पथरी, मोरङको पथरी शनिश्चरे नगरपालिका वडा नम्वर ६ का वडा अध्यक्ष जयबहादुर तामाङले मुसहर बस्तीमा सोमवार कपडा विरण गरेका छन् ।

६ नं. वडामा मुसहर समुदायको उल्लेख्य वसोवास रहेको छ । पुषको कठ्याङग्रिदो चिसोमा परालको घुर तापेर चिसो सिरेटो काट्न वाध्य वनेका छन् । मुसहर समुदायको सो वस्तीमा अध्यक्ष तामाङ एक गाडि कपडा लिएर पुग्दा उनिहरुको अनुहारमा मुस्कान छाएको छ ।

लगभग दुई सातादेखिको बाक्लो हुस्सु र शीतलहरका कारण तराईको जनजीवन यति बेला कष्टकर बनेको छ । शीतलहरबाट गरिब, वृद्धवृद्धा, सुत्केरी महिला तथा बालबालिका र विद्यार्थी बढी प्रभावित बनेका छन् ।

तामाङको उपस्थितिलाई सो समुदायका बृद्धबृद्धाहरुले वर्षैँ देखी परदेशिएको छोरा अचानक घरफर्किए जस्तो गरि अथाह स्नेह प्रकट गरेका छन् । बढ्दो चिसोका करण सो स्थानमा वसोवास गर्ने बालबालिका तथा बृद्धबृद्धाहरुमा समस्या आउन थालेपछि वडा अध्यक्ष तामाङले आफ्नै पहलमा कपडा विरण गर्न थालेको बताएका छन् ।

चिसोका कारण विद्यालय जाने उमेर समुहका वालबालिका मात्र हैन घरमा वस्ने बृद्धबृद्धा र ज्यालामजदुरी गर्ने युवा वर्ग सम्म चिसोको चपेटामा परेका छन् । सो समुदायका मानिसहरु पुष माघको जाडोमा मात्र हैन आसर साउनको बर्खा याममा पनि सधै पिडित बन्दै आएका छन् ।

यसैबिच पथरीशनिश्चरे नगरपालिकाका मेयर दिलिपकुमार राईले नगर भित्रका विपन्न बस्तीमा बालबालिकालाई लक्षित गर्दै न्याना कपडा वितरण गर्ने काम भइरहेको बताए । उनकाअनुसार वनसँग समन्वय गर्दै नगर क्षेत्रका बासिन्दालाई आगो ताप्न दाउराको पनि व्यवस्था गरिएको जानकारी दिए ।