शुक्रबार, १६ मंसिर, २०७९ 

संविधान पुर्नलेखनको माग गर्दै लिम्बुवानले कालो झण्डा देखायो

शिवसताक्षी। संघीय लोकतान्त्रिक राष्ट्रिय मञ्चका प्रान्तीय मञ्च संघीय लिम्बुवान मञ्च, नेपाल झापा जिल्ला समितिको आयोजनामा झापाको दुधेमा संविधान पुर्नलेखनको माग राख्दै कालो झण्डा देखाएर विरोध गरेको छ ।

हरेक बर्ष असोज ३ लाई कालो दिनको रुपमा मनाउँदै आएको मञ्चले नेपालको संविधान २०७२ले सबै जाती, वर्ग, लिङ्ग, क्षेत्र र समुदायलाई समानुपातिक समावेशी रुपमा समेट्न नसकेको साथै संघीयतामा नक्शांकन गर्दा पहिचानको आधारमा १०+१ प्रान्तहरु बनिनु पर्ने माग सार्दै आएको छ ।

मञ्चका केन्द्रीय उपाध्यक्ष ज्ञानुहाङ् इम्बुङ्ले उत्पीडित बर्ग र समुदाय अनि संघीयतामा आदिवासी जनजातिको मर्म विपरित राज्यको पुनःसंरचना गरेर ७ प्रदेशको संघीय राज्य निर्माण गर्नु नै विभेदपूर्ण संविधान जारी गरिएको बताउनु हुँदै जबसम्म सरकारले संविधान लेखनलाई पुर्नलेखन गर्दैन तबसम्म लिम्बुवान आन्दोलन जारी रहने बताएका छन् । त्यसैगरी कार्यक्रममा मञ्चमा उप–महासचिव तथा झापा जिल्ला इन्चार्ज भानु भट्टराईले देश संघीयतामा गईसकेपछि त्यस देशमा बस्ने सबै जातीहरुलाई राखी गोलमेच सम्मेलन गरी संविधानमा छुटेका कुराहरुलाई समेट्न सरकारसँग आग्रह गरेका छन् । उनले उत्पीडित जाती वर्गको हक अधिकार नै सुनिश्चित नभएको संविधान मान्नुको कुनै औचित्य नरहेको बताए ।

कार्यक्रममा झापा जिल्ला अध्यक्ष धनबहादुर पन्धाकले पनि आफ्नो मन्तव्य राखेका थिए । कार्यक्रमको संचालन मञ्चका झापा जिल्ला सचिव राजा आङ्थुपोले गरेका हुन् ।

सम्बन्धित समाचार

जेष्ठ २१ गते झापामा साकेला सिली भव्यताका साथ समापन हुने

दमक, जेष्ठ । किरात राई यायोक्खा झापाको आयोजनामा जेष्ठ २१ गते शनिबार साकेला सिली समापन समारोह कार्यक्रम भव्यताका साथ सम्पन्न हुने भएको छ । किराया झापाले शुक्रबार साकेला थान व्यवस्थापन समिति र स्थानीय अगुवाहरुसँग बैठक...

कक्षा १२ सम्म निशुल्क शिक्षा प्रदान गर्ने मेरो पहिलो प्राथमिकता –लक्ष्मी प्रसाद चेम्जोङ

लक्ष्मी प्रसाद चेम्जोङ बि.सं. २०४९ र २०५४ मा शिवसताक्षी नगरपालिका वडा १ को अध्यक्ष पदमा २ पटक निर्वाचित भए , २६ वर्षको कलिलो उमेरमा । लगातार २ कार्यकाल नेतृत्व गरेका उनले यसपटक पुन वडाध्यक्षको उमेरद्धारी...

अघिल्लो कार्यकालका जनप्रतिनिधिले सम्भव हुने काम पनि गर्न सकेन् – दुर्गा नेम्बाङ

समदर्शी सञ्चार अनलाईन खबरमा तपाईलाई स्वागत छ । नमस्कार, समदर्शी सञ्चार अनलाईनका सम्पूर्ण पाठकहरुमा म दुर्गा नेम्बाङको तर्फबाट अभिवादन व्यक्त गर्दछु । तपाई राजनीतिमा सक्रिय हुनुभएको कति भयो ? राजनीतिमा क्रियाशील भएको त्यस्तै ७ वर्ष...

सेन्छेलुङ माङ सामग्री स्टोर संचालनमा

दमक १, झापा फाल्गुनन्द चोक नजिकै सेन्छेलुङ माङ सामग्री स्टोर संचालनमा आएको छ । किरात धर्म संस्कार अन्तर्गत सेवा पुजा गर्दा आवश्यक पर्ने सबैखाले सामग्रीहरु उपलब्ध गराउँने उदेश्यले गत बैशाख ५ गते देखि सेन्छेलुङ माङ...

हाम्रो बारेमा

समाजलाई समृद्ध बनाउने, हाम्रो प्रयास भन्ने नारालाई आत्मसात गर्दै २०७२ असार ६ गते जिल्ला प्रशासन कार्यालय झापाको दर्ता नं १३५ मा समदर्शी सन्चार मासिक पत्रीका दर्ता गरि सुरुवात भएको हाम्रो यात्रालाइ आज अनलाइन संस्करण सम्म आइ पुगेको छ। आगामी दिनहरुमा यहि समदर्शी सन्चार मासिककै प्रस्तुतिमा समदर्शी टि. भि युटुव च्यानल संचालन गरि शिक्षा, स्वास्थ्य , कृषि , आर्थिक, संस्कृति र मनोरञ्जनका सामग्रीहरु प्रकाशन /प्रशारण गर्दै उदेश्य प्राप्तिका लागि हामी निरन्तर लागि रहने प्रण गर्दछौं।