सोमबार, १९ मंसिर, २०७९ 

शिवसताक्षीबाट लिम्बुवानको क्रियाशिल सदस्यता वितरण प्रारम्भ

झिलझिले । विगत १५ बर्ष देखि निरन्तर संघीयता, पहिचान र आत्मानिर्णय अधिकार सहितको संघीय नेपाल निर्माण गर्न लागिरहेको संघीय लोकतान्त्रिक राष्ट्रिय आबद्ध संघीय लिम्बुवान मञ्च, नेपाल झापा जिल्ला कार्य समितिले आगामी बर्ष हुन गईरहेको राष्ट्रिय महाधिवेशनलाई लक्षित गर्दै झापाको शिवसताक्षीबाट मञ्चको क्रियाशिल सदस्यता वितरण शुरु गरेको छ ।


मञ्चका केन्द्रीय उपाध्यक्ष ज्ञानुहाङ् इम्बुङ्बाट बुधबार शिवसताक्षी वडा नं. १ का एक सय पैतालिस जनालाई क्रियासिल सदस्य वितरण गर्दै मञ्चले क्रियासिल सदस्यता वितरण लक्षित कार्यक्रम शुरु गरेको हो । त्यसैगरी क्रमशः सबै वार्डहरुमा दशै अघि नै वितरण गरि सक्ने कार्यक्रम रहेको मञ्चका पहिचान सदस्य तथा शिवसताक्षी नगर अध्यक्ष प्रकाश लिङ्देन बताएका छन् ।


विश्व नै कोभिड–१९को कारण लकडाउन भएको हुँदा नेपालमा समेत त्यसको प्रत्यक्ष असर विगत ६ महिना देखि भईरहेता पनि अहिले वातारण अलिकति सहज भएसँगै मञ्चले आफ्नो गतिविधि बढाएको हो । मञ्चका महासचिव शान्ता योङ्हाङ्ले –‘अब जिल्लाको सबै स्थानीय निकायहरुमा अबको दुई महिना भित्र कम्तिमा पनि ५ हजार जनालाई क्रियासिल सदस्य वितरण गर्ने लक्ष्य रहेको बताएकी छन् ।’ उनले मञ्चले आफ्नो चार बर्षे कार्यक्रम अन्तर्गत संगठन सुदृणीकरण तथा पहिचानलाई राजनैतिक रुपमा स्थापित गर्दै १०+१ प्रान्त स्थापना र नेपाललाई दिगो विकासको चरम उत्कर्षमा पु¥याउने लक्ष्यका साथ काम भईरहेको बताएकी छन् । उनले – यसरी नै अब झापा लगायत सबै जिल्लाहरुमा क्रमशः क्रियाशिल सदस्यता वितरण र प्रशिक्षण कार्यक्रमलाई अभियानको रुपमा मञ्चले अगाडि बढाउने तयारी थालेको जनाएकी छन् । उक्त क्रियासिल सदस्य वितरण कार्यक्रममा मञ्चका सचिव तथा सहइन्चार्ज राजु राई, सविचलय सदस्यहरु भक्त मेन्याङ्बो र भिम सुनुवार, केन्द्रीय सदस्य किरण लिङ्देन, पहिचान सदस्य दिल सेरेङ् लगायतका नेताहरुको उपस्थिति रहेको थियो ।

सम्बन्धित समाचार

जेष्ठ २१ गते झापामा साकेला सिली भव्यताका साथ समापन हुने

दमक, जेष्ठ । किरात राई यायोक्खा झापाको आयोजनामा जेष्ठ २१ गते शनिबार साकेला सिली समापन समारोह कार्यक्रम भव्यताका साथ सम्पन्न हुने भएको छ । किराया झापाले शुक्रबार साकेला थान व्यवस्थापन समिति र स्थानीय अगुवाहरुसँग बैठक...

कक्षा १२ सम्म निशुल्क शिक्षा प्रदान गर्ने मेरो पहिलो प्राथमिकता –लक्ष्मी प्रसाद चेम्जोङ

लक्ष्मी प्रसाद चेम्जोङ बि.सं. २०४९ र २०५४ मा शिवसताक्षी नगरपालिका वडा १ को अध्यक्ष पदमा २ पटक निर्वाचित भए , २६ वर्षको कलिलो उमेरमा । लगातार २ कार्यकाल नेतृत्व गरेका उनले यसपटक पुन वडाध्यक्षको उमेरद्धारी...

अघिल्लो कार्यकालका जनप्रतिनिधिले सम्भव हुने काम पनि गर्न सकेन् – दुर्गा नेम्बाङ

समदर्शी सञ्चार अनलाईन खबरमा तपाईलाई स्वागत छ । नमस्कार, समदर्शी सञ्चार अनलाईनका सम्पूर्ण पाठकहरुमा म दुर्गा नेम्बाङको तर्फबाट अभिवादन व्यक्त गर्दछु । तपाई राजनीतिमा सक्रिय हुनुभएको कति भयो ? राजनीतिमा क्रियाशील भएको त्यस्तै ७ वर्ष...

सेन्छेलुङ माङ सामग्री स्टोर संचालनमा

दमक १, झापा फाल्गुनन्द चोक नजिकै सेन्छेलुङ माङ सामग्री स्टोर संचालनमा आएको छ । किरात धर्म संस्कार अन्तर्गत सेवा पुजा गर्दा आवश्यक पर्ने सबैखाले सामग्रीहरु उपलब्ध गराउँने उदेश्यले गत बैशाख ५ गते देखि सेन्छेलुङ माङ...

हाम्रो बारेमा

समाजलाई समृद्ध बनाउने, हाम्रो प्रयास भन्ने नारालाई आत्मसात गर्दै २०७२ असार ६ गते जिल्ला प्रशासन कार्यालय झापाको दर्ता नं १३५ मा समदर्शी सन्चार मासिक पत्रीका दर्ता गरि सुरुवात भएको हाम्रो यात्रालाइ आज अनलाइन संस्करण सम्म आइ पुगेको छ। आगामी दिनहरुमा यहि समदर्शी सन्चार मासिककै प्रस्तुतिमा समदर्शी टि. भि युटुव च्यानल संचालन गरि शिक्षा, स्वास्थ्य , कृषि , आर्थिक, संस्कृति र मनोरञ्जनका सामग्रीहरु प्रकाशन /प्रशारण गर्दै उदेश्य प्राप्तिका लागि हामी निरन्तर लागि रहने प्रण गर्दछौं।