गायिका निरन्ता नेम्बाङले लकडाउन बाबजुट ‘लाम्देम्बा मिम्जी’ पालम सार्वजनिक गरेकी छिन् ।

पछिल्लो समयमा लिम्बु समुदायको संस्कृतीमा आधारित पालम, हाक्फारे साम्लो गाएर लोकप्रियता हासिल गर्दै गरेकी नेम्बाङले आफ्नै शब्द र लय संकलनमा पालम सार्वजनिक गरेकी हुन् । गायनमा गायक सुमन लिब्बुले साथ दिएका छन् ।

काठमाण्डौमा रहेको स्टुडियो किङमा रेकर्ड गरिएको सो पालममा मनोज साङसोन राईले संगीत संयोजन गरेका छन् । सुरेश राईले रेकर्डिङ गरेको पालमको अडियो सम्पादन राजु कार्कीले गरेका छन् । स्टुडियो कपी भिडियो छायाङ्कन जस्केले कृएशनको रहेको छ ।

पालमको शब्दमा अधुरो प्रेम कथा समावेश गरिएको छ । जसमा आफ्नो प्रेमीले प्रेमिकालाई आधाबाटोमा छोडेपछि प्रेमी समक्ष पोखेका गुनासोहरु समेटिएको छ । पालममा प्रेमीको सम्झनामा जीवन विताईरहेकी प्रेमिकाको मायावी दुखेसो मार्मिक शैलीमा सुन्न सकिन्छ ।

गायिका निरन्ताको अफिसियल च्यानलमा सार्वजनिक गरिएको भिडियो हेर्नका लागि यो लिङकमा लगइन गर्नुहोस् ।