मङ्गलबार, २७ पुष, २०७८ 

ताप्लेजुङमा साँस्कृतिक पुर्नजागरण अभियान समिति गठनसंगै पहिलाे चरणकाे अभियान सम्पन्न

ताप्लेजुङ। सहअस्तित्वलाई स्वीकार गर्दै, प्राकृतिक, मौलिक नामको संरक्षण, खोज तथा अनुसन्धान गर्ने उद्धेश्यले सञ्चालित साँस्कृतिक पुर्नजागरण अभियानले बुधबार ताप्लेजुङमा समिति गठन गरेसंगै पहिलाे चरणकाे अभियान सम्पन्न भएकाे छ । ज्ञानु फुरुम्बो चरपेको संयोजकत्वमा बिभिन्न बिभागसहित २५ सदस्यीय साँस्कृतिक पुर्नजागरण अभियान समिति गठन गरिएको हो ।

सह-संयोजक हाङमाया लेछर्बो, सचिब सरोज कंलिबा र कोषाध्यक्ष प्रदीप मादेन, थाङबेन मेन्छिङ नबिन फुरुम्बो, भूपू सैनिक बिभाग पूर्ण पालुङवा, महिला बिभाग सीताकुमारी केदेम अन्छङबो र सूचना तथा सञ्चार बिभाग आलोक माबोहाङ लिम्बू चुनिए । त्यस्तै, बिद्यार्थी, बिज्ञान तथा प्रविधि, तुम्याहाङ, बिज्ञ र अनुसन्धान बिभागका संयोजक चुन्न बाँकी रहेकाे छ ।

तुम्याहाङ प्रथाको संरक्षणसहित बिभिन्न लिम्बुवान क्षेत्रमा रहेका मौलिक नाम, प्राकृतिक सम्पदाको संरक्षण तथा सम्बद्र्धन गर्नको लागि यो अभियान संचालन गरिएको अभियान प्रस्तोता दिलेन्द्र कुरुम्बाङले बताए । कुरुम्बाङले साँस्कृतिक पुर्नजागरण अभियानको प्रस्तावना, उद्धेश्य, क्षेत्र, सांगठनिक प्रारुप, दृष्टि र लक्क्षय सहित बिबिध विषयमा स्पष्ट पारे ।

कार्यक्रमका प्रमुख अतिथि तथा १ नम्बर प्रशेस संसाद प्रताप प्रकास हाङ्गामले साँस्कृतिक पुर्नजागरण अभियानले ल्याएका, गरेका र उद्धेश्य प्राप्तिको लागि सबै क्षेत्रबाट आफ्नो नैतिक, भौतिक र नीतिगत ऐक्यबद्धता रहेको बताए । त्यस्तै, कार्यक्रमका अतिथि १ नम्बर प्रदेश संसद विष्णु तुम्बाहाङफेले पनि अभियानप्रति ऐक्यबद्धतासहित हरतवरबाट सहयोग गर्ने प्रतिबद्धता जनाए । आफूले खेल्न सक्ने भूमिका र अभियानभन्दा टाढा रहन नसक्ने पनि बताए ।

अभियानको केन्द्रीय संयोजक तथा कार्यक्रम अध्यक्ष मधु केरुङले लिम्बुवान भूमिको सम्पूणै अपभ्रंश गरिएका र नाम परिवर्तन गरिएको भूगोल, क्षेत्र, धार्मिकस्थल र गाउँ, पहाड, हिमाल, खोलानाला आदिलाई मौलिक र वास्तबिक नाम पुर्नस्थापनाको लागि जस्तोसुक्कै मुल्य चुकाउन पछि नहट्ने बताए । उनले भने -अभियानलाई कसैले चानचुने नआक्न पनि चेतावनी दिए ।

कार्यक्रममा, जिल्लाका थरगत संस्थाका प्रतिनीधि, तुम्याहाङ, कलाकार, साहित्कार, सञ्चारकर्मी र सरोकारवालाको उपस्थिति थियो । किरात याक्थुङ चुम्लुङ लिम्बुवान प्रदेश समितिको आयोजनामा स्थानीय चुम्लुङ र लिम्बूजन्य संस्थाहरुको सह-आयोजनामा सांस्कृतिक पुन जागरण अभियान आम भेला पहिलो चरणको कार्यक्रम लिम्बुवानको पान्थर फेदेन, झापाकाे दमक, तेह्रथुमकाे बसन्तपुर र ताप्लेजुङ फुङ्लिङ बजारमा सम्पन्न भएको हाे ।

सम्बन्धित समाचार

द भोईस अफ किड्समा ‘नुमा राई’ जिताउन अभियान समिति गठन

द भोईस अफ किड्स नेपालको भोटिङ राउण्डमा पुगेकी माङ्सेबुङ गाउँपालिका ६ की नुमा राईलाई जिताउन ‘नुमा राई जिताउऔँ अभियान समिती’ गठन गरिएको छ । माङ्सेबुङ गाउँपालिकाका अगुवा तथा जनप्रतिनीको सल्लाकार समिती सहित धनजित रुङ्माङ राईको...

फाल्गुनन्द साकोस बिर्तामोड सेवाकेन्द्रका लागि उपसमिति गठन

फाल्गुनन्द साकोस दमकले विर्तामोड सेवा केन्द्रको दोस्रो कार्यकालका लागि सोमबार उपसमिति पूर्नगठन गरेको छ । दमक ६, लिङदेन मार्गमा प्रधान कार्यालय रहेको फाल्गुनन्द बचत तथा ऋण सहकारी संस्थाको बिर्तामोड सेवाकेन्द्रका लागि बिमला फुयाँलको सह–संयोजकत्वमा उपसमिति...

निरन साम्पाङको निर्देशनमा हामीले देख्ने घाम जुन सार्वजनिक

गीतकार शिरेन बान्तवाको शब्द रचना, पारस मुकारुङको संगीत र राजेश पायल राईको आवाजमा रहेको गीतको म्युजिक भिडियो हामीले देख्ने घामजुन सार्वजनिक भएको हो । लघु चलचित्र लेखन तथा निर्देशन गर्दै आएका निरन साम्पाङले दोस्रो म्यूजिक...

जसपाले आचार्यविरुद्ध मतदान गर्ने

  बिराटनगर, १५ कार्तिक । जनता समाजवादी पार्टी, नेपाल (जसपा) प्रदेश १ प्रदेश सभा संसदीय दलको बैठकले मुख्यमन्त्री भीम आचार्यका विरुद्ध मतदान गर्ने निर्णय गरेको छ । जसपा प्रदेश १ संसदीय दलका नेता जयराम यादवले...

हाम्रो बारेमा

समाजलाई समृद्ध बनाउने, हाम्रो प्रयास भन्ने नारालाई आत्मसात गर्दै २०७२ असार ६ गते जिल्ला प्रशासन कार्यालय झापाको दर्ता नं १३५ मा समदर्शी सन्चार मासिक पत्रीका दर्ता गरि सुरुवात भएको हाम्रो यात्रालाइ आज अनलाइन संस्करण सम्म आइ पुगेको छ। आगामी दिनहरुमा यहि समदर्शी सन्चार मासिककै प्रस्तुतिमा समदर्शी टि. भि युटुव च्यानल संचालन गरि शिक्षा, स्वास्थ्य , कृषि , आर्थिक, संस्कृति र मनोरञ्जनका सामग्रीहरु प्रकाशन /प्रशारण गर्दै उदेश्य प्राप्तिका लागि हामी निरन्तर लागि रहने प्रण गर्दछौं।