दमकका विभिन्न सार्वजनिक स्थानहरुमा सेनिटाईजर छर्कने क्रम जारी रहेको छ ।

समाजसेवी एवं फर्निचर व्यवसायी सुरेन्द्र कुमार श्रेष्ठको पहलमा र सानो प्रयास युवा समाजको अग्रसरतामा दमक कोभिड अस्पताल बेलडाँगी , नमुना बजार दमक लगायत विभिन्न सार्वजनिक स्थलहरुमा सेनिटाईजर छर्कने कार्य भईरहेको छ ।

आज सेनिटाईजर छर्कने क्रममा भेटिएका फर्निचर व्यवसायी श्रेष्ठले यस अघि दमक प्रहरी कार्यालय, इलाका प्रशासन कार्यालय र दमक अस्पताल सेनिटाईजर छर्की सकेको र भोली आम्दा अस्पतालमा छर्कने जानकारी दिए ।

यस कार्यमा सहभागीता जनाउन उपस्थीत भएका दमक उद्योग बाणिज्य संघका अध्यक्ष गोकुल श्रेष्ठले यस पटकको कोभिड पहिलेको तुलनामा अझ खतरापूर्ण रहेकोले सबैले अनुशासित तवरले सुरक्षा विधि अपनाउँन अनुरोध गर्दै कुनै सदस्य अथवा सर्वसाधरणलाई कोभिड संक्रमण भएमा र आर्थिक अवस्था नाजुक भएर उपचार गर्न असमर्थ रहेमा दमक उद्योग बाणिज्य संघ संक्दो सहयोग गर्न तत्पर रहेको जानकारी दिए ।

सानो प्रयास युवा समाजका अध्यक्ष सुरज श्रेष्ठले समाजमा आएका समस्या समाधान गर्न र आपत्कालिन अवस्थामा सहयोग पु¥याउँने उदेश्यले यो समाज स्थापना भएको जानकारी दिएका थिए । त्यसैक्रममा कोभिड १९ को नियन्त्रणमा सहयोग पुर्याउँन सेनिटाईजन छर्कने कार्यमा अग्रसर भएको जानकारी दिए ।

केही तस्वीरहरु