बुधबार, १५ असार, २०७९ 

यतिवेला हराएको मान्छे म !

(कविता)

यतिवेला
म, मेरो राष्ट्र भित्रको कैदी बन्दी भएर
हराएको मान्छे,
थाहा छ, कानून मिच्नु हुन्न
कानून भन्दा म ठूलो पनि त होइन
खैर, म भित्रको अचम्मको त्राहिमाम छ
उकुसमुकुस छ,
माथि फक्ताङ्लुङ्मा भए हुन्थ्यो
तल केचनकवलमा भए हुन्थ्यो
यहि बेला सगरमाथाको टिप्पोबाट देशलाई
नियाल्न पाए हुन्थ्यो
हो, यतिवेला हराएको मान्छे म

हो नि !
पृथ्वीका मानवहरु तछाडमछाड गरि
वाच्न र बाचौं भन्दै वरपर कुदी राख्याछन्
एक छाक गर्जो टार्न सक्नेहरु
आफैभित्र पिडाले छट्पटिरहेका छन्
घरभित्रको कैदी जिवन विताईरहेका छन्
बरै यो कस्तो दिन,
कहिल्यै देख्न नपरोस् भनी
भगवानको नाम जप्दै होलान्

कोही पुर्पुरोमा हात राखेर भविष्यको कल्पना गर्दैछन्
कठै म र मेरो भविष्य अनि चिन्ताका थुप्रै चाङहरुमा
जिन्दगीहरु खोज्दै, विलासिन्दै
पृथ्वीभित्रका मानव वस्ती यतिवेला रुदैछ, छट्पटाईरहेछ
अब के हुने, भोलि के हुने रु
भोक प्यासलाई थाती राखेर भविष्य सोच्दैछन्
विचरा मानवहरु अदृश्य शत्रुसँग लड्दैछन्
तछाडमछाड गर्दै आफू भित्रको जिन्दगीलाई प्रश्न गर्दैछन्
हो, यतिवेला हराएको मान्छे म ।

कस्तो दुनियाँ
तिमीसँग लड्ने क्षमतामा पनि
प्रश्न चिन्ह भएर उभिन्नु परेको पीडा छ ।
ऊ बेलाका सपनाहरु यो बेलामा
कतै छट्पटिएका आत्मा भित्रका
अन्तरङ्गहरुमा स्वप्निल बनेर हराएको मान्छे म ।
हो, यतिवेला हराएको मान्छे म ।

dilkumar.lawati@gmail.com

 

सम्बन्धित समाचार

जेष्ठ २१ गते झापामा साकेला सिली भव्यताका साथ समापन हुने

दमक, जेष्ठ । किरात राई यायोक्खा झापाको आयोजनामा जेष्ठ २१ गते शनिबार साकेला सिली समापन समारोह कार्यक्रम भव्यताका साथ सम्पन्न हुने भएको छ । किराया झापाले शुक्रबार साकेला थान व्यवस्थापन समिति र स्थानीय अगुवाहरुसँग बैठक...

कक्षा १२ सम्म निशुल्क शिक्षा प्रदान गर्ने मेरो पहिलो प्राथमिकता –लक्ष्मी प्रसाद चेम्जोङ

लक्ष्मी प्रसाद चेम्जोङ बि.सं. २०४९ र २०५४ मा शिवसताक्षी नगरपालिका वडा १ को अध्यक्ष पदमा २ पटक निर्वाचित भए , २६ वर्षको कलिलो उमेरमा । लगातार २ कार्यकाल नेतृत्व गरेका उनले यसपटक पुन वडाध्यक्षको उमेरद्धारी...

अघिल्लो कार्यकालका जनप्रतिनिधिले सम्भव हुने काम पनि गर्न सकेन् – दुर्गा नेम्बाङ

समदर्शी सञ्चार अनलाईन खबरमा तपाईलाई स्वागत छ । नमस्कार, समदर्शी सञ्चार अनलाईनका सम्पूर्ण पाठकहरुमा म दुर्गा नेम्बाङको तर्फबाट अभिवादन व्यक्त गर्दछु । तपाई राजनीतिमा सक्रिय हुनुभएको कति भयो ? राजनीतिमा क्रियाशील भएको त्यस्तै ७ वर्ष...

सेन्छेलुङ माङ सामग्री स्टोर संचालनमा

दमक १, झापा फाल्गुनन्द चोक नजिकै सेन्छेलुङ माङ सामग्री स्टोर संचालनमा आएको छ । किरात धर्म संस्कार अन्तर्गत सेवा पुजा गर्दा आवश्यक पर्ने सबैखाले सामग्रीहरु उपलब्ध गराउँने उदेश्यले गत बैशाख ५ गते देखि सेन्छेलुङ माङ...

हाम्रो बारेमा

समाजलाई समृद्ध बनाउने, हाम्रो प्रयास भन्ने नारालाई आत्मसात गर्दै २०७२ असार ६ गते जिल्ला प्रशासन कार्यालय झापाको दर्ता नं १३५ मा समदर्शी सन्चार मासिक पत्रीका दर्ता गरि सुरुवात भएको हाम्रो यात्रालाइ आज अनलाइन संस्करण सम्म आइ पुगेको छ। आगामी दिनहरुमा यहि समदर्शी सन्चार मासिककै प्रस्तुतिमा समदर्शी टि. भि युटुव च्यानल संचालन गरि शिक्षा, स्वास्थ्य , कृषि , आर्थिक, संस्कृति र मनोरञ्जनका सामग्रीहरु प्रकाशन /प्रशारण गर्दै उदेश्य प्राप्तिका लागि हामी निरन्तर लागि रहने प्रण गर्दछौं।