मङ्गलबार, ०५ असोज, २०७८ 

डा. केसीलाई भेटेपछि सरकारलाई पूर्वराष्ट्रपतिको आग्रह : अमूल्य सम्पत्ति बचाउनुस्

१९ औं दिनसम्म केसीको अनशनप्रति सरकारको बेवास्ता

काठमाडौं । चिकित्सा शिक्षा सुधारको माग राखेर अनशन बसेका डा. गोविन्द केसीलाई भेट्न शुक्रवार पूर्वराष्ट्रपति डा. रामबरण यादव त्रिवि शिक्षण अस्पतालमा पुगे ।

भेटमा डा. यादवले केसीलाई महात्मा गान्धीसँग तुलना गरे । ‘सत्याग्राही केसी र महात्मा गान्धी जस्ता पुरुषकै कारण संसारमा अहिंसा र शान्तिको ज्योति बलेको छ’ उनको भनाइ थियो ।

डा. यादवले केसीसँग अनशनमा विगतमा जस्तै ऐक्यवद्धता जनाउन आएको जानकारी गराए । डा. यादवलाई उधृत गर्दै डा. केसीका सहयोगी सञ्जीव कार्कीले भने, ‘सरकारले माग पूरा गरेर राष्ट्रको अमूल्य सम्पत्ति डा. केसीलाई बचाउनुपर्छ ।’

करिव ७ मिनेट केसीसँगको भेटघाटमा बिताएका डा. यादवले उनको स्वास्थ्य अवस्था चिन्ताजनक रहेको भन्दै उपचारमा खटिने स्वास्थ्यकर्मीलाई धन्यवाद दिए । डा. केसीले बोल्न नसके पनि हात उठाएर पूर्वराष्ट्रपतिलाई धन्यवाद दिएका कार्कीले बताए । पूर्वराष्ट्रपति बोल्दै गर्दा डा. केसीका आँखा पिल्पिलाएका थिए ।

डा. केसीको उपचारको लागि सरकारलाई गम्भीर भएर सोच्न पनि डा. यादवले आग्रह गरे । अहिलेसम्म डा. केसीले सलाइन पानी बाहेक कुनै पनि औषधी र उपचार लिन मानेका छैनन् ।

शुक्रबार नै डा. केसीलाई भेट्न पूर्वमन्त्री दीपक बोहरा पनि पुगेका थिए । डा. केसीको अनशनको शुक्रबार १९ औँ दिन हो । छ बुँदे माग राखी जुम्लाको चन्दननाथ–६, बाबिरामस्टा मन्दिरको धर्मशालाबाट २९ भदौमा सत्याग्रह शुरु गरेका डा. केसी गत ६ असोजमा काठमाडौंस्थित टिचिङ अस्पतालको ५०१ नम्बर कोठामा अनशनरत छन् ।

सरकारले भने अहिले अनशन बस्ने समय नभएको भन्दै फिर्ता लिन डा. केसीलाई आग्रह गरेको छ । बिहीबार मन्त्रिपरिषदको निर्णय सार्वजनिक गर्न आयोजित पत्रकार सम्मेलनमा सरकारका प्रवक्ता परराष्ट्रमन्त्री प्रदीप ज्ञवालीले डा. केसीलाई अनसन फिर्ता लिन आग्रह गरेका थिए ।

डा. केसीका कतिपय माग पूरा भएको र कतिपय विषयमा पछि पनि छलफल गर्न सकिने भन्दै उनले अहिले अनशन बस्न उपयुक्त समय नभएको जिकिर गरेका थिए । अनशनको १९ औं दिनसम्म सरकारले केसीको मागबारे छलफल गर्ने र अनशन अन्त्यका लागि औपचारिक पहल गरेको छैन । (Onlinekhabar)

सम्बन्धित समाचार

पैसाकै कारण ललितपुरबाट पक्राउ परे ३२ वर्षीय हिरालाल

उच्च अदालत पाटनबाट बैंकिङ कसुर मुद्दामा २५ लाख जरिवाना तोकिएका हिरालाल श्रेष्ठलाई शुक्रबार प्रहरीले पक्राउ गरेको छ । उच्च अदालत पाटनले २०७८ असार २९ गते श्रेष्ठलाई बैंकिङ कसुर तथा सजाय ऐन २०६४ बमोजिम १० दिन...

अलैंची पाकेपछि लमजुङका किसानलाई छोडाउन र सुकाउनको चटारो, अलैंची खेलिबाटै १८ करोड २० लाख गरे आम्दानी

एजेन्सी-चर्चित बलिउड अभिनेत्री दिशा पटानीलाई दिल्लीमा एक फ्यानले लगातार पिछा गरेर हैरान बनाएपछि अंगरक्षक राख्ने निर्णय गरेकी छिन् । विज्ञापन सुटिङका लागि दिल्ली पुगेकी उनलाई एक अपरिचित व्यक्ति पछि पछि लागेर हैरान बनाएपछि दिशाले यस्तो...

अभिनेत्री दिशासँग भेट्न नदिएको भन्दै होटलका कर्मचारीसँग झगडा गरे यि युवक

एजेन्सी-चर्चित बलिउड अभिनेत्री दिशा पटानीलाई दिल्लीमा एक फ्यानले लगातार पिछा गरेर हैरान बनाएपछि अंगरक्षक राख्ने निर्णय गरेकी छिन् । विज्ञापन सुटिङका लागि दिल्ली पुगेकी उनलाई एक अपरिचित व्यक्ति पछि पछि लागेर हैरान बनाएपछि दिशाले यस्तो...

दमकमा ९३ वटा लियो क्लबहरु एकैसाथ

दमक, ३१ लायन्स क्लब इन्टरनेशल अन्र्तगत रहेको लियो डिष्ट्रिक काउन्सिल ३२५ ए वान को १० औं पदस्थापन तथा डिष्ट्रिक काउन्सिल मिटिङ दमकमा गर्ने तयारी तिब्र रुपमा अगाडी बढीरहको छ । यस कार्यक्रम सञ्चालनको जिम्मा लिएका...

हाम्रो बारेमा

समाजलाई समृद्ध बनाउने, हाम्रो प्रयास भन्ने नारालाई आत्मसात गर्दै २०७२ असार ६ गते जिल्ला प्रशासन कार्यालय झापाको दर्ता नं १३५ मा समदर्शी सन्चार मासिक पत्रीका दर्ता गरि सुरुवात भएको हाम्रो यात्रालाइ आज अनलाइन संस्करण सम्म आइ पुगेको छ। आगामी दिनहरुमा यहि समदर्शी सन्चार मासिककै प्रस्तुतिमा समदर्शी टि. भि युटुव च्यानल संचालन गरि शिक्षा, स्वास्थ्य , कृषि , आर्थिक, संस्कृति र मनोरञ्जनका सामग्रीहरु प्रकाशन /प्रशारण गर्दै उदेश्य प्राप्तिका लागि हामी निरन्तर लागि रहने प्रण गर्दछौं।