मङ्गलबार, ०५ असोज, २०७८ 

दमकको स्वर्णलक्ष्मी साकोसकाे ११ औं साधारण सभा, १७ प्रतिशतले कारोबार बृद्धि

दमक/ दमक ६ स्थित बेलडाँगी रोडमा यसैबर्ष देखि आफनै भवनबाट कारोबार शुरु गरेको स्वर्णलक्ष्मी बचत तथा ऋण सहकारी संस्थाले यो बर्ष पहिलो पटक आफनै भवनमा बार्षिक साधारण सभाका कार्यक्रमहरु शुरु गरेको छ ।

संस्थाको सभाकक्षमा आज अध्यक्ष रवि केसी, सचिव बुद्धिसागर बराल, सञ्चालक सदस्यहरु जमुना निरौला अधिकारी, पुनम रिजाल लगायतले संयुक्त रुपमा संस्थाको बार्षिक प्रतिवेदन सार्वजनिक गरे ।

संस्थाका अध्यक्ष रवि केसीले सो अवसरमा संस्थालाई आगामी दिनमा पर्न सक्ने आवश्यकतालाई मध्यनजर गर्दै थप भवन निर्माणका लागि ३ कठठा जग्गा खरिद गरिने बताए । संस्थाले हाल दमकका अतिरिक्त शिवसताक्षी, गौरादह, बुद्धशान्ति, विर्तामोड लगायतका क्षेत्रमा समेत कारोबार गर्दै आएकोले ति ठाउँहरुमा सेवा केन्द्र स्थापनाको लागि प्रस्ताव समेत गरेको छ ।

संस्थाका व्यवस्थापक कमल घिमिरेले कोरोना महामारीका कारण यसबर्षको ११ औं बार्षिक साधारण सभामा सदस्यहरुलाई कार्यलयका साथै विभिन्न पायक पर्ने स्थानहरुबाट प्रतिवेदन उपलब्ध गराउँदै सुझाव संकलन गरेर साधारण सभाको प्रकृया पुरा गरिने बताए ।

असोज २४ देखि २८ गते सम्म संस्थाको कार्यालय, शिवसताक्षी चोकस्थित प्रस्तावित भवन, बेलडाँगीस्थित शिवालय मन्दिर र गौरादहको धोबिनिया चोकमा आफना सदस्यहरुलाई फरक फरक दिनमा प्रतिवेदन बुझेर साधारण सभामा सहभागिता जनाउन संस्थाले आव्हान गरेको छ ।

कोरोनाका बाबजुद पनि कारोबार बढयो
साधारण सभाको उदघाटन कार्यक्रममा वितरित संस्थाको बार्षिक प्रतिवेदनमा आर्थिक बर्ष २०७६/०७७ मा कुल कारोबारमा १७ प्रतिशत बृद्धि भएको उल्लेख छ । सो अवधिमा ५२ करोड भन्दा बढी बचत संकलन, ७ करोड ४० लाख भन्दा बढी शेयर संकलन र ८ करोड ८० लाख भन्दा बढीको कोष निर्माण गर्न सफल भएको पनि प्रतिवेदनमा उल्लेख छ ।

त्यस्तै ६५ करोड भन्दा बढी ऋण लगानी गर्न सफल भएको जनाइएको छ । संस्थामा हाल १ हजार ८ सय १५ जना महिलासहित कूल ४ हजार ७ सय ६६ सदस्य संख्या रहेको संस्थाले जनाएको छ । कोरोना महामारीका कारण आज सक्षिंप्त कार्यक्रम मार्फत साधारण सभाका कार्यक्रमहरु शुरु भएको जानकारी गराइएको थियो ।

सम्बन्धित समाचार

पैसाकै कारण ललितपुरबाट पक्राउ परे ३२ वर्षीय हिरालाल

उच्च अदालत पाटनबाट बैंकिङ कसुर मुद्दामा २५ लाख जरिवाना तोकिएका हिरालाल श्रेष्ठलाई शुक्रबार प्रहरीले पक्राउ गरेको छ । उच्च अदालत पाटनले २०७८ असार २९ गते श्रेष्ठलाई बैंकिङ कसुर तथा सजाय ऐन २०६४ बमोजिम १० दिन...

अलैंची पाकेपछि लमजुङका किसानलाई छोडाउन र सुकाउनको चटारो, अलैंची खेलिबाटै १८ करोड २० लाख गरे आम्दानी

एजेन्सी-चर्चित बलिउड अभिनेत्री दिशा पटानीलाई दिल्लीमा एक फ्यानले लगातार पिछा गरेर हैरान बनाएपछि अंगरक्षक राख्ने निर्णय गरेकी छिन् । विज्ञापन सुटिङका लागि दिल्ली पुगेकी उनलाई एक अपरिचित व्यक्ति पछि पछि लागेर हैरान बनाएपछि दिशाले यस्तो...

अभिनेत्री दिशासँग भेट्न नदिएको भन्दै होटलका कर्मचारीसँग झगडा गरे यि युवक

एजेन्सी-चर्चित बलिउड अभिनेत्री दिशा पटानीलाई दिल्लीमा एक फ्यानले लगातार पिछा गरेर हैरान बनाएपछि अंगरक्षक राख्ने निर्णय गरेकी छिन् । विज्ञापन सुटिङका लागि दिल्ली पुगेकी उनलाई एक अपरिचित व्यक्ति पछि पछि लागेर हैरान बनाएपछि दिशाले यस्तो...

दमकमा ९३ वटा लियो क्लबहरु एकैसाथ

दमक, ३१ लायन्स क्लब इन्टरनेशल अन्र्तगत रहेको लियो डिष्ट्रिक काउन्सिल ३२५ ए वान को १० औं पदस्थापन तथा डिष्ट्रिक काउन्सिल मिटिङ दमकमा गर्ने तयारी तिब्र रुपमा अगाडी बढीरहको छ । यस कार्यक्रम सञ्चालनको जिम्मा लिएका...

हाम्रो बारेमा

समाजलाई समृद्ध बनाउने, हाम्रो प्रयास भन्ने नारालाई आत्मसात गर्दै २०७२ असार ६ गते जिल्ला प्रशासन कार्यालय झापाको दर्ता नं १३५ मा समदर्शी सन्चार मासिक पत्रीका दर्ता गरि सुरुवात भएको हाम्रो यात्रालाइ आज अनलाइन संस्करण सम्म आइ पुगेको छ। आगामी दिनहरुमा यहि समदर्शी सन्चार मासिककै प्रस्तुतिमा समदर्शी टि. भि युटुव च्यानल संचालन गरि शिक्षा, स्वास्थ्य , कृषि , आर्थिक, संस्कृति र मनोरञ्जनका सामग्रीहरु प्रकाशन /प्रशारण गर्दै उदेश्य प्राप्तिका लागि हामी निरन्तर लागि रहने प्रण गर्दछौं।