सोमबार, ०४ असोज, २०७८ 

‘कल्चरल’ गायक जेपी नेम्बाङ

‘बसे लेउँ लाग्छ, हिडे छेऊ लाग्छ ।’ यो भनाईले गायक जेपी नेम्बाङको जीवनमा मेल खान्छ ।

लामो संघर्ष र गहिरो साधना पछि नेम्बाङको साँगीतिक यात्राले मेसो पाएको छ ।

पान्थरको फाक्तेपमा सामान्य परिवारमा उनी जन्मिए । स्वर्गीय खेलमान नेम्बाङ र मनमाया लावतीको कोखबाट । उनले १६ वर्षको हुँदा पितृवियोग सहनु पर्यो । बुवा गुमाउँको पीडा सुनाउँदै उनले भने– ‘घरको मूल खम्बा नै ढलेपछि, अब म केही गर्न सक्दिन होला, मेरो साँगीतिक यात्रा यति नै रहेछ जस्तो लागेको थियो ।’ बुवाको अवसान पछि आर्थिक अभावका कारण गीत रेकर्ड गर्न नसकेको पीडाले उनलाई आजपनि घोचिरहन्छ ।

फाक्तेप ७ कोप्चे पान्थरमा रहेको श्री टिका भैरङ प्रा.वि. शिक्षा आरम्भ गरी घुर्विसे पंचमीबाट निमावी, बाझो ९ भालुटार, इलामको श्री सरस्वती माविबाट मावि, दमक झापाको सरस्वती उच्च माविबाट प्लसटु र दमक बहुमुखी क्याम्पसबाट बिएड तहको पढाई पुरा गरेका छन् ।

२०५८ सालदेखि किरात सास्कृतिक केन्द्रिय कमिटीमा आबद्ध भए । विभिन्न सास्कृतिक जागरण अभियानमा सरिक भए । २०६४ मा गीतकार डिबी लिङदम सेसेमीको शब्द संकलन तथा लेखनाथ चेम्जोङको संगीतमा ‘हे महागुरु फाल्गुनन्द’ बोलको गीत रेकर्ड गरेपछि उनको साँगीतिक करियरले औपचारिकता पाएको थियो ।

उनका गीतहरु लोकप्रिय हुदै गएपछि सन् २०१७मा हङकङ, मलेसिया, सिङ्गापूर, सन् २०१८ मा थाइलेण्ड, इजराइल, सन २०१९ मा दक्षिण कोरिया, र सन २०२० पुन हङकङ र भारतको सिक्किम स्टेज सो गर्ने अवसर प्राप्त गरे ।

विदेश भ्रमणमा जाँदा विदेशमा बसोबास गर्ने नेपाली दर्शक/स्रोताले फुलको गुच्छाले स्वागत सत्कार गरेको पल उनलाई यादगार प्रेमिल लाग्छन् । विदेश भ्रमणको अविष्मरणीय पल सुनाउँदै नेम्बाङले भने– ‘सन् २०१७ मा याक्थुङ स्वर्णिम साँझ कार्यक्रमका लागि हङकङ गएका वेला आयोजकले त्यहाँका पर्यटकिय क्षेत्र अवलोकन गराउँनु भयो । विदेशमा रहदा जहाँ गएपनि पासपोर्ट अनिवार्य बोक्नु पर्थ्यो । मेरो पासपोर्ट हरायो । निक्कै तनाव भयो । चिन्ता लाग्यो । म रातो पिरो भएँ । तर एकजना दाईले झुक्याउँनु भएको रहेछ । त्यो पल विर्सन सक्दिन ।’

‘मुएङसा ऐरेना’ का लागि इन्टरनेशनल म्यूजिक एवार्ड सन् २०१८ थाइलेण्ड र नेशनल म्यूजिक एवार्ड सन् २०१९ बाट उत्कृष्ट गायकको उपाधी र नेशनल म्यूजिक एवार्ड सन् २०१९ बाट ‘मनमा बसें’ का लागि उत्कृष्ट म्यूजिक कम्पोजर एवं ‘सालैजो’ गीतका लागि नेपाल म्यूजिक एण्ड फेसन एवार्ड २०२१ बाट उत्कृष्ट गायकको उपाधी चुम्ने मौका पाए ।

