सोमबार, ०४ असोज, २०७८ 

याक्थुङ् पालाममा उदाइन – सुनिता केदेम लाबुङ्

उच्च मनोवल भएकी सुनिताले खेलकूद तर्फ फूटबल, भलिबल र म्याराथुन दौडमा समेत पटक–पटक भाग लिएर बाजी जित्दै आएको नौलो घटना भने होइन । खेलकुद र याक्थुङ लोक छन्दहरुमा सानै देखि रुची भएको सुनितामा विलक्षण प्रतिभा, कला र गला छ । याक्थुङ् सांस्कृतिक माहोलमा हुर्के बढेका जिज्ञासु सुनिताले याक्थुङ् लोक वाङ्मयका ख्याली, पालाम्, हाक्पारे, तुवा, ताम्के र केलाङ जस्ता विधाका गायनमा राम्ररी दक्षता हासिल गरेको पाइन्छ ।

सेसेमी से नाल्बाे

पुस १५ गते २०७६ साल अर्थात ३१ डिसेम्बर २०१९ कादिन चीनको वुआन शहरबाट एउटा रोग देखा प¥यो । जसलाई कोरोना अर्थात् कोभिड–१९ नाम दिए विश्व स्वास्थ्य संगठनले र चाँडै महामारीको रुप लिने समेत घोषणा ग¥यो । नभन्दै केही महिना नवित्दै विश्वभर महामारी कै रुप लियो । आजतक बढ्दो क्रमले विश्व आक्रान्त छ । सबै देशहरु लडकडाउनमा छन् । जसमा नेपाल पनि अछुतो रहेन ।

नेपालमा पनि कोरोना महामारीका कारण गत साल चैत ९ गतेदेखि श्रावण महिनासम्म चार महिना लकडाउन रहेको थियो । त्यहि समय याक्थुङ साक्थिम्मिबा सयङ्ले पहिलो विश्वव्यापी अनलाइन पालाम प्रतियोगिता २०२० आयोजना गरेर लकडाउनको सदुपयोग गरेको थियो । जसमा जम्मा प्रतियोगी ३५२ जनाले सहभागिता जनाएकोमा ताप्लीजोङ्की सुनिता केदेम लाबुङले प्रथम स्थान बाजी मारिन् । उनै उदियमान प्रतिभाको परिचय संक्षेपमा प्रस्तुत छ ।

मेवाखोला, मैवाखोला र तमोरखोलाको संगमस्थल दोभान बजार पूर्व क्षेत्रमा परिचित नाम नै हो । दायाँ–बायाँ मेवा–मैवाखोलाले सिमाना बारेको उत्तरमा हिमाली श्रृङ्खला मुनिको सुन्दर पहाडी काखमा रहेको मेरिङ्देन गा.पा.नं. २ सान्थाक्रा गाउँ छ । यस सान्थाक्राका पूर्णबहादुर केदेम र माइतरानी पालुङ्वाको ३ भाइ छोरा ३ बैनी छोरी मध्ये कान्छी छोरीको रुपमा वि.सं. २०४२ सालमा सुनिता केदेमको जन्म भएको थियो ।

जन्मपछि आमाबुबा, दिदी–दाजुभाइ संगै परिवारिक, संस्कार, संस्कृतिसँग घुलनशिल भएर हुर्कने, बढ्ने वातावरण पाइन । बनको काँडा तिखार्नु पर्दैन भने झैं सुनिता सानै देखि जिज्ञासु र कर्मशिल भएको छिमेकी गाउँले र उसका दौतारी साथीहरु बताउने गर्छन् ।

सानो छँदा घाँस, दाउरा, गोठाला, खेतलाको क्रममा कैयौं उकाली–ओराली धाएका र कठिन परिश्रम गर्न पछि नपरेका सुनितालाई जस्तो सुकै काम कर्तव्य परेपनि आफू संयम भएर धैर्यताका साथ कर्तव्य सम्हाल्ने बानी छ । इमान्दारिता आफनो इज्जत सम्झिने संस्कार छ । यसप्रकारको कर्म र कार्यले समाजमा विश्वासिलो पात्र बन्न सफलता मिलेको पाइन्छ । उच्च मनोवल भएकी सुनिताले खेलकूद तर्फ फूटबल, भलिबल र म्याराथुन दौडमा समेत पटक–पटक भाग लिएर बाजी जित्दै आएको नौलो घटना भने होइन । खेलकुद र याक्थुङ लोक छन्दहरुमा सानै देखि रुची भएको सुनितामा विलक्षण प्रतिभा, कला र गला छ । याक्थुङ् सांस्कृतिक माहोलमा हुर्के बढेका जिज्ञासु सुनिताले याक्थुङ् लोक वाङ्मयका ख्याली, पालाम्, हाक्पारे, तुवा, ताम्के र केलाङ जस्ता विधाका गायनमा राम्ररी दक्षता हासिल गरेको पाइन्छ । ती कुनै पनि विधामा निपुनता प्राप्त गरेर मात्र पनि पुग्दैन सर्जकहरुमा स्वरले पनि साथ दिनु पर्दछ । आवश्यकीय गुणहरुले सुनितालाई राम्ररी साथ दिएको छ । कला त जन्मपछि सिकिन्छ तर गला भने जन्मसिद्ध आएको हुन्छ, त्यो सबैलाई पेवा हुँदैन, सिमित मान्छेमा मात्र अंश परेको हुन्छ, त्यो गला सुनितामा पाइन्छ । संयोग हुनसक्छ । सुनिताको भाग्यले जुराएको र कर्मले जित्नु पहिलो विश्वव्यापी अनलाइन पालाम् गायन प्रतियोगिता २०२० हुनु ।

