बुधबार, ०३ कार्तिक, २०७८ 

डेढ अर्ब लगानीमा झापामा तयार भयो पाँचतारे होटेल

१५ भदौ, काठमाडौं । पर्यटक आगमन ठप्प भएको ६ महिना नाघ्यो, अझै कति समय यो अवस्था रहने हो टुंगो छैन । यस्तै परिस्थितिकाबीच झापाको धुलाबारीमा पूर्वाञ्चल कै पहिलो पाँचतारे स्तरको होटेल ‘होटेल मेची क्राउन’को ‘गृहप्रवेश’ भएको छ ।

विश्वका विभिन्न मुलुकमा आतिथ्य सेवामा अनुभव हाँसिल गरी फर्किएका चार जना युवाको टिमको जमघटको जन्मियो ‘द पीक हस्पिटालिटी’ । यसै टिमको व्यवस्थापनमा काठमाडौं  तथा मोफसलमा समेत होटेल व्यवस्थापन शुरु गरिएको थियो ।

यही टिमले पहिलोपटक आफैं होटेल प्रोपर्टी सुरु गरी सञ्चालन तथा व्यवस्थापन गर्न लागेको ‘द पिक हस्पिटालिटी’का अध्यक्ष दीपक लेखकले जानकारी दिए ।

यो टिममा अहिले लेखकसहित यादव पाण्डे, विशान शाह, विवेक विष्ट साझेदार छन् । ‘द पिक हस्पिटालिटी’ले यसअघि काठमाडौंको एयरपोर्ट होटेल, भैरहवाको बोधी रेडसन होटेल र काठमाडौंको आनन्द पशुपति होटेलको व्यवस्थापन गरिरहेको छ ।

चौथो प्रोपर्टी भने यो समूह आफैंले परामर्श, सञ्चालन तथा व्यवस्थापन गर्न लागेको हो । लेखक भन्छन्, ‘हामी पहिलो नेपाली ब्राण्ड हुनेछौं, जसले पहिलोपटक पाँचतारे होटेल परामर्श, सञ्चालन तथा व्यवस्थापन आफै गर्नेछौं ।’

चार वर्षमा तयार

सन् २०१६ बाट  होटेल मेचि क्राउनको निर्माण सुरु भएको हो । सन् २०२० को भ्रमण वर्षलाई लक्षित गरी निर्माण शुरु गरिएको यो होटेल संचालनको मिति वैशाख २०७७ लाई तोकिएको थियो ।

अध्यक्ष लेखकका अनुसार निर्माणको सम्पूर्ण काम पुरा भइसक्नासाथ संसारभर कोरोना भाइरसको महामारी सुरु भयो । यसको नेपाल प्रवेशसँगै जुन उद्देश्यले लगानी भएको थियो, त्यसअनुसार शुरुवात भने गर्न मिलन ।

‘होटेल जसरी संचालन गर्ने योजना बनाएका थियौं, तोकिएको साइतमा त्यो त अवसर मिलेन,’ उनले भने, ‘तर शुभसाइत हेरे गृहप्रवेश भने गरेका छौं ।’

डेढ अर्ब लगानी

होटेलमा कुल डेढ अर्ब लगानी भएको लेखक जानकारी दिए । कुल १ सय ५ कोठा रहेको यो होटेलले ५ वटा कोठालाई सुइट रुमका रुपमा विकास गरेको छ । १० भिल्ला, २० वटा क्लब रूम र ७० वटा कोठालाई भने डिलक्स रूमका रूपमा तयार गरिएको छ ।

दुई वटा रेष्टुरेन्ट रहेको छ । ब्याङ्क्वेट हलसहित हेलीप्याडको सुविधा समेत रहेको हो छ । होटेल कुल ८ बिगाहा क्षेत्रफलमा फैलिएको छ । होटेलमा कुल १ हजार विरुवा वृक्षारोपण गरिएको छ । जसले वातावरणमैत्री बनाउन सहयोग पुग्ने लगानीकर्ताको विश्वास छ । अत्याधुनिक संरचनामा उत्कृष्ट सेवा दिने लक्ष्यसहित नयाँ होटेल प्रोपर्टी तयार भएको अध्यक्ष लेखक बताउँछन् ।

ठूलो क्यासिनो भित्र्याउने तयारी

भारत र बंगलादेशी खर्चालु पर्यटकलाई नेपालसम्म तान्ने माध्यमका रुपमा होटेलले यहाँ नेपालकै ठूलो क्यासिनो सञ्चालनको समेत तयारी गरेको छ । यहाँ भेगास क्यासिनोले संरचना बनाइरहेको छ ।

क्यासिनो सञ्चालनमा आइसकेपछि एकैपटक करिव ७ सय जनाले रोजगारी पाउने अध्यक्ष लेखकले बताए ।

‘होटेल पूर्ण क्षमतामा चल्दा कुल ९ सय जनाले प्रत्यक्ष रोजगारी पाउनेछन् ।

अन्तर्राष्ट्रिय स्तरको सेवा पूर्वाञ्चलमा उपलब्ध गराउने र समग्रमा प्रदेश एकलाई पनि एक पर्यटकीय हवका रुपमा विकास गर्न सकिन्छ भन्ने मान्यता स्थापित गर्न आगामी दिनमा मार्केटिङका काम अगाडि बढाइने उनले बताए ।

उनका अनुसार होटेलले सतप्रतिशत नेपाली कर्मचारीलाई रोजगारी दिने लक्ष्य राखेको छ । ‘हामी चार जना नै विश्वका ठूल्ठूला होटेलदेखि नेपालका पाँचतारे होटेलमा अनुभवी छौं,’ उनले भने ‘अब हामी त्यो अनुभवलाई नेपालमै प्रयोग गर्न लागिरहेका छौं ।’

