सोमबार, ११ असोज, २०७८ 

रथयात्राको क्रममा पक्राउ गरिएका नेवाः अभियन्ताहरुलाई तुरुन्त रिहा गर्न सरकारसँग माग

काठमाडौं। भदौ १८ गते ललितपुरको पाटन पुल्चोकमा नेवाः समुदायको परम्परागत मच्छिन्द्रनाथको रथयात्रा शुरु गर्ने क्रममा नेपाल सरकारले नेवाः अभियन्ताहरुलाई पक्राउ गरेको प्रति आपत्ती जनाउँदै पहिचानवादी १० राजनैतिक दलले एक विज्ञपित आज प्रकाशित गर्दै तुरुन्त रिहा गर्न सरकारसँग माग गरेको छ ।

नेवा अभियान्ताहरुः असोज महर्जन, यादवलाल कायस्थ, महेश बज्राचार्य, पृथबिन्दु महर्जन, रवि शाक्य, रविन शाक्य, सुबिन शाक्य, ध्रुुवराज बज्राचार्य, श्याम श्रेष्ठ लगायत पक्राउ गरिएकाहरुलाई तुरुन्त रिहाई गर्न पहिचानमा आधारित संघीय गठबन्धनले माग गरेको हो । शताब्दीयौं देखि चलिआएको रथयात्रालाई कसरी व्यवस्थापन गर्ने भनेर सरकारले सम्बन्धित समुदायसँग कयौं चरणको छलफल, बहस, सहमति गरेर निश्कर्ष निकाल्नुको सट्टा नेवार समुदाय माथिको चरम विभेद गरिएको प्रति गठबन्धनले विज्ञप्ति मार्फत खण्डन गरेको छ । आदिवासी नेवार समुदायको सांस्कृतिक परम्परालाई बर्तमान सरकारले शक्तिले मात्तिएको मत्ताहात्तीको रुपमा प्रस्तुत भई केही असहज वातावरण बनेको हुदाँ उक्त असहजतालाई प्रशासन र सम्बन्धित नेवाः समुदायहरु बसेर समाधान गर्नु पर्नेमा पक्राउ गरिएका नेवाः अभियन्ताहरुलाई खोकना प्रतिरोध, सडक बिस्तार पीडित आन्दोलनको बिषयहरु जोडेर यातना दिने, मुद्दा हाल्ने, आफन्तहरुलाई भेट्न नदिनेजस्ता अति निन्दनीय कार्य नेपाल सरकारले गरिरहेको हुँदा सरकारको यस्ता घृणित कार्यको गठबन्धन घोर भत्र्सना गर्दै विज्ञप्ति प्रकाशन गरेको बताइएको छ ।
विज्ञप्तिमा पक्राउ गरिएका नेवाः अभियन्ताहरुलाई विनाशर्त तुरुन्त रिहा गर्न आग्रह गर्दै नेवा समुदायलाई दबाउने हर्कत नेपाल सरकारले जारि राखेमा नेवाः समुदायको आन्दोलनमा साथ दिन लिम्बुवान, खम्बुवान/किरात, शेर्पा, तामाङसालिङ, मधेश, तमुवान, मगरात, खसान, थरुहट, दलित शिल्पी समुदाय १०+१ प्रान्तहरु तयार रहेको चेतावनी सरकारलाई दिएका छन् ।

विज्ञप्ति पहिचानमा आधारित १० वटा राजनैतिक दलहरु नेपाः राष्ट्रिय पार्टी, खम्बुवान राष्ट्रिय मोर्चा, खशान राष्ट्रिय संघर्ष समिति, नेपाल राष्ट्रिय परिषद, नेपाल लोकतान्त्रिक पार्टी, आदिवासी जनजाति पार्टी, नेपाल, थरुहट थारुवान राष्ट्रिय मोर्चा, संघीय लोकतान्त्रिक राष्ट्रिय मञ्च, मगरात सघर्श समित र तराइ मधेश रास्ट्रीय परिषदले जारी गरेका हुन् ।

सम्बन्धित समाचार

फाल्गुनन्द साकोसको अध्यक्षमा पुन: लिङ्देन निर्वाचित

दमक । फाल्गुनन्द बचत तथा ऋण सहकारी संस्थ लि. को अध्यक्षमा पुन: संकल्प लिङ्देन (पदम) निर्वाचित भएका छन । दमकको कास्मिक पार्टी प्यालेसमा बिहीबार सम्पन्न १० औ साधारण सभा पछि नया नेतृत्वको लागि अध्यक्ष र...

भ्रामक र तथ्यहिन प्रचारका पछि नलाग्न शेयर सदस्यलाई अध्यक्ष लिङ्देनको अपिल

  दमक, ६ असोज /  दमकको पुरानो तथा चर्चित फाल्गुनन्द बचत तथा ऋण सहकारी संस्था १०औं बार्षिक साधारणसभाबाट नेतृत्व छनौट गर्ने तयारीमा जुटेको छ । संस्थाले सहमतिमा नेतृत्व छान्ने कसरत गरेपनि सहमति जुट्न सकेको छैन...

पैसाकै कारण ललितपुरबाट पक्राउ परे ३२ वर्षीय हिरालाल

उच्च अदालत पाटनबाट बैंकिङ कसुर मुद्दामा २५ लाख जरिवाना तोकिएका हिरालाल श्रेष्ठलाई शुक्रबार प्रहरीले पक्राउ गरेको छ । उच्च अदालत पाटनले २०७८ असार २९ गते श्रेष्ठलाई बैंकिङ कसुर तथा सजाय ऐन २०६४ बमोजिम १० दिन...

अलैंची पाकेपछि लमजुङका किसानलाई छोडाउन र सुकाउनको चटारो, अलैंची खेलिबाटै १८ करोड २० लाख गरे आम्दानी

एजेन्सी-चर्चित बलिउड अभिनेत्री दिशा पटानीलाई दिल्लीमा एक फ्यानले लगातार पिछा गरेर हैरान बनाएपछि अंगरक्षक राख्ने निर्णय गरेकी छिन् । विज्ञापन सुटिङका लागि दिल्ली पुगेकी उनलाई एक अपरिचित व्यक्ति पछि पछि लागेर हैरान बनाएपछि दिशाले यस्तो...

हाम्रो बारेमा

समाजलाई समृद्ध बनाउने, हाम्रो प्रयास भन्ने नारालाई आत्मसात गर्दै २०७२ असार ६ गते जिल्ला प्रशासन कार्यालय झापाको दर्ता नं १३५ मा समदर्शी सन्चार मासिक पत्रीका दर्ता गरि सुरुवात भएको हाम्रो यात्रालाइ आज अनलाइन संस्करण सम्म आइ पुगेको छ। आगामी दिनहरुमा यहि समदर्शी सन्चार मासिककै प्रस्तुतिमा समदर्शी टि. भि युटुव च्यानल संचालन गरि शिक्षा, स्वास्थ्य , कृषि , आर्थिक, संस्कृति र मनोरञ्जनका सामग्रीहरु प्रकाशन /प्रशारण गर्दै उदेश्य प्राप्तिका लागि हामी निरन्तर लागि रहने प्रण गर्दछौं।