जनता समाजवादी पार्टी नेपाल झापा समितिले आज झापाको दमकमा प्रधानमन्त्रीले असंवैधानिक कदम चालेको आरोप लगाउदै त्यसका विरुद्ध बिरोध प्रदर्शन गरेको छ ।

दमक पश्चिम बस स्टेण्डबाट सुरुवात भएको र्याली दमक जेसिज चोकमा आएर कोण सभामा परिणत भएको थियो । पार्टीका झापा जिल्ला अध्यक्ष दिपेनबाला राई र अनुत सिङ् राजवंशीको अध्यक्षतामा सम्पन्न भएको कोणसभा सम्बोधन गर्दै समाजवादी पार्टिका केन्द्रिय सदस्य भुपेन्द्र नेम्बाङले दुई तिहाई बहुमतको सरकार भएर पनि अहिले सम्मकै सबैभन्दा भ्रष्ट भएको आरोप लगाए । भुमी, माटो र समाज सुहाउँदो राजनितिका लागि अब समाजवादी पार्टीको विकल्प नरहेको बताएका थिए ।

कार्यक्रममा समाजवादी पार्टिका नेताहरु श्रीनारायण गणेश, फक्ताङलुङ योङहाङ हरीदेवी राई लगायतले प्रधानमन्त्रीले चालेको असंवैधानिक कदमको विरुद्धमा आफ्ना विचार राखेका थिए ।

कोणसभा विसर्जन गर्दै अध्यक्ष दिपेनवाला राईले जनताले विश्वास गरेर दिएको मत दुरुपयोग भएको वताएका थिए । उनले भने ‘‘के.पी. ओली जस्तो अहंकारवादी आत्माकेन्द्रित नेतालाई विश्वास गरेको कारण अहिले सम्मको राजनैतिक उपलब्धी कल्याप्स हुन लागेको छ ।’’ जनता समाजवादी पार्टीको यो आन्दोलन सांसद मन्त्री हुनको लागि केन्द्रित नभएर आमनागरिकको हक र अधिकार सुनिश्चित गर्नका लागि भएको पनि उनले बताएका थिए ।