गीतकार शिरेन बान्तवाको शब्द रचना, पारस मुकारुङको संगीत र राजेश पायल राईको आवाजमा रहेको गीतको म्युजिक भिडियो हामीले देख्ने घामजुन सार्वजनिक भएको हो ।

लघु चलचित्र लेखन तथा निर्देशन गर्दै आएका निरन साम्पाङले दोस्रो म्यूजिक भिडियो परिकल्पना एवं निर्देशन गरेका हुन् । यस अघि उनले इन्द्र कुमारी सम्बाहाङफेको उदासै छ कि बोलको गीतमा म्यूजिक भिडियो निर्देशन गरी सकेका छन् । पृथीराज वाम्बुलेको दृश्य सम्पादन रहेको म्यूजिक भिडियो साम्पाङले नै छायाङ्कन गरेका हुन् ।

कवी तथा साहित्यकार पुष्पहाङ लोवा, दिव्या आङ्ला लिम्बु र जय कुमार वान्तवाको अभिनयमा बनेको म्यूजिक भिडियो चिण्डो क्रिएसन युटुव च्यानलबाट सार्वजनिक गरिएको छ ।

गीतको शब्दमा विछोडको पीडामा रहेका प्रेमीको आहत व्यक्त गरिएको छ । सँगै बाच्ने, सँगै मर्ने कसम खाएको प्रेमीकाले अर्कै बाटो रोजेपछि प्रेमीले दुखेसो पोख्दै भनेका छन् –

आकाश खुल्दा, मन डुल्दा खुशी एउटै थियो
आकाशको जुन छुने रहर एउटै थियो
के भो कुन्नी निरमाया जिउने संसार सधै फरक भो….

भिडियो यो लिङ्कमा हेर्नुहोसः