सोमबार, ०३ माघ, २०७८ 

कमलमा लिम्बुवान भोलेन्टियर्स कमाण्डर नियुक्त तथा प्रशिक्षण कार्यक्रम सम्पन्न

केर्खाबजार। पन्ध्रबर्ष अघि लिम्बुवान स्वायत्त राज्य स्थापनाको लागि अरुण पूर्व नौ जिल्लामा पहिचानवादी युवाहरुलाई स्वयमसेवकको रुपमा स्थापना गरेको लिम्बुवान भोलेन्टियर्स अझै पनि लिम्बुवान प्रान्त प्राप्तिको आन्दोलनमा सक्रिय रहेको छ ।

आइतबार झापाको कमल गाउँपालिकामा लिम्बुवान भोलेन्टियर्सले कमाण्डर नियुक्त तथा १ दिने प्रशिक्षण कार्यक्रम गरेसँगै भोलेन्टियर्स सक्रिय भएको हो ।

उक्त कार्यक्रममा प्रमुख अतिथि लिम्बुवान भोलेन्टियर्सका प्रवक्ता राजु राईले कार्यक्रममा वर्तमान अस्थिर राजनैतिक अवस्था भएको हुँदा सबै पहिचानवादी राजनैतिक पार्टीहरुले एकता वा कहिल्यै नछुटिन्ने मोर्चावन्दीको प्रतिबद्धता गरे मात्र पहिचानको क्रान्ति सफल हुने बताएका छन । उनले अब लिम्बुवान प्रान्त स्थापनाको लागि नौ वटै जिल्लामा जिल्ला कमाण्ड, फिल्ड कमाण्ड, वार्ड कमाण्डका साथै कमाण्डरहरु नियुक्त गर्दै लिम्बुवान प्राप्तिको वैचारिक र शसक्त आन्दोलनमा युवाहरुलाई परिचालन गर्न लिम्बुवान भोलेन्टियर्सले महत्वपूर्ण भूमिका खेल्ने बताए ।  त्यस्तै, अबको वैल्कपिक शक्ति नै संघीय लोकतान्त्रिक राष्ट्रिय मञ्च भएको हुँदा नेपालको राष्ट्रिय अखण्डतालाई कायम राख्दै लिम्बुवान सहितको १०+१ प्रान्त कायम नभएसम्म संघीयता कार्यान्वयन सम्भव छैन त्यसैले शरीरमा एक थोपा रगत रहुन्जेलसम्म लिम्बुवान भोलेन्टियर्स लड़ने प्रवक्ता राईले बताए ।

कार्यक्रममा संघीय लिम्बुवान मञ्च, नेपालका केन्द्रीय सदस्य सुर्य प्रसाद याेक्पादेन, प्रकाश नेम्बाङ्, भोलेन्टियर्स उपकमाण्डर हाईजन लिम्बु लगायतका नेताहरुको उपस्थिति रहेको थियो ।

लिम्बुवान भोलेन्टियर्स कमल गाउँपालिकाको उक्त भेलाले सीनियर सिभिल कमाण्डरमा राज माबो र रान्जु लिम्बू नियुक्त गरेको छ भने सिभिल कमाण्डरमा सन्दीप लिम्बू र बिपेन राई चयन भएका छन् । कार्यक्रममा प्रमुख अतिथिको हातबाट लिम्बुवान भोलेन्टियर्स परिचय कार्ड समेत वितरण गरीएको थियो ।

लिम्बुवान भोलेन्टियर्स कमल इन्चार्ज केन्द्रीय उपकमाण्डर बसन्त राज योङहाङको अध्यक्षता तथा लिम्बुवान मञ्च कमल गाउँपालिका सचिब बिजेन्द्र मेन्याङ्बोको कार्यक्रम संचालन गरेका थिए ।
कार्यक्रममा कमलका सत्तरी भन्दा धेरै नेता, कार्यकर्ता र भोलेन्टियर्सहरुको उपस्थिति रहेको थियो ।

सम्बन्धित समाचार

द भोईस अफ किड्समा ‘नुमा राई’ जिताउन अभियान समिति गठन

द भोईस अफ किड्स नेपालको भोटिङ राउण्डमा पुगेकी माङ्सेबुङ गाउँपालिका ६ की नुमा राईलाई जिताउन ‘नुमा राई जिताउऔँ अभियान समिती’ गठन गरिएको छ । माङ्सेबुङ गाउँपालिकाका अगुवा तथा जनप्रतिनीको सल्लाकार समिती सहित धनजित रुङ्माङ राईको...

फाल्गुनन्द साकोस बिर्तामोड सेवाकेन्द्रका लागि उपसमिति गठन

फाल्गुनन्द साकोस दमकले विर्तामोड सेवा केन्द्रको दोस्रो कार्यकालका लागि सोमबार उपसमिति पूर्नगठन गरेको छ । दमक ६, लिङदेन मार्गमा प्रधान कार्यालय रहेको फाल्गुनन्द बचत तथा ऋण सहकारी संस्थाको बिर्तामोड सेवाकेन्द्रका लागि बिमला फुयाँलको सह–संयोजकत्वमा उपसमिति...

निरन साम्पाङको निर्देशनमा हामीले देख्ने घाम जुन सार्वजनिक

गीतकार शिरेन बान्तवाको शब्द रचना, पारस मुकारुङको संगीत र राजेश पायल राईको आवाजमा रहेको गीतको म्युजिक भिडियो हामीले देख्ने घामजुन सार्वजनिक भएको हो । लघु चलचित्र लेखन तथा निर्देशन गर्दै आएका निरन साम्पाङले दोस्रो म्यूजिक...

जसपाले आचार्यविरुद्ध मतदान गर्ने

  बिराटनगर, १५ कार्तिक । जनता समाजवादी पार्टी, नेपाल (जसपा) प्रदेश १ प्रदेश सभा संसदीय दलको बैठकले मुख्यमन्त्री भीम आचार्यका विरुद्ध मतदान गर्ने निर्णय गरेको छ । जसपा प्रदेश १ संसदीय दलका नेता जयराम यादवले...

हाम्रो बारेमा

समाजलाई समृद्ध बनाउने, हाम्रो प्रयास भन्ने नारालाई आत्मसात गर्दै २०७२ असार ६ गते जिल्ला प्रशासन कार्यालय झापाको दर्ता नं १३५ मा समदर्शी सन्चार मासिक पत्रीका दर्ता गरि सुरुवात भएको हाम्रो यात्रालाइ आज अनलाइन संस्करण सम्म आइ पुगेको छ। आगामी दिनहरुमा यहि समदर्शी सन्चार मासिककै प्रस्तुतिमा समदर्शी टि. भि युटुव च्यानल संचालन गरि शिक्षा, स्वास्थ्य , कृषि , आर्थिक, संस्कृति र मनोरञ्जनका सामग्रीहरु प्रकाशन /प्रशारण गर्दै उदेश्य प्राप्तिका लागि हामी निरन्तर लागि रहने प्रण गर्दछौं।