शुक्रबार, ०६ जेठ, २०७९ 

बिरामी सानुसालाई ३ लाख भन्दा धेरै आर्थिक सहयोग हस्तान्तरण

दमक। मुटु र दुवै मृगौला खराब भइ उपचार गराइरहेकी सानुसा लावतीलाई सानुसा लावती बचाउ अभियान दमक नगर समिति र कुरुम्बेली समाज सेवा संघ दमकले छुट्टाछुट्टै कार्यक्रम गरि ३ लाख भन्दा धेरै सहयोग रकम हस्तान्तरण गरेको छ ।
अभियान समितिका संयोजक आकाश ताङहाङ लिम्बु सहितको टोलीले लावतीलाई २ लाख १२ हजार ६ सय ४० रुपैयाँ सहयोग रकम हस्तान्तरण गरेको हो ।

लावतीको उपचारका लागि आवश्यक रकम संकलनका एक अभियान समिति गठन गरि सहयोग रकम संकलन गरिएको थियो । विभिन्न व्यक्तिहरूबाट संकलित सो सहयोग रकम हस्तान्तरण गरिएको हो ।

त्यसै गरी पाँचथरको कुरुम्बाबाट दमक आएर बसेकाहरुको सक्रियतामा बनेको कुरुम्बेली समाज सेवा संघ दमकले सानुसा बचाउन अभियान अन्तर्गत संकलित रकम आज विरामीलाई हस्तान्तरण गरेको छ । सेवासमाजले १ लाख १९ हजार १ सय ४८ रुपैयाँ आज विरामीलाई एक कार्यक्रमका बिच प्रदान गरेको छ । सेवा समाजले दमकमा ५१ हजार ५ सय ६३ रुपैयाँ संकलन गरेको हो भने बाँकी ५० हजार पैतिस रुपैयाँ मलेसिया र १७ हजार ५ सय पचास रुपैयाँ यूके र हङकङ्बाट सहयोग प्राप्त भएको जनाएको छ ।

पाँचथर मिक्लाजुङ गाउँपालिका वडा नं. ५ घर भई दमक बहुमुखी क्याम्पस दमकमा अध्ययनरत लावती केहि समय देखि दुवै मृगौला खराब भइ उपचार गराइरहेकी छिन् । लावतीको विगत लामो समयबाट Systematic Lupus Erythematosus (SLE) को कारण मुटुमा समस्या भएको र दुबै मृगौला फेल भई हाल नोवेल हस्पिटल विराटनगरमा उपचार गराइरहेकी छिन् ।

लावती विगत ३ वर्ष देखि अध्ययनको शिलशिलामा दमक बस्दै आएकी हुन् । अध्ययनसँगै विभिन्न संघसंस्थाहरुमा पनि आवद्ध लावती लिम्बु विद्यार्थी मञ्च झापाका उपाध्यक्ष समेत रहेकी छिन् ।

हालसम्म संकलित रकम बिरामीलाई बुझाइएको समितिका संयोजक आकाश ताङहाङ लिम्बुले बताए । सहयोग रकम हस्तान्तरण गर्दै लिम्बुले भने– सहयोग रकम अझै पनि उठ्ने क्रम जारी रहेको र बाँकि उठ्ने रकम पुनः पछि हस्तान्तरण गर्नेछौ ।

लावतीको उपचारका लागि विद्यार्थीहरूबीच छलफल गरि एक अभियान समिति बनाएर अभियान संचालन गरिएको अभियान समितिका सदस्य सुनिल राई बताए । सामाजिक सञ्चाल मार्फत सहयोग अपिल गरि सुरू गरिएको अभियानलाई सहयोग गर्ने सम्पूर्ण सहयोगिहरू प्रति धन्यवाद व्यक्त गरे ।

