मङ्गलबार, २० मंसिर, २०७९ 

तीनथुम्की डाँडासँग जोडिएको छेपारोको कथा बेग्लै छ। “म उभिएको पहाड” कथा संस्मरण कथा संग्रह क्रमसः

क्यासेट प्लेयरको ब्याट्री सकियो । गीत बज्न बन्द भयो । त्यो रमाइलो माहोल एकैछिनमा चकमन्न रातमा परिणत भयो । सन्नाटा छायो । म टह–टह लागि रहेको जूनलाई हेरेर मनमा कुरा खेलाउन थालेँ । अब त्यो रात पूरै प्रकृतिको कब्जामा जान थाल्यो । एक्कासी नजिकै ठूलो वर्षा भएको झैं आवाज कानमा गुञ्जिन थाल्यो । अब निथ्रुक्क भिजिने भैयो भनेर मनमनै आत्मसमर्पण गरेँ । निक्कैबेर सम्ममा पनि हामी सुतेको ठाउँमा त्यो झरी आइपुगेन । म छक्क पर्दै थिएँ । भरै थाहा भयो त्यो झरी नभएर सल्ला सुसाएको रहेछ । जीवनमा पहिलो पटक सल्ला सुसाएको सुनेको थिएँ । बल्ल मन ढुक्क भयो । धन्न झरी परेको होइन रहेछ ।

त्यो रात अविष्मरणीय बन्यो । सल्लाको त्यो सुसाइ हृदयको पानामा अमिट छाप बनेर बसेको छ । सल्ला साह्रै मज्जाले सुसाउँदो रहेछ । त्यो सुसाईले अचम्मको संगीत सिर्जना गर्दो रहेछ । त्यसमा मैले नौलो प्रकारको आनन्द लिन सकेँ । साँच्ची नै प्रकृतिको संगीतमा मन मस्तिष्क हल्का बनाउने शक्ति हुँदो रहेछ । प्रकृतिबाट उत्पन्न हुने संगीतले मानसिक बिरामीहरु निको हुने तथ्य वैज्ञानिकहरुले पत्ता लगाएका छन् । मानवीय जीवनमा गीत संगीतको महŒव अत्यन्त धेरै छ । संगीत बिना संसार अधुरो छ ।

त्यसपछि म झन–झन प्रकृतिमा लीन हुँदै जान थालेँ । कलकल बगीरहेको खोला । छङ्छङ् गर्दै झरेको झरना । चराचुरुङ्गीहरुको चिरबिर अनि किरा फट्याङ्ग्राको अनेकौं संगीतमय आवाजहरुमा म लिप्त हुनपुगें । बाँसुरी र सारङ्गीको मन रुवाउने धुनहरु सम्झें । जीवनको उकाली–ओरालीहरु अनि हाासो र रोदनका कथा÷व्यथाहरु आँखै अगाडि नाचिरहेको जस्तो महसुस गरें । मैले त्यो रात जीवनको वास्तविक लय नजिकबाट सुन्ने मौका पाएँ । विहान फर्कंदा शरीरमा बेग्लै स्फूर्ति अनुभूत भइरहेको थियो ।

तीनथुम्की डाँडासँग जोडिएको छेपारोको कथा बेग्लै छ । यस डााडाको टुप्पोमा रहेको तीन वटा थुम्कीहरु मध्ये पूर्वतिरको सबैभन्दा छेउको थुम्कीको दक्षिणी पाटोमा एउटा सानो ढुङ्गाको ओढार छ । पानी परेको बेला त्यहाँ एक जना मान्छे ओत लाग्न सकिन्छ । त्यो ओढारको छानो भएर रहेको ढुङ्गा अचम्म तरिकाले फुटेर एउटा चेप बनेको छ । लगभग चौंडाई १० से. मि. लम्बाई १५ से. मि. र उचाई ४ से. मि. जति होला त्यो चेपको । अष्टे«लियाको मरुभूमिमा प्रसस्तै पाइने कङ्गारुको अगाडिपट्टी पेटमा बच्चा राख्ने छालाको गोजी भए जस्तै ढुङ्गा फुटेर गोजी जस्तै बएको थियो । त्यही चेप भित्र छेपारो जस्तै देखिने सानो जीव बस्थे ।

