शुक्रबार, ०४ असार, २०७८ 

कमलका प्रमुख प्रशासकीय अधिकृत श्रेष्ठलाई उत्कृष्ट निजामती पुरस्कार

 कमल। झापाको कमल गाउँपालिकाका प्रमुख प्रशासकीय अधिकृत सुवास श्रेष्ठ उत्कृष्ट निजामती सेवा पुरस्कारबाट पुरस्कृत हुने भएका छन् ।

निजामती कर्मचारी दिवसका अवसरमा उत्कृष्ट निजामती सेवा पुरस्कारबाट प्रमुख प्रशासकीय अधिकृत श्रेष्ठसहित १० जनालाई पुरस्कृत गर्न लागिएको हो । पुरस्कारको राशी रु १ लाख छ ।

 

झापाको साविक लखनपुर १ पाडाजुंगी ( हाल कमल गाँउपालिका ५ ) मा जन्मिएका श्रेष्ठ १२ वर्षअघि निजामति सेवामा प्रवेश गरेका थिए । हाल उनी इटहरीमा वस्दैआएका छन् ।
उत्कृष्ट पुरस्कार पाउने अन्यहरूमा झापाका पूर्व प्रमुख जिल्ला अधिकारी हाल काठमाडौका प्रजिज जनकराज दाहाल, सुशीलकुमार लम्साल, मानबहादुर अर्याल, प्रकाश जोशी, डिलाराम पन्थी, सुरतकुमार बम, टामलाल पाण्डे, उषादेवी देवकोटा र धनबहादुर लामा छन् ।
त्यस्तै यसरी ५० हजार राशीको निजामती पुरस्कार पाउने ३० जनाको नाम घोषणा गरिएको छ।यसरी निजामती पुरस्कार पाउनेहरूमा रघुराम विष्ट, गोपालप्रसाद रिजाल, भीमकुमार श्रेष्ठ, खोमराज कोइराला, कुवेर नेपाली, रोशनीदेवी कार्की, अञ्जनकुमार मिश्र, डा। वीरेन्द्रकुमार मिश्र, बाबुराजा अधिकारी, टीकाराम ढकाल, रञ्जितकुमार भट्ट, सन्तोष निरौला, सावित्री पौडेल बेलबासे छन्।

यसैगरी मञ्जुसिंह भण्डारी थापा, सन्तोष दर्जी, इन्दिरा ज्ञवाली, गजराज घिमिरे, नानुका पोखरेल आचार्य, प्रकाश प्रेमी गैरे, जयदेव विष्ट, लालबहादुर विष्ट, मनिला मादेन, सुदर्शन खनाल, शिमला श्रेष्ठ, भरतकुमार कार्की, उमेश घटवार, सरस्वतीकुमारी श्रेष्ठ, गेदलाल खत्री, कमला थापा र अनुज फुयालले निजामती पुरस्कार प्राप्त गर्ने भएका छन्। सर्वोकृष्ट पुरस्कार पाउने भने कोही पनि छैनन् ।

सरकारले चार वर्षअघिदेखि नै सर्वोत‍्कृष्ट निजामती पुरस्कार कसैलाई दिएको छैन। अन्तिमपटक ०७३ मा तत्Xकालिन अर्थ सचिव शान्तराज सुवेदीले यो पुरस्कार पाएका थिए। त्यसयता यो पुरस्कार कसैले नपाएका हुन्।

मुख्य सचिवको अध्यक्षतामा रहेको निजामती पुरस्कार सिफारिस समितिले सर्वोत्कृष्ट कर्मचारी छनोट गर्ने प्रावधान छ। तर, यस वर्ष मुख्य सचिव लोकदर्शन रेग्मी अध्यक्ष रहेको समितिले सर्वोत्कृष्ट कर्मचारी नै छनोट गर्न सकेन।तर, १० जना उत्कृष्ट र ३० जना निजामती सेवा पुरस्कार पाउने कर्मचारीको छनोट भने समितिले गरेको छ।

सम्बन्धित समाचार

वैदेशिक रोजगारमा निखारिएका एक सर्जक

मोरङ जिल्लाको उर्लाबारीमा रहेर साहित्य सिर्जना गरिरहेका छन् दिलिप राई सगर । पछिल्लो समय गीतलेखनमा बढि लगाव दिइरहेको सागरले मलेसियामा रोजगारको लागि पुग्दा बढि साहित्यलाई मलजल गर्न गराउन पाए । मलेसियामा रहँदा केस्रा नामक साहित्यिक...

निरन्ताको पालम ‘लाम्देम्बा मिम्जी’

गायिका निरन्ता नेम्बाङले लकडाउन बाबजुट ‘लाम्देम्बा मिम्जी’ पालम सार्वजनिक गरेकी छिन् । पछिल्लो समयमा लिम्बु समुदायको संस्कृतीमा आधारित पालम, हाक्फारे साम्लो गाएर लोकप्रियता हासिल गर्दै गरेकी नेम्बाङले आफ्नै शब्द र लय संकलनमा पालम सार्वजनिक गरेकी...

चीनदेखि आईपुग्यो ९ लाख खोप, जेठ २५ बाट खोप अभियान सुरु गरिने

चीन सरकारले दिएको अनुदान स्वरूप दिएको १० लाखमध्ये ९ लाख खोप मंगलबार काठमाडौं आइपुगेको छ । नेपाल वायुसेवा निगमको जहाजले ८ लाख र एक लाख हिमालय एयरलायन्सले तिब्बतको केरुङबाट लिएको हो । बाँकी एक लाख...

जसपा नेपाल प्रदेश १ ले सरकारलाई दियो चुनौती

अध्यादेश मार्फत ल्याएको अािर्थक वर्ष २०७८/०७९ को बजेट अलोकतान्त्रिक भएको भन्दै जनता समाजवादी पार्टी प्रदेश १ समितिले प्रेस विज्ञप्ती जारी गरेको हो । विज्ञप्तीमा, असंवैधानिक र स्वेच्छाचारी कदममार्फत केपी शर्मा ओली नेतृत्वको काम चलाउ सरकारले...

हाम्रो बारेमा

समाजलाई समृद्ध बनाउने, हाम्रो प्रयास भन्ने नारालाई आत्मसात गर्दै २०७२ असार ६ गते जिल्ला प्रशासन कार्यालय झापाको दर्ता नं १३५ मा समदर्शी सन्चार मासिक पत्रीका दर्ता गरि सुरुवात भएको हाम्रो यात्रालाइ आज अनलाइन संस्करण सम्म आइ पुगेको छ। आगामी दिनहरुमा यहि समदर्शी सन्चार मासिककै प्रस्तुतिमा समदर्शी टि. भि युटुव च्यानल संचालन गरि शिक्षा, स्वास्थ्य , कृषि , आर्थिक, संस्कृति र मनोरञ्जनका सामग्रीहरु प्रकाशन /प्रशारण गर्दै उदेश्य प्राप्तिका लागि हामी निरन्तर लागि रहने प्रण गर्दछौं।