सहयोग रकम हस्तारन्तरण गर्नका लागि अभियान समितिका संयोजक आकाश ताङहाङ लिम्बु, सदस्यहरू सुनिल राई, मिना नेम्बाङ, नैना चाम्लिङ राई साथै गगन लावती, जीतेन राईको उपस्थिति रहेको थियो ।

त्यसैगरी कुरुम्बेली समाज सेवा संघको रकम हस्तान्तरणमा अध्यक्ष ऐमानसिं लाओती, सचिव धिरेन लावती, कोषाध्यक्ष कमला योङ्हाङ् (लाओती) लगायत अन्य पदाधिकारीहरुको उपस्थिति रहेको सदस्य दिनेश लाओती बताए ।

सम्बन्धित समाचार

कक्षा १२ सम्म निशुल्क शिक्षा प्रदान गर्ने मेरो पहिलो प्राथमिकता –लक्ष्मी प्रसाद चेम्जोङ

लक्ष्मी प्रसाद चेम्जोङ बि.सं. २०४९ र २०५४ मा शिवसताक्षी नगरपालिका वडा १ को अध्यक्ष पदमा २ पटक निर्वाचित भए , २६ वर्षको कलिलो उमेरमा । लगातार २ कार्यकाल नेतृत्व गरेका उनले यसपटक पुन वडाध्यक्षको उमेरद्धारी...

अघिल्लो कार्यकालका जनप्रतिनिधिले सम्भव हुने काम पनि गर्न सकेन् – दुर्गा नेम्बाङ

समदर्शी सञ्चार अनलाईन खबरमा तपाईलाई स्वागत छ । नमस्कार, समदर्शी सञ्चार अनलाईनका सम्पूर्ण पाठकहरुमा म दुर्गा नेम्बाङको तर्फबाट अभिवादन व्यक्त गर्दछु । तपाई राजनीतिमा सक्रिय हुनुभएको कति भयो ? राजनीतिमा क्रियाशील भएको त्यस्तै ७ वर्ष...

सेन्छेलुङ माङ सामग्री स्टोर संचालनमा

दमक १, झापा फाल्गुनन्द चोक नजिकै सेन्छेलुङ माङ सामग्री स्टोर संचालनमा आएको छ । किरात धर्म संस्कार अन्तर्गत सेवा पुजा गर्दा आवश्यक पर्ने सबैखाले सामग्रीहरु उपलब्ध गराउँने उदेश्यले गत बैशाख ५ गते देखि सेन्छेलुङ माङ...

निष्पक्ष र शान्तिपूर्ण निर्वाचनका लागि आचारसंहिता कार्यान्वयनमा जोड

बिर्तामोड, बैशाख ५। शान्तिपूर्ण, निष्पक्ष र उत्साहजनक सहभागितामा निर्वाचन सम्पन्न गर्न मतदाता शिक्षा र आचारसंहिताको कार्यान्वयन प्रभावकारी हुनुपर्नेमा सोमबार बिर्तामोडमा आयोजित एक कार्यक्रमका सहभागीले जोड दिएका छन् । नेपाल पत्रकार महासंघ झापा शाखा र संवाद...

हाम्रो बारेमा

समाजलाई समृद्ध बनाउने, हाम्रो प्रयास भन्ने नारालाई आत्मसात गर्दै २०७२ असार ६ गते जिल्ला प्रशासन कार्यालय झापाको दर्ता नं १३५ मा समदर्शी सन्चार मासिक पत्रीका दर्ता गरि सुरुवात भएको हाम्रो यात्रालाइ आज अनलाइन संस्करण सम्म आइ पुगेको छ। आगामी दिनहरुमा यहि समदर्शी सन्चार मासिककै प्रस्तुतिमा समदर्शी टि. भि युटुव च्यानल संचालन गरि शिक्षा, स्वास्थ्य , कृषि , आर्थिक, संस्कृति र मनोरञ्जनका सामग्रीहरु प्रकाशन /प्रशारण गर्दै उदेश्य प्राप्तिका लागि हामी निरन्तर लागि रहने प्रण गर्दछौं।