आज भन्दा १७÷१८ वर्ष अघिसम्म । सायद छेपारोकै एउटा प्रजाति हुन सक्छ । खै ! सुरुमा कसले र कहिले देख्यो त्यो चेपभित्रको छेपारालाई । मानिसहरु बीच चर्चा हुने गथ्र्यो ती छेपाराका बारेमा । एकदमै नौलो प्रकारको रङ्गीचङ्गी मसिना छेपारा तीन थुम्कीको टुप्पोमा रहेको ओढारको ढुङ्गाको सानो चेपमा छन् भन्थे । ती छेपारोलाई हेरेर आउनेहरु मध्ये कसैले भन्ने गर्थे मैले चार वटा देखेँ । अनि कसैले भन्थे मैले पाच वटा देखेँ । अनि कसैले भन्ने गर्थे मैले त जति हेर्दा पनि एउटा पनि देखिनँ । अनि कोही भन्ने गर्थे पापीहरुले त देख्न सक्दैन रे ! त्यहाँका छेपारा धर्मीहरुले मात्र देख्न सकिन्छ रे ।

यसरी एक जमानामा छेपारोको खुब चर्चा हुन्थ्यो । तीनथुम्कीमा छेपारो हेर्न जानेको लर्को लाग्थ्यो । अझै रोचक कुरा त ती छेपाराहरु हेर्न सँंगै जानेहरुले पालैपालो चेपभित्र हेर्दा एउटै संख्यामा छेपारा देख्दैन थिए । एउटै रङमा पनि देख्दैन थिए । विभिन्न रङ्गहरुमा र फरक संख्यामा देख्ने गर्थे । कसैले चाहिँ खाली चेप मात्र देख्थे । ठाउँ साँघुरो भएकोले एकै चोटी धेरै जनाले एकै पटक छेपारा हेर्न नमिल्ने । पालो गरेर हेर्नु पर्ने हुन्थ्यो ।

सम्बन्धित समाचार

जेष्ठ २१ गते झापामा साकेला सिली भव्यताका साथ समापन हुने

दमक, जेष्ठ । किरात राई यायोक्खा झापाको आयोजनामा जेष्ठ २१ गते शनिबार साकेला सिली समापन समारोह कार्यक्रम भव्यताका साथ सम्पन्न हुने भएको छ । किराया झापाले शुक्रबार साकेला थान व्यवस्थापन समिति र स्थानीय अगुवाहरुसँग बैठक...

कक्षा १२ सम्म निशुल्क शिक्षा प्रदान गर्ने मेरो पहिलो प्राथमिकता –लक्ष्मी प्रसाद चेम्जोङ

लक्ष्मी प्रसाद चेम्जोङ बि.सं. २०४९ र २०५४ मा शिवसताक्षी नगरपालिका वडा १ को अध्यक्ष पदमा २ पटक निर्वाचित भए , २६ वर्षको कलिलो उमेरमा । लगातार २ कार्यकाल नेतृत्व गरेका उनले यसपटक पुन वडाध्यक्षको उमेरद्धारी...

अघिल्लो कार्यकालका जनप्रतिनिधिले सम्भव हुने काम पनि गर्न सकेन् – दुर्गा नेम्बाङ

समदर्शी सञ्चार अनलाईन खबरमा तपाईलाई स्वागत छ । नमस्कार, समदर्शी सञ्चार अनलाईनका सम्पूर्ण पाठकहरुमा म दुर्गा नेम्बाङको तर्फबाट अभिवादन व्यक्त गर्दछु । तपाई राजनीतिमा सक्रिय हुनुभएको कति भयो ? राजनीतिमा क्रियाशील भएको त्यस्तै ७ वर्ष...

सेन्छेलुङ माङ सामग्री स्टोर संचालनमा

दमक १, झापा फाल्गुनन्द चोक नजिकै सेन्छेलुङ माङ सामग्री स्टोर संचालनमा आएको छ । किरात धर्म संस्कार अन्तर्गत सेवा पुजा गर्दा आवश्यक पर्ने सबैखाले सामग्रीहरु उपलब्ध गराउँने उदेश्यले गत बैशाख ५ गते देखि सेन्छेलुङ माङ...

हाम्रो बारेमा

समाजलाई समृद्ध बनाउने, हाम्रो प्रयास भन्ने नारालाई आत्मसात गर्दै २०७२ असार ६ गते जिल्ला प्रशासन कार्यालय झापाको दर्ता नं १३५ मा समदर्शी सन्चार मासिक पत्रीका दर्ता गरि सुरुवात भएको हाम्रो यात्रालाइ आज अनलाइन संस्करण सम्म आइ पुगेको छ। आगामी दिनहरुमा यहि समदर्शी सन्चार मासिककै प्रस्तुतिमा समदर्शी टि. भि युटुव च्यानल संचालन गरि शिक्षा, स्वास्थ्य , कृषि , आर्थिक, संस्कृति र मनोरञ्जनका सामग्रीहरु प्रकाशन /प्रशारण गर्दै उदेश्य प्राप्तिका लागि हामी निरन्तर लागि रहने प्रण गर्दछौं।