदारीमा ४ सय मिटर ग्राबेल, सडक बती विस्तार, लागुऔषध, महिला हिंसा डेंगु प्रवाभ र साइबर क्राइम सम्बन्धी जनचेतनामूलक कार्यक्रम, सिरिजंगा र लुङ्धुङ् टोल र इलाका प्रहरी कार्यालय दमक अन्तर्गत सामुदायिक प्रहरीको उपस्थितिमा संयुक्त कार्यक्रम, कोभिड–१९ (कोरोना भाइरस) महामारीको बेला विपन्न निम्न वर्गहरुलाई दमक नगरपालिकाको सहयोगमा राहत वितरण लगायत विभिन्न जनचेतनामूलक कार्यक्रमहरु भएको टोल अध्यक्ष माइतराज कुरुम्फङ्ले बताएका छन् ।

सभा संस्थाको अध्यक्ष माइतराज कुरुम्भङ् लिम्बूको सभाध्यक्षता, टोल सदस्य डिल्लीश्वर मुसाहाङ्को स्वागत मन्तव्य र का.वा. सचिव याम बहादुर राईको संचालनमा कार्यक्रम सम्पन्न भएको छ ।

सम्बन्धित समाचार

जेष्ठ २१ गते झापामा साकेला सिली भव्यताका साथ समापन हुने

दमक, जेष्ठ । किरात राई यायोक्खा झापाको आयोजनामा जेष्ठ २१ गते शनिबार साकेला सिली समापन समारोह कार्यक्रम भव्यताका साथ सम्पन्न हुने भएको छ । किराया झापाले शुक्रबार साकेला थान व्यवस्थापन समिति र स्थानीय अगुवाहरुसँग बैठक...

कक्षा १२ सम्म निशुल्क शिक्षा प्रदान गर्ने मेरो पहिलो प्राथमिकता –लक्ष्मी प्रसाद चेम्जोङ

लक्ष्मी प्रसाद चेम्जोङ बि.सं. २०४९ र २०५४ मा शिवसताक्षी नगरपालिका वडा १ को अध्यक्ष पदमा २ पटक निर्वाचित भए , २६ वर्षको कलिलो उमेरमा । लगातार २ कार्यकाल नेतृत्व गरेका उनले यसपटक पुन वडाध्यक्षको उमेरद्धारी...

अघिल्लो कार्यकालका जनप्रतिनिधिले सम्भव हुने काम पनि गर्न सकेन् – दुर्गा नेम्बाङ

समदर्शी सञ्चार अनलाईन खबरमा तपाईलाई स्वागत छ । नमस्कार, समदर्शी सञ्चार अनलाईनका सम्पूर्ण पाठकहरुमा म दुर्गा नेम्बाङको तर्फबाट अभिवादन व्यक्त गर्दछु । तपाई राजनीतिमा सक्रिय हुनुभएको कति भयो ? राजनीतिमा क्रियाशील भएको त्यस्तै ७ वर्ष...

सेन्छेलुङ माङ सामग्री स्टोर संचालनमा

दमक १, झापा फाल्गुनन्द चोक नजिकै सेन्छेलुङ माङ सामग्री स्टोर संचालनमा आएको छ । किरात धर्म संस्कार अन्तर्गत सेवा पुजा गर्दा आवश्यक पर्ने सबैखाले सामग्रीहरु उपलब्ध गराउँने उदेश्यले गत बैशाख ५ गते देखि सेन्छेलुङ माङ...

हाम्रो बारेमा

समाजलाई समृद्ध बनाउने, हाम्रो प्रयास भन्ने नारालाई आत्मसात गर्दै २०७२ असार ६ गते जिल्ला प्रशासन कार्यालय झापाको दर्ता नं १३५ मा समदर्शी सन्चार मासिक पत्रीका दर्ता गरि सुरुवात भएको हाम्रो यात्रालाइ आज अनलाइन संस्करण सम्म आइ पुगेको छ। आगामी दिनहरुमा यहि समदर्शी सन्चार मासिककै प्रस्तुतिमा समदर्शी टि. भि युटुव च्यानल संचालन गरि शिक्षा, स्वास्थ्य , कृषि , आर्थिक, संस्कृति र मनोरञ्जनका सामग्रीहरु प्रकाशन /प्रशारण गर्दै उदेश्य प्राप्तिका लागि हामी निरन्तर लागि रहने प्रण गर्दछौं।