सोमबार, ११ असोज, २०७८ 

असाेज १ बाट सार्वजनिक सवारी नखोले आफैं चलाउँछौं–महासंघ

काठमाडौं । यातायात व्यवसायीहरुले जतिसक्दो छिटो सबै खालका सार्वजनिक यातायात खोल्न माग गरेका छन् । यातायात व्यवस्था विभागमा धर्ना दिन पुगेका यातायात व्यवसायी राष्टिय महासंघ तथा विभिन्न कम्पनीका प्रतिनिधिहरुले असोज १ गतेबाट स्थानीयसँगै लामो दूरीमा चल्ने सवारी नखोलिए सरकारी निर्णय अवज्ञा गर्ने चेतावनी दिएका छन् ।

उनीहरुले ७ महिनादेखि गाडी थन्काएर बस्नुपर्दा जीविकोपार्जन मै समस्या परेको र ऋण तिर्न नसक्ने अवस्था आएको भन्दै सरकारले अब सतकर्ता अपनाएर सवारी खोल्न माग गरेका हुन् ।

व्यवसायीले स्वतःस्फुर्त रुपमा सवारी चलाउने अवस्था आउनसक्ने चेतावनी दिएका छन् । विभागको अघि धर्ना दिन पुगेका व्यवसायी रामकृष्ण भण्डारी अब बन्द सहन नसकिने भन्दै अवज्ञा आन्दोलन थाल्ने बताउँछन् ।

यातायात व्यवसायीले आफूहरुको समस्याबारे सरकारलाई झकझकाउन थालेका छन् । सार्वजनिक यातायात व्यवसायी राष्ट्रिय महासंघका अध्यक्ष होमप्रसाद अधिकारी यातायात व्यवस्था विभागका महानिर्देशकसँग सरकारले विगतमा आफूहरुको माग पुरा गर्न जनाएको प्रतिवद्धता स्मरण गराएको बताउँछन् ।

‘विगतमा पुरा गर्ने भनिएका प्रतिवद्धता अधुरै रह्यो,’ उनी भन्छन्,’ यातायात क्षेत्रलाई सरकारले उपेक्षा गरेकोले अब तुरुन्तै राहतको कार्यक्रम ल्याउन माग गरेका छौं । ‘ उनले महासंघले भने गाडी खोल्ने निर्णय गरिनसकेको बताए ।

‘सरकारले नखोले आफैं खोल्छौं भनेर पीडित कम्पनीहरुले भन्नुभएको छ,’ उनी भन्छन्,’महासंघले पनि बिहीबार बैठक बसेर यसबारे औपचारिक धारणा तय गर्छ ।’

त्यसैगरी विदेशबाट आएका यात्रुलाई होल्डिङ सेन्टरबाट जिल्लाहरुमा लैजाँदा ठगीबारे पनि ध्यानाकर्षण गराएको उनले बताए । केही व्यवसायीलाई मात्रै पहुँचका भरमा यस्ता यात्रु ओसार्न सुविधा दिएको भन्दै महासंघले त्यस्तो सिन्डिकेट खारेज गर्न माग गरेको छ ।

त्यसलाई सम्बोधन गर्ने गरी विभागले बुधबार साँझ एक विज्ञप्ति जारी गर्दै पहिलो आउनेलाई प्राथमिकता दिने गरी यात्रु ओसार्न र तोकिएको भन्दा बढी यात्रु नराख्न र बढी भाडा नदिन सचेत गरएको छ ।

त्यसैगरी महासंघले निजी सवारीले भाडा उठाएर यात्रु ओसारिरहेकाले त्यसलाई रोक्न पनि माग गरेको छ ।

सम्बन्धित समाचार

फाल्गुनन्द साकोसको अध्यक्षमा पुन: लिङ्देन निर्वाचित

दमक । फाल्गुनन्द बचत तथा ऋण सहकारी संस्थ लि. को अध्यक्षमा पुन: संकल्प लिङ्देन (पदम) निर्वाचित भएका छन । दमकको कास्मिक पार्टी प्यालेसमा बिहीबार सम्पन्न १० औ साधारण सभा पछि नया नेतृत्वको लागि अध्यक्ष र...

भ्रामक र तथ्यहिन प्रचारका पछि नलाग्न शेयर सदस्यलाई अध्यक्ष लिङ्देनको अपिल

  दमक, ६ असोज /  दमकको पुरानो तथा चर्चित फाल्गुनन्द बचत तथा ऋण सहकारी संस्था १०औं बार्षिक साधारणसभाबाट नेतृत्व छनौट गर्ने तयारीमा जुटेको छ । संस्थाले सहमतिमा नेतृत्व छान्ने कसरत गरेपनि सहमति जुट्न सकेको छैन...

पैसाकै कारण ललितपुरबाट पक्राउ परे ३२ वर्षीय हिरालाल

उच्च अदालत पाटनबाट बैंकिङ कसुर मुद्दामा २५ लाख जरिवाना तोकिएका हिरालाल श्रेष्ठलाई शुक्रबार प्रहरीले पक्राउ गरेको छ । उच्च अदालत पाटनले २०७८ असार २९ गते श्रेष्ठलाई बैंकिङ कसुर तथा सजाय ऐन २०६४ बमोजिम १० दिन...

अलैंची पाकेपछि लमजुङका किसानलाई छोडाउन र सुकाउनको चटारो, अलैंची खेलिबाटै १८ करोड २० लाख गरे आम्दानी

एजेन्सी-चर्चित बलिउड अभिनेत्री दिशा पटानीलाई दिल्लीमा एक फ्यानले लगातार पिछा गरेर हैरान बनाएपछि अंगरक्षक राख्ने निर्णय गरेकी छिन् । विज्ञापन सुटिङका लागि दिल्ली पुगेकी उनलाई एक अपरिचित व्यक्ति पछि पछि लागेर हैरान बनाएपछि दिशाले यस्तो...

हाम्रो बारेमा

समाजलाई समृद्ध बनाउने, हाम्रो प्रयास भन्ने नारालाई आत्मसात गर्दै २०७२ असार ६ गते जिल्ला प्रशासन कार्यालय झापाको दर्ता नं १३५ मा समदर्शी सन्चार मासिक पत्रीका दर्ता गरि सुरुवात भएको हाम्रो यात्रालाइ आज अनलाइन संस्करण सम्म आइ पुगेको छ। आगामी दिनहरुमा यहि समदर्शी सन्चार मासिककै प्रस्तुतिमा समदर्शी टि. भि युटुव च्यानल संचालन गरि शिक्षा, स्वास्थ्य , कृषि , आर्थिक, संस्कृति र मनोरञ्जनका सामग्रीहरु प्रकाशन /प्रशारण गर्दै उदेश्य प्राप्तिका लागि हामी निरन्तर लागि रहने प्रण गर्दछौं।