सिनाम १ ताप्लेजुङ निवासी ५२ वर्षिय पूर्ण कुमार थेवेलाई घाँटीको क्यान्सर भएको छ । १९ महिना अघि हात्तीवन क्यान्सर अस्पताल काठमाण्डौंले उनलाई क्यान्सर भएको रिर्पोट दिएको थियो । त्यसपश्चात उनको घाँटीको अप्रेसन गरियो । उपचार कै क्रममा उनले भक्तपूर क्यान्सर अस्पतालमा १४ महिना विताए । दुवै अस्पतालमा करिव २२ महिना उपचारका क्रममा बेदेशिक रोजगारमा भएका आफन्तहरुले पठाएको रकम र आफनो जायजेथा बेचविखन गरेरेको रकम ८० लाख सकियो ।

त्यसपछि थप उपचार गर्न आर्थिक कठिनाई भएको कारण मनकारीहरु समक्ष सहयोगको अपिल गर्नु पर्ने बाध्यता आईपरेको उनकी श्रीमती सिर्जनाले बताएकी छिन् । घाँटीमा थाइराइट भएको कारण तत्काल अप्रेसन गर्नुपर्ने बिर्तामोडको बि एण्ड सी अस्पतालले जनाएको छ तर आर्थिक कठिनाईको कारणले अपे्रसन गर्न असमर्थ हुदै आएको उनकी श्रीमतीले बताएकी छिन् ।

सिर्जना माखिमसँग विवाह गरेका उनको २ सन्तान छन् । १ छोरा १ छोरी । १५ वर्षिय छोरा साम्जिकहाङ दमकमा रहेको पृथ्वी मा.वि.मा कक्षा ८ मा र १२ वर्षिय छोरी सेसेहाङमा सिम्ले हाईस्कूलमा कक्षा ५ मा अध्ययनरत छिन् । पूर्ण कुमारलाई क्यान्सर लागेसँगै उनको छोराछोरीको पढाईमा अन्योलता छाएको छ । उपचारका क्रममा आफुसँग भएको जायजेथा सकिएपछि अहिले नाताले भतिज पर्ने आफन्तकोमा बसेर उपचार गराउँदै आईरहेका छन् ।

समदर्शी टिभी टिमसँगै विरामीको अवस्था बुझ्न गएका किरात याक्थुङ चुम्लुङका दमक नगर अध्यक्ष देवेन्द्र चेम्जोङले रु ५ हजार ५ सय रुपैया सहयोग प्रदान गरेर सहयोग संकलन सुरुवात गरेका थिए । विरामीलाई सहयोग गर्नको लागि उनको श्रीमती सिर्जना लिम्बूको नाममा संचालित बाणिज्य बैंक दमक शाखाको खाता नं २१४०१०००२६५१९०१० मा रकम जम्मा गर्न सकिनेछ ।