आफ्ना आमा, बुवालाई भगवानको दर्जा दिन चाहने नेम्बाङले आफ्नो साँगीतिक गुरु कमला खनाल भएको बताए । संगीतको माध्यमबाट धेरै आफन्त, साथीभाई र दर्शक/स्रोताको माया पाएकोले उनी संगीतप्रति सन्तुष्ट छन् ।

नेपाली गीतमा ‘बोलाको तिमीलाई’, ‘माया धेरै गर्थे’, ‘सालैजो’ र लिम्बु भाषाको गीतमा ‘छुइया पकन्दी चाती’, ‘मुएङसा एरेना’, ‘आखेने नुमा’ लगायतका लोकप्रिय गीत गाएका उनले सफलताको राज खोल्दै भने– ‘गीत राम्रो गाएर मात्र नहुने रहेछ, प्रतिभा र भाग्यको संयोग जुर्यो भने मात्र कलाकार सफल बन्न सकिने रहेछ ।’

गायक जेपी नेम्बाङ रमाइलो अन्तवार्ता हेर्नुहोस्

सम्बन्धित समाचार

पैसाकै कारण ललितपुरबाट पक्राउ परे ३२ वर्षीय हिरालाल

उच्च अदालत पाटनबाट बैंकिङ कसुर मुद्दामा २५ लाख जरिवाना तोकिएका हिरालाल श्रेष्ठलाई शुक्रबार प्रहरीले पक्राउ गरेको छ । उच्च अदालत पाटनले २०७८ असार २९ गते श्रेष्ठलाई बैंकिङ कसुर तथा सजाय ऐन २०६४ बमोजिम १० दिन...

अलैंची पाकेपछि लमजुङका किसानलाई छोडाउन र सुकाउनको चटारो, अलैंची खेलिबाटै १८ करोड २० लाख गरे आम्दानी

एजेन्सी-चर्चित बलिउड अभिनेत्री दिशा पटानीलाई दिल्लीमा एक फ्यानले लगातार पिछा गरेर हैरान बनाएपछि अंगरक्षक राख्ने निर्णय गरेकी छिन् । विज्ञापन सुटिङका लागि दिल्ली पुगेकी उनलाई एक अपरिचित व्यक्ति पछि पछि लागेर हैरान बनाएपछि दिशाले यस्तो...

अभिनेत्री दिशासँग भेट्न नदिएको भन्दै होटलका कर्मचारीसँग झगडा गरे यि युवक

एजेन्सी-चर्चित बलिउड अभिनेत्री दिशा पटानीलाई दिल्लीमा एक फ्यानले लगातार पिछा गरेर हैरान बनाएपछि अंगरक्षक राख्ने निर्णय गरेकी छिन् । विज्ञापन सुटिङका लागि दिल्ली पुगेकी उनलाई एक अपरिचित व्यक्ति पछि पछि लागेर हैरान बनाएपछि दिशाले यस्तो...

दमकमा ९३ वटा लियो क्लबहरु एकैसाथ

दमक, ३१ लायन्स क्लब इन्टरनेशल अन्र्तगत रहेको लियो डिष्ट्रिक काउन्सिल ३२५ ए वान को १० औं पदस्थापन तथा डिष्ट्रिक काउन्सिल मिटिङ दमकमा गर्ने तयारी तिब्र रुपमा अगाडी बढीरहको छ । यस कार्यक्रम सञ्चालनको जिम्मा लिएका...

हाम्रो बारेमा

समाजलाई समृद्ध बनाउने, हाम्रो प्रयास भन्ने नारालाई आत्मसात गर्दै २०७२ असार ६ गते जिल्ला प्रशासन कार्यालय झापाको दर्ता नं १३५ मा समदर्शी सन्चार मासिक पत्रीका दर्ता गरि सुरुवात भएको हाम्रो यात्रालाइ आज अनलाइन संस्करण सम्म आइ पुगेको छ। आगामी दिनहरुमा यहि समदर्शी सन्चार मासिककै प्रस्तुतिमा समदर्शी टि. भि युटुव च्यानल संचालन गरि शिक्षा, स्वास्थ्य , कृषि , आर्थिक, संस्कृति र मनोरञ्जनका सामग्रीहरु प्रकाशन /प्रशारण गर्दै उदेश्य प्राप्तिका लागि हामी निरन्तर लागि रहने प्रण गर्दछौं।