विलक्ष्ण गलाकी धनी सुनिताको जीवन संघर्ष, लगनसिलता, संयमता, धैर्यताको परिणाम नै महानता हो । महानतामा रचनात्मक र सिर्जनशिलता मिलेपछि सफलता हात लाग्ने हो । यसमा साथ सहयोगको पनि आवश्यकता पर्दछ । परिवारिक वातावरणको पनि ठुलै भूमिका रहेको हुन्छ । नवोदित सर्जक के.वि. किराती (खड्ग लाबुङ)को जीवन संगेनी भएकोले यो उर्वर, उपलब्धीहरु निरन्तर तादाम्यतामा राख्न टेवा पुग्ने छ भन्ने आशा राख्न सकिन्छ । फूङ्लिङ् नगरपालिका वडा नं. ९ हाङ्देवा गाउँ कर्मथलो बनाइ संघर्षरत गला सम्पन्न सुनिता केदेम लाबुङ्को आगामी दिन शुभ रहोस् ।

नोगेन ।

सम्बन्धित समाचार

पैसाकै कारण ललितपुरबाट पक्राउ परे ३२ वर्षीय हिरालाल

उच्च अदालत पाटनबाट बैंकिङ कसुर मुद्दामा २५ लाख जरिवाना तोकिएका हिरालाल श्रेष्ठलाई शुक्रबार प्रहरीले पक्राउ गरेको छ । उच्च अदालत पाटनले २०७८ असार २९ गते श्रेष्ठलाई बैंकिङ कसुर तथा सजाय ऐन २०६४ बमोजिम १० दिन...

अलैंची पाकेपछि लमजुङका किसानलाई छोडाउन र सुकाउनको चटारो, अलैंची खेलिबाटै १८ करोड २० लाख गरे आम्दानी

एजेन्सी-चर्चित बलिउड अभिनेत्री दिशा पटानीलाई दिल्लीमा एक फ्यानले लगातार पिछा गरेर हैरान बनाएपछि अंगरक्षक राख्ने निर्णय गरेकी छिन् । विज्ञापन सुटिङका लागि दिल्ली पुगेकी उनलाई एक अपरिचित व्यक्ति पछि पछि लागेर हैरान बनाएपछि दिशाले यस्तो...

अभिनेत्री दिशासँग भेट्न नदिएको भन्दै होटलका कर्मचारीसँग झगडा गरे यि युवक

एजेन्सी-चर्चित बलिउड अभिनेत्री दिशा पटानीलाई दिल्लीमा एक फ्यानले लगातार पिछा गरेर हैरान बनाएपछि अंगरक्षक राख्ने निर्णय गरेकी छिन् । विज्ञापन सुटिङका लागि दिल्ली पुगेकी उनलाई एक अपरिचित व्यक्ति पछि पछि लागेर हैरान बनाएपछि दिशाले यस्तो...

दमकमा ९३ वटा लियो क्लबहरु एकैसाथ

दमक, ३१ लायन्स क्लब इन्टरनेशल अन्र्तगत रहेको लियो डिष्ट्रिक काउन्सिल ३२५ ए वान को १० औं पदस्थापन तथा डिष्ट्रिक काउन्सिल मिटिङ दमकमा गर्ने तयारी तिब्र रुपमा अगाडी बढीरहको छ । यस कार्यक्रम सञ्चालनको जिम्मा लिएका...

हाम्रो बारेमा

समाजलाई समृद्ध बनाउने, हाम्रो प्रयास भन्ने नारालाई आत्मसात गर्दै २०७२ असार ६ गते जिल्ला प्रशासन कार्यालय झापाको दर्ता नं १३५ मा समदर्शी सन्चार मासिक पत्रीका दर्ता गरि सुरुवात भएको हाम्रो यात्रालाइ आज अनलाइन संस्करण सम्म आइ पुगेको छ। आगामी दिनहरुमा यहि समदर्शी सन्चार मासिककै प्रस्तुतिमा समदर्शी टि. भि युटुव च्यानल संचालन गरि शिक्षा, स्वास्थ्य , कृषि , आर्थिक, संस्कृति र मनोरञ्जनका सामग्रीहरु प्रकाशन /प्रशारण गर्दै उदेश्य प्राप्तिका लागि हामी निरन्तर लागि रहने प्रण गर्दछौं।