बिहिबार, २३ असार, २०७९ 

शहिद राजकुमार आङ्देम्बे ‘माङ्तोक’को शालिक अनावरण गरिन्दै

दमक।झापाको कमल खोला किनार पूर्व पश्चिम लोकमार्ग देखि २ सय मिटर उत्तरमा शसस्त्र प्रहरीको गोली लागि शहिद हुनुभएका राजकुमार आङ्देम्बे ‘माङ्तोक’ २०६४ असोज २० गते शहिद भएका हुन् ।

संघीय लोकतान्त्रिक राष्ट्रिय मञ्च सम्बद्ध लिम्बुवान मञ्च मातहतका लिम्बुवान भोलेन्टियर्स (एल.भी.) भएर नेपालको ऐतिहासिक प्रथम संविधानसभाको चुनाव पूर्ण समानुपातिक प्रणालीको आधारमा हुनु पर्छ भन्ने अनिश्चितकालिन आमहड्तालको क्रममा आङ्देम्बेलाई गोली लागेको थियो ।

संघीय गणतान्त्रिक मोर्चाले समानुपातिकको मुद्दासँगै मूलत पहिचानमा आधारित लिम्बुवान सहितको १०+१ प्रान्तहरु लिम्बुवान, खम्बुवान/किरात, तामाङ्सालिङ, नेवाः, मधेश, तामाङ्सालिङ्, शेर्पा, थरुहट, मगरात, खसान र दलित शिल्पी प्रान्त स्थापनाको निमित्त पनि संघर्ष गरेको थियो ।

पूर्वमा अरुण सप्तकोशी पूर्वको नौ जिल्लालाई लिम्बुवान स्वायत्त राज्य स्थापना गर्नु पर्छ भनी शुरु भएको लिम्बुवान आन्दोलनमा हजारौं युवाहरु लिम्बुवान भोलेन्टियर्स भएर लडिरहेको बेला आङ्देम्बे शसस्त्रको गोलीबाट ढल्न पुगेका थिए । चुलाचुली, इलाममा जन्मिएका आङ्देम्बेलाई आधुनिक लिम्बुवानका प्रथम राष्ट्रिय शहिद पनि भन्ने गरिएको छ ।

नेपाल सरकारले राष्ट्रिय शहिद घोषणा गर्दै मृतकको परिवारलाई १० लाख रुपैयाँ प्रदान गरेको छ ।

शहिदको सम्मानमा चुलाचुली १, कमलमा पूर्णकदको शालिक निर्माण भईरहेको छ । शालिक निर्माणलाई अन्तिम रुप दिदै आगामी असोज २० गते अनावरण गर्ने कार्यक्रम रहेको र शालिक निर्माण अन्तिम चरणमा पुगेको शालिक निर्माण समितिका संयोजक कुमार तुम्बापोले बताएका छन् । शालिक निर्माणको निमित्त देश विदेशबाट आर्थिक सहयोग प्राप्त भईरहेको उक्त शालिक निर्माणमा करिब १४ लाख रुपैयाँको लागतमा निर्माण कार्य सम्पन्न हुने समितिका कोषाध्यक्ष संगीता थलङ्ले बताएकी छन् ।

शहिद राजकुमार आङ्देम्बे माङ्तोकको रगतको सम्मान गर्दै लिम्बुवान र सरकार बिच २०६४ फाल्गुन १८ गते ५ बुँदे सहमति भएको र सोही सहमतिलाई टेक्दै ऐतिहासिक पहिलो संविधानसभाको चुनावमा संघीय लोकतान्त्रिक राष्ट्रिय मञ्चले ऐतिहासिक पहिलो संविधानसभाको चुनावमा भाग लिए शहिद राजकुमार आङ्देम्बे माङ्तोक–मनिल तामाङ् स्मृति प्रतिष्ठानका अध्यक्ष ज्ञान बहादुर गुरुङ्ले बताए ।

शालिक अनावरण कार्यक्रममा सुनसरी, झापा, मोरङ्, इलाम लगायतका जिल्लाहरुबाट उपस्थिति हुने जनाइएको छ ।

 

सम्बन्धित समाचार

जेष्ठ २१ गते झापामा साकेला सिली भव्यताका साथ समापन हुने

दमक, जेष्ठ । किरात राई यायोक्खा झापाको आयोजनामा जेष्ठ २१ गते शनिबार साकेला सिली समापन समारोह कार्यक्रम भव्यताका साथ सम्पन्न हुने भएको छ । किराया झापाले शुक्रबार साकेला थान व्यवस्थापन समिति र स्थानीय अगुवाहरुसँग बैठक...

कक्षा १२ सम्म निशुल्क शिक्षा प्रदान गर्ने मेरो पहिलो प्राथमिकता –लक्ष्मी प्रसाद चेम्जोङ

लक्ष्मी प्रसाद चेम्जोङ बि.सं. २०४९ र २०५४ मा शिवसताक्षी नगरपालिका वडा १ को अध्यक्ष पदमा २ पटक निर्वाचित भए , २६ वर्षको कलिलो उमेरमा । लगातार २ कार्यकाल नेतृत्व गरेका उनले यसपटक पुन वडाध्यक्षको उमेरद्धारी...

अघिल्लो कार्यकालका जनप्रतिनिधिले सम्भव हुने काम पनि गर्न सकेन् – दुर्गा नेम्बाङ

समदर्शी सञ्चार अनलाईन खबरमा तपाईलाई स्वागत छ । नमस्कार, समदर्शी सञ्चार अनलाईनका सम्पूर्ण पाठकहरुमा म दुर्गा नेम्बाङको तर्फबाट अभिवादन व्यक्त गर्दछु । तपाई राजनीतिमा सक्रिय हुनुभएको कति भयो ? राजनीतिमा क्रियाशील भएको त्यस्तै ७ वर्ष...

सेन्छेलुङ माङ सामग्री स्टोर संचालनमा

दमक १, झापा फाल्गुनन्द चोक नजिकै सेन्छेलुङ माङ सामग्री स्टोर संचालनमा आएको छ । किरात धर्म संस्कार अन्तर्गत सेवा पुजा गर्दा आवश्यक पर्ने सबैखाले सामग्रीहरु उपलब्ध गराउँने उदेश्यले गत बैशाख ५ गते देखि सेन्छेलुङ माङ...

हाम्रो बारेमा

समाजलाई समृद्ध बनाउने, हाम्रो प्रयास भन्ने नारालाई आत्मसात गर्दै २०७२ असार ६ गते जिल्ला प्रशासन कार्यालय झापाको दर्ता नं १३५ मा समदर्शी सन्चार मासिक पत्रीका दर्ता गरि सुरुवात भएको हाम्रो यात्रालाइ आज अनलाइन संस्करण सम्म आइ पुगेको छ। आगामी दिनहरुमा यहि समदर्शी सन्चार मासिककै प्रस्तुतिमा समदर्शी टि. भि युटुव च्यानल संचालन गरि शिक्षा, स्वास्थ्य , कृषि , आर्थिक, संस्कृति र मनोरञ्जनका सामग्रीहरु प्रकाशन /प्रशारण गर्दै उदेश्य प्राप्तिका लागि हामी निरन्तर लागि रहने प्रण गर्दछौं।