फाल्गुनन्द बचत तथा ऋण सहकारी संस्था लि.दमकले आज शिवसताक्षी ८, झिलझिले बजारमा अर्को सेवा केन्द्र स्थापना गरेको छ ।
झिलझिले सेवा केन्द्रका संयोजक एवं सचालक समिति उपाध्यक्ष महेन्द्र चाम्लिङको सभापतित्व, शिवसताक्षी ८ का वडाध्यक्ष केहेरसिङ बस्नेतको प्रमुख आतिथ्य साथै फाल्गुनन्द साकोस संचालक समिति अध्यक्ष पदम लिङदेन संकल्प र झिलझिले सेवा केन्द्रका सल्लाहकार संयोजक शिवकुमार योङ्याको विशेष आतिथ्यमा कार्यक्रम सम्पन्न भएको थियो ।

कार्यक्रममा अतिथिको रुपमा फाल्गुनन्द साकोसका निवर्तमान सचिव देशराज नेम्बाङ, कानुनी सल्लाहकार नरबहादुर (एन. बि.) लिङदेन, चौतारी बचत तथा ऋण सहकारी संस्थाका अध्यक्ष धनबहादुर राई र साहित्यकार हरि हुक्पा चोङ्बाङको उपस्थीति रहेको थियो ।
यस अघि विर्तामोडमा आफ्नो सेवा केन्द्र स्थापना गरिसकेको र आगामी दिनमा केही स्थानमा सेवा केन्द्र स्थापना गर्ने अन्तिम तयारीमा पुगेको संस्थाका सचिव दिलिप जवेगुले वताए ।

कार्यक्रममा शुभकामना व्यक्त गर्दै प्रमुख अतिथि बस्नेतले फाल्गुनन्द साकोसले झिलझिले वडा नं ८, मा सेवाकेन्द्र स्थापना गरेकोमा खुशी व्यक्त गरेका थिए । उनले भने ‘‘यस सेवाकेन्द्रका लागि हामीले गर्नुपर्ने प्रावधानहरुमा सहयोग गर्न हामी सधै तत्पर रहने छौं ।’’

भिलझिले सेवाकेन्द्रको उद्घाटनको अवसरमा १८ जना नयाँ शेयर सदस्य, ८ जना स्वर्णिम महिला बचत र २ जना बालबचत खाता संचालनमा आएको साथै भोली देखि नियमीत रुपमा यस सेवाकेन्द्रले सेवा प्रदान गर्ने संस्थाका अध्यक्ष लिङदेनले बताए । झिलझिले सेवाकेन्द्रका उप–संयोजक लिला राम लावतीले स्वागत मन्तव्य व्यक्त गरेको कार्यक्रम सोही सेवाकेन्द्रका सदस्य सचिव किरण लिङदेनले संचालन गरेका थिए । कार्यक्रममा सय बढी पुराना शेयर सदस्यहरुको उपस्थीति रहेको थियो ।

केही तस्बीरहरु