दमक, ३१ लायन्स क्लब इन्टरनेशल अन्र्तगत रहेको लियो डिष्ट्रिक काउन्सिल ३२५ ए वान को १० औं पदस्थापन तथा डिष्ट्रिक काउन्सिल मिटिङ दमकमा गर्ने तयारी तिब्र रुपमा अगाडी बढीरहको छ । यस कार्यक्रम सञ्चालनको जिम्मा लिएका लियो डिष्ट्रिक ३२५ ए वान का रिजन–३ का रिजन चियर पर्सनर लियो संजय जंग थापा तयारी भब्य रुपमा भइरहेको र असोज ९ गते शनिबारका दिन दमक कस्मिक पार्टी प्यालेसमा भब्य र सभ्य तरिकाले ऐतिहासिक रुपमा कार्यक्रमलाई सफल बनाउने लक्ष्य लिइएको बताउनु हुन्छ ।

कार्यक्रमको तयारी दमक तथा आसपासमा रहेका सम्पूर्ण लियो क्लबहरुको साथमा भईरहेको र दमकका सम्पूर्ण लायन्स क्लब, डिष्ट्रिक ३२५ ए वान का पदाधिकारीहरु सबैको साथ पाइरहेकोले कार्यक्रमलाई सफल बनाउने कुरामा ढुक्क रहेको बताउनु हुन्छ । इन्स्टलिङ अफिसरका रुपमा लायन्स क्लब डिष्ट्रिक ३२५ ए वान, नेपालका डिष्ट्रिक गर्भनर लायन रेवत बहादुर कार्की पि.एम.जे.एफ. हुनुहुन्छ भने प्रिसाडिङ अफिसरको रुपमा लियो डिष्ट्रिक ३२५ ए वानका जिल्ला अध्यक्ष लियो मुकेश पौडेल रहनु हुनेछन् ।