बंगलादेशी र भारतीयलाई ट्रान्जिट

भारतको बागडोग्रा अन्तर्राष्ट्रिय विमानस्थलबाट मात्र १२ किलोमिटरको दूरीमा पर्छ झापाको धुलाबारी । विमानस्थल आसपासमा भारतमा पनि स्तरीय होटेल नभएका कारण झापालाई ट्रान्जिट बनाएर नेपालमा पर्यटक भित्र्याउन सकिने अपेक्षामा होटेल व्यवस्थापकहरु छन् ।

यसले भारतीय र बंगलादेशी नागरिकलाई नेपाल छिर्न सहज हुनेछ । अर्कोतर्फ यहाँबाट खर्चालु पर्यटक भित्राउन सकिने अपेक्षा समेत व्यवसायीले गरेका छन् ।

‘हामी सेवामा सम्झौता गर्दैनौं’, लेखकले भने ‘मोफसलबाट पनि अन्तर्राष्ट्रिय मापदण्ड अनुसार पाँचतारे स्तरको सेवा दिने गरी होटेल सञ्चालन गर्नेछौं ।’

अर्कोतर्फ झापालाई केन्द्र बनाएर प्रदेश नं एकका लोकपि्रय पर्यटकीय गन्तब्यमा आन्तरिक पर्यटकसमेत आकषिर्त गर्न सकिने अपेक्षा व्यवसायीले गरेका छन् । ‘हामीसँग सगरमाथादेखि कञ्चनजंगा, इलामदेखि पाथिभरासम्म छन्, तर, पनि पूवाञ्चललाई पर्यटकीय गन्तब्य मानिँदैन,’ अध्यक्ष लेखकले भने, ‘अब हाम्रो प्रयास प्रदेश एक लाई पर्यटकीय हव बनाउनु हुनेछ ।’

सोही अनुसार नेपालीका लागि समेत प्याकेज ल्याउने उनले बताए । ‘न्यू नर्मल’मा होटेल सञ्चालन गर्नुपर्दा अपनाउनुपर्ने उपाय तथा विश्व स्वास्थ्य संगठन र स्वास्थ्य मन्त्रालयका मापदण्ड लागू गर्नेबारे कर्मचारीलाई तालिम दिने काम भइरहेको छ । (अनलाइन खबरबाट)

सम्बन्धित समाचार

ग्लोबल एजुकेशनल एकेडेमीले मनायो रजत जयन्ती

ग्लोबल एजुकेशनल एकेडेमीले शिवसताक्षी झिलझिले बजारमा रहेको वाटर किङ्डम पार्कमा एक औपचारिक समारोह आयोजना गरी आफ्नो २५ औं वार्षिक उत्सव मनाएको छ । सोही अवसरमा विभिन्न शैक्षिक संस्थाका संस्थापकहरु बिच दशै शुभकामना आदान प्रदान कार्यक्रम...

हिमाञ्चल साकोसको सपथ ग्रहण र बधाई शुभकामना कार्यक्रम

दमक/ दमक १ स्थित हिमाञ्चल बचत तथा ऋण सहकारी संस्थाले आफ्नो १२औं वार्षिक उत्सव र साधारण सभा एवं चौथो अधिवेशन कार्यक्रम एक औपचारिक समारोह गरी एकै पटक सम्पन्न गरेको छ । नवनिर्वाचित पदाधिकारी एवं सदस्यहरुको...

फाल्गुनन्द साकोसको सपथ ग्रहण र बधाई शुभकामना कार्यक्रम

दमक/दमक ६ स्थित फाल्गुनन्द बचत तथा ऋण सहकारी संस्थाका नवनिर्वाचित पदाधिकारी एवं सदस्यहरुको सपथ ग्रहण तथा बधाई शुभकामना कार्यक्रम आज ( बुधबार) सम्पन्न भएको छ । दमकमा मुख्य कार्यालय रही झिलझिले, विर्तामोड लगायतका ठाउँमा सेवा...

फाल्गुनन्द साकोसको अध्यक्षमा पुन: लिङ्देन निर्वाचित

दमक । फाल्गुनन्द बचत तथा ऋण सहकारी संस्थ लि. को अध्यक्षमा पुन: संकल्प लिङ्देन (पदम) निर्वाचित भएका छन । दमकको कास्मिक पार्टी प्यालेसमा बिहीबार सम्पन्न १० औ साधारण सभा पछि नया नेतृत्वको लागि अध्यक्ष र...

हाम्रो बारेमा

समाजलाई समृद्ध बनाउने, हाम्रो प्रयास भन्ने नारालाई आत्मसात गर्दै २०७२ असार ६ गते जिल्ला प्रशासन कार्यालय झापाको दर्ता नं १३५ मा समदर्शी सन्चार मासिक पत्रीका दर्ता गरि सुरुवात भएको हाम्रो यात्रालाइ आज अनलाइन संस्करण सम्म आइ पुगेको छ। आगामी दिनहरुमा यहि समदर्शी सन्चार मासिककै प्रस्तुतिमा समदर्शी टि. भि युटुव च्यानल संचालन गरि शिक्षा, स्वास्थ्य , कृषि , आर्थिक, संस्कृति र मनोरञ्जनका सामग्रीहरु प्रकाशन /प्रशारण गर्दै उदेश्य प्राप्तिका लागि हामी निरन्तर लागि रहने प्रण गर्दछौं।