शुक्रबार, ०४ असार, २०७८ 

आईपीएललाई झट्का : फेरी अर्को कम्पनीले साथ छोड्यो

एजेन्सी । १३ औं संस्करणको इन्डियन प्रिमियर लिग (आईपीएल ) को मिति नजिकिदै गर्दा आईपीएललाई फेरी एक कम्पनीले साथ छोडेको छ ।

यसअघि मुख्य प्रायोजन गर्दै आएको चिनियाँ मोबाइल कम्पनी भिभोले मुख्य प्रायोजन गर्नबाट हात उठाएको केहि हप्ता पछि अहिले एसोसियट प्रायोजक फ्युचर ग्रुपले पनि प्रायोजन नगर्ने घोषणा गरेको छ ।

पछिल्लो पाँच वर्ष देखि फ्युचर ग्रुप आईपीएलसँग जोडिएको थियो । योसँगै भर्खरै मुख्य प्रायोजन खोजेको बेला भारतीय क्रिकेट कन्ट्रोल बोर्ड (बिसीसीआई ) लाई फेरी अर्को कसरत गर्न पर्ने भएको छ ।

मुख्य प्रायोजन गर्दै आएको भिभोले साथ छोडेपछि अहिले भारतको अग्रणी गेमिङ फ्यान्टसी कम्पनी ड्रीम-११ आईपीएलसँग २ सय ३२ करोडमा जोडिएको छ ।

ठूलो रकमसहित आईपीएलसँग जोडिएको भिभोले पछिल्लो समय भारत र चीनबीच सिमा विवाद जारी रहँदा भारतमा चिनियाँ विरोधी जनलहरसँगै चिनियाँ सामाग्री प्रयोगमा नल्याउने अभियान चल्दै गर्दा त्यसैलाई मध्यनजर गर्दै आपसी समझदारीमा साथ छोडेको थियो।

भारतीय संचारमाध्यमका अनुसार माहोल ठिक भएको खण्डमा भिभो पुन : आईपीएलसँग जोडिने उत्तिकै सम्भावना रहेको छ । त्यसकारण बिसीसीआईले ड्रीम-११ सँग यहीँ वर्षको लागि मात्र सम्झौता गरेको छ । यदि भिभो फर्किन चाहेमा ड्रीम-११ को विदाई हुने छ । भिभो जोडिन नआएको खण्डमा भने ड्रीम-११ ले नै निरन्तरता पाउँने छ ।

यता यस संस्करणको आईपीएल सेप्टेम्बर १९ देखि नोभेम्बर १० सम्म युएईमा हुँदैछ । प्रतियोगितालाई लिएर तयारी पनि तीब्र गतिमा अहिले जारी रहेको छ ।

सम्बन्धित समाचार

वैदेशिक रोजगारमा निखारिएका एक सर्जक

मोरङ जिल्लाको उर्लाबारीमा रहेर साहित्य सिर्जना गरिरहेका छन् दिलिप राई सगर । पछिल्लो समय गीतलेखनमा बढि लगाव दिइरहेको सागरले मलेसियामा रोजगारको लागि पुग्दा बढि साहित्यलाई मलजल गर्न गराउन पाए । मलेसियामा रहँदा केस्रा नामक साहित्यिक...

निरन्ताको पालम ‘लाम्देम्बा मिम्जी’

गायिका निरन्ता नेम्बाङले लकडाउन बाबजुट ‘लाम्देम्बा मिम्जी’ पालम सार्वजनिक गरेकी छिन् । पछिल्लो समयमा लिम्बु समुदायको संस्कृतीमा आधारित पालम, हाक्फारे साम्लो गाएर लोकप्रियता हासिल गर्दै गरेकी नेम्बाङले आफ्नै शब्द र लय संकलनमा पालम सार्वजनिक गरेकी...

चीनदेखि आईपुग्यो ९ लाख खोप, जेठ २५ बाट खोप अभियान सुरु गरिने

चीन सरकारले दिएको अनुदान स्वरूप दिएको १० लाखमध्ये ९ लाख खोप मंगलबार काठमाडौं आइपुगेको छ । नेपाल वायुसेवा निगमको जहाजले ८ लाख र एक लाख हिमालय एयरलायन्सले तिब्बतको केरुङबाट लिएको हो । बाँकी एक लाख...

जसपा नेपाल प्रदेश १ ले सरकारलाई दियो चुनौती

अध्यादेश मार्फत ल्याएको अािर्थक वर्ष २०७८/०७९ को बजेट अलोकतान्त्रिक भएको भन्दै जनता समाजवादी पार्टी प्रदेश १ समितिले प्रेस विज्ञप्ती जारी गरेको हो । विज्ञप्तीमा, असंवैधानिक र स्वेच्छाचारी कदममार्फत केपी शर्मा ओली नेतृत्वको काम चलाउ सरकारले...

हाम्रो बारेमा

समाजलाई समृद्ध बनाउने, हाम्रो प्रयास भन्ने नारालाई आत्मसात गर्दै २०७२ असार ६ गते जिल्ला प्रशासन कार्यालय झापाको दर्ता नं १३५ मा समदर्शी सन्चार मासिक पत्रीका दर्ता गरि सुरुवात भएको हाम्रो यात्रालाइ आज अनलाइन संस्करण सम्म आइ पुगेको छ। आगामी दिनहरुमा यहि समदर्शी सन्चार मासिककै प्रस्तुतिमा समदर्शी टि. भि युटुव च्यानल संचालन गरि शिक्षा, स्वास्थ्य , कृषि , आर्थिक, संस्कृति र मनोरञ्जनका सामग्रीहरु प्रकाशन /प्रशारण गर्दै उदेश्य प्राप्तिका लागि हामी निरन्तर लागि रहने प्रण गर्दछौं।