जनता समाजवादी पार्टी नेपालको झापा जिल्ला पार्टी समायोजन कार्य पुरा भएको छ ।

जनता समाजवादी पार्टी नेपाल झापा जिल्ला पार्टी समायोजन गर्नका लागि केन्द्रिय कार्यकारिणी समितिले गठन गरेको कार्यदलले पार्टी समायोजनको निर्णय सार्वजनिक गरेको हो ।

दमकमा रहेको पाथीभरा होटलको सभाहलमा आयोजित पत्रकार सम्मेलन मार्फत सो विषयमा जानकारी गराएको हो । पार्टीका प्रदेश १ अध्यक्ष एवं केन्द्रिय सदस्य प्रविण चाम्लिङले समावेशी नेतृत्वलाई स्थापित गर्ने पार्टीको नीति अनुसार अप्पसंख्यक क्लस्टर राजवंशी समुदायबाट अनुतसिंह राजवंशीको नेतृत्वमा २२५ सदस्यीय जसपा झापा जिल्ला समायोजन समिति गठन गरेको जानकारी दिएको थिए ।

कार्यदलले विज्ञप्ती जारी गर्दै प्रदेश १ को १४ जिल्लाभरीमा झापामा समेत राजपा पक्षलाई नेतृत्व नदिदा पार्टी एकता र समायोजन प्रकृयाको मर्म र भावनामा ठेस पुग्ने साथै चुनावी मत परिणामको हकमा पूर्व समाजवादी पार्टी र पूर्व राजपाबीज झापा जिल्लामा मतअन्तर कम भएको हुदा राजपा तर्फको अध्यक्ष मागदावीलाई सम्बोधन गरेको जनाएको छ ।

कार्यदलले पुर्व दुई अध्यक्ष मध्येको दिपेनवाला राईलाई जिल्ला सवन्मय समितिको सह–अध्यक्ष वा प्रदेश १ समितिको सदस्यमा पदका लागि जिम्मेवारी प्रदान गरेको विज्ञप्तीमा उल्लेख गरेको छ ।

कार्यदलमा प्रदेश १ अध्यक्ष एवं केन्द्रीय सदस्य प्रविण चाम्लिङ, केन्द्रीय सदस्यहरु सुर्यनारायण गणेश, शंकर राजवंशी, मानबहादुर राई, प्रमदिप थाम्सुहाङ, रामचन्द्र लिम्बु, विश्वनाथसिंह राजवंशी, पृथ्वी नारायण कार्की, मोहितलाल कामती पूर्व राजपा झापा जिल्ला अध्यक्ष अनुतसिंह राजवंशी र सचिव देबेन्द्रकिशोर ढुङ्गाना रहेका छन् ।

जसपाको लेटरप्याडको प्रयोग भएकोमा ध्यानाकर्षण

यसैविच जनता समाजवादी पार्टी झापा जिल्लाको लेटरप्याड प्रयोग गरी साविक समाजवादी पार्टीका पधाधिकारीहरु भनी सार्वजनिक भएको विज्ञप्तीको सम्बन्धमा पूर्व समाजवादी र पूर्व राजपा झापा जिल्ला समितिका ११ जना पधाधिकारी ध्यानाकर्षण भएको जनाउदै विज्ञप्ती जारी गरेका छन् ।

विज्ञप्तीमा पार्टी समायोजन भएको कुरा झुटा हो भनी गरिएका प्रचार प्रसारमा कुनै सत्यता नभएको उल्लेख छ ।