‘द भोइस किड्स’की फाइनलिष्ड नुमा राई अब आउने मंशीर ६ गते २०७९ मा १५ वर्षकी हुन्छिन् । मंशीरमा जन्मिएकी उनको मुस्कान असाध्यै लक्षिनको छ ।

आमा प्रनिता र बुवा कुमारको भरपूर सहयोग र उनको अद्भुत प्रतिभाका कारण उनी ‘द भोइस किड्स’मा फाइनलिष्ट हुन पुगीन् । त्यसो त त्यहाँ पुग्नको लागि स्वदेश÷विदेशमा रहेका शुभचिन्तकहरुको साथ पनि उक्तिकै महत्वपूर्ण रहेको उनकी आमा प्रनिताको भनाई छ ।

माङ्सेबुङ ६, इलाममा जन्मिएकी नुमाले इलाम नवप्रतिभा स्कुल पञ्चमीबाट शिक्षा प्रारम्भ गरेकी उनी हाल स्टन स्टार इङ्लिस बोर्डिङ स्कुल दमकमा कक्षा १० मा अध्ययनरत छिन् । उनको अर्को प्रतिभा नृत्य क्षेत्रमा रहेको छ । नृत्य र गायनमा अन्तरविद्यालय स्तरीय प्रतियोगीतामा धेरै पुरस्कार प्राप्त गरेकी छिन् । बालमहोत्सव तथा प्याब्सनले संचालन गरेको अधिकांस स्टेजमा पफम गरेकी उनलाई भोइस किड्सको सोमा पहिलो पटक केही धक लागेको वताईन् ।

गायनलाई प्राथमिकता दिदै, नृत्यलाई समेत निरन्तरता दिने बताउँदै उनले भनिन् – ‘मेरा सम्पूर्ण शुभचिन्तकहरुमा अझै धेरै माया र साथ दिनहुन अनुरोध गर्छु, म तपाईहरुलाई निराश बनाउँने छुइन ।’

पढाईका अलवा गायनमा करियर बनाउँने उदेश्य राखेकी उनले छुट्टिको समय उपयोग गर्ने योजना रहेका आमा प्रनिताले जानकारी दिईन् । समदर्शी टिभीसँगको कुराकानीको क्रममा उनले भनिन् – ‘चर्चित गायक राजेश पायल राई, थिरज राई र रोशन राईसँग गाउने तयारी रहेको छ ।’

नुमा र आमा प्रनितासँगको रमाईलो कुराकानी हेर्नुहोस्ः