मङ्गलबार, ०३ जेठ, २०७९ 

मोरङकाे मिक्लाजुङमा लिम्बुवान भोलेन्टियर्सको मोटरसाईकल रर्याली संगै फिल्ड कमाण्ड गठन

मोरङ। उत्तरी मोरङकाे मिक्लाजुङमा संघीय लोकतान्त्रिक राष्ट्रिय मञ्च तथा संघीय लिम्बुवान मञ्च, नेपाल अन्तर्गत लिम्बुवान भोलेन्टियर्सले वर्तमान सरकारको उदाङ्गो कार्यशैली प्रति खबरदारी गर्दै मोटरसाईकल रयाली गरेको छ ।

मोटरसाईकल रयाली मिक्लाजुङ् ३ धोवेनीदेखि किरात चौक साखारे हुँदै मिक्लाजुङ् ४ को संगम चौकको किरात निसाम हिममा पुगेर समाप्न भएको थियो ।

किरात निसाम हिमको सभाहलमा लिम्बुवानका बरिष्ठ उपाध्यक्ष ज्ञान बहादुर गुरुङकाे प्रमुख आतिथ्यता एवं मञ्चका सचिव तथा लिम्बुवान भोलेन्टियर्सका प्रवक्ता राजु राईको विशेष आतिथ्यता त्यसैगरी के.सचिवालय सदस्य रामचन्द्र थापामगर, लिम्बुवान भोलेन्टियर्सका केन्द्रीय कमाण्डरहरु, मञ्चका जिल्ला नेताहरुको समेत कार्यक्रममा आतिथ्यता थियो ।

उक्त कार्यक्रममा बोल्दै बरिष्ठ उपाध्यक्ष गुरुङ् लिम्बुवान भोलेन्टियर्स (एल.भी.) भनेको लिम्बुवान आन्दोलनको मेरुदण्ड हो । लिम्बुवान भूमिको रक्षाको लागि अहोरात्र खटिन्ने भोलेन्टियर्सले विगत १५ बर्ष देखि लडिरहेको हुँदा मञ्चले भोलेन्टियर्सको सधै उच्च सम्मान गर्ने बताए । त्यसैगरी विशेष अतिथि एल.भी. प्रवक्ता राजु राईले नौ जिल्ला लिम्बुवानको सबै जिल्ला कमाण्ड, फिल्ड कमाण्डहरुलाई शसक्त बनाई लिम्बुवान आन्दोलन लगायत मञ्चले ल्याएको सबै प्रकारको कार्यक्रममा साथ दिने वताउँनु हुँदै एल.भी. भनेको भूमिको रक्षक हौं, एल.भी.ले लिम्बुवान वचाउन जस्तैसुकै परिस्थितिसँग लड्न सक्ने क्षमताको विकास गर्नका निमित्त यस्तो कार्यक्रमहरु निरन्तर गरिनु पर्नेमा जोड दिए ।

कार्यक्रममा लिम्बुवान भोलेन्टियर्स (एल.भी.) मिक्लाजुङ् फिल्ड कमाण्ड राम याक्थुङ्वाको कमाण्डमा ६४ सदस्यीय कमाण्ड समेत गठन भएको छ । सिनियर सिभिल कमाण्डरहरुमा सुखम राई र केशव नेपाली चयन भएको एल.भी. केन्द्रीय सिनियर कमाण्डर गणेश मिभकले जनाएका छन् ।

 

सम्बन्धित समाचार

कक्षा १२ सम्म निशुल्क शिक्षा प्रदान गर्ने मेरो पहिलो प्राथमिकता –लक्ष्मी प्रसाद चेम्जोङ

लक्ष्मी प्रसाद चेम्जोङ बि.सं. २०४९ र २०५४ मा शिवसताक्षी नगरपालिका वडा १ को अध्यक्ष पदमा २ पटक निर्वाचित भए , २६ वर्षको कलिलो उमेरमा । लगातार २ कार्यकाल नेतृत्व गरेका उनले यसपटक पुन वडाध्यक्षको उमेरद्धारी...

अघिल्लो कार्यकालका जनप्रतिनिधिले सम्भव हुने काम पनि गर्न सकेन् – दुर्गा नेम्बाङ

समदर्शी सञ्चार अनलाईन खबरमा तपाईलाई स्वागत छ । नमस्कार, समदर्शी सञ्चार अनलाईनका सम्पूर्ण पाठकहरुमा म दुर्गा नेम्बाङको तर्फबाट अभिवादन व्यक्त गर्दछु । तपाई राजनीतिमा सक्रिय हुनुभएको कति भयो ? राजनीतिमा क्रियाशील भएको त्यस्तै ७ वर्ष...

सेन्छेलुङ माङ सामग्री स्टोर संचालनमा

दमक १, झापा फाल्गुनन्द चोक नजिकै सेन्छेलुङ माङ सामग्री स्टोर संचालनमा आएको छ । किरात धर्म संस्कार अन्तर्गत सेवा पुजा गर्दा आवश्यक पर्ने सबैखाले सामग्रीहरु उपलब्ध गराउँने उदेश्यले गत बैशाख ५ गते देखि सेन्छेलुङ माङ...

निष्पक्ष र शान्तिपूर्ण निर्वाचनका लागि आचारसंहिता कार्यान्वयनमा जोड

बिर्तामोड, बैशाख ५। शान्तिपूर्ण, निष्पक्ष र उत्साहजनक सहभागितामा निर्वाचन सम्पन्न गर्न मतदाता शिक्षा र आचारसंहिताको कार्यान्वयन प्रभावकारी हुनुपर्नेमा सोमबार बिर्तामोडमा आयोजित एक कार्यक्रमका सहभागीले जोड दिएका छन् । नेपाल पत्रकार महासंघ झापा शाखा र संवाद...

हाम्रो बारेमा

समाजलाई समृद्ध बनाउने, हाम्रो प्रयास भन्ने नारालाई आत्मसात गर्दै २०७२ असार ६ गते जिल्ला प्रशासन कार्यालय झापाको दर्ता नं १३५ मा समदर्शी सन्चार मासिक पत्रीका दर्ता गरि सुरुवात भएको हाम्रो यात्रालाइ आज अनलाइन संस्करण सम्म आइ पुगेको छ। आगामी दिनहरुमा यहि समदर्शी सन्चार मासिककै प्रस्तुतिमा समदर्शी टि. भि युटुव च्यानल संचालन गरि शिक्षा, स्वास्थ्य , कृषि , आर्थिक, संस्कृति र मनोरञ्जनका सामग्रीहरु प्रकाशन /प्रशारण गर्दै उदेश्य प्राप्तिका लागि हामी निरन्तर लागि रहने प्रण गर्दछौं।