बुधबार, ०४ जेठ, २०७९ 

छुटे सुवास सुब्बा, अनि भने- कोरोनाको भ्याक्सिन आविष्कार गरेको छु

काठमाडाैं । कोरोना भाइरस संक्रमणबाट मृत्यु भएको व्यक्तिको अंगहरु झिकेर बेचबिखन भइरहेको छ भन्दै अफवाह फैलाएको आरोपमा पक्राउ परेका सुवास सुब्बा लिम्बू मंगलबार रिहा भएका छन् ।

तेह्रथुम स्थायी घर भई ललितपुरको ललितपुर उपमहानगर–१४ नक्खिपोटमा बस्ने सुब्बालाई प्रहरीले गत भदौ २२ गते पक्राउ गरेको थियो ।

सुब्बा रिहा भएपछि उनका समर्थकहरुले मंगलबार चक्रपथ क्षेत्रमा मोटरसाइकल र्याली गर्दै नक्खिपोटसम्म पुर्याएका थिए ।
क्रिश्चियन धर्मका पास्टर समेत रहेका सुब्बालाई उनका धार्मिक कार्यकर्ताहरुले साथ दिएका थिए ।

रोचक पक्ष के छ भने उक्त र्यालीमा मंगोल नेशनल अर्गनाइजेशन डा. गोपाल गुरुङ समूहका नेता कार्यकर्ताहरु समेत झण्डा लिएरै सामेल भएका थिए ।

नेपालबाट बाहुन–क्षेत्रीहरुलाई भगाउने जस्ता उग्रवादी मुद्दा उठाउने मंगोलन नेशनल अर्गनाइजेशनमाथि नेपालमा क्रिश्चियानिटी फैलाउने संगठनको आरोप पनि लाग्दै आएको छ ।

                                        र्याली मा मंगाेलन नेशनल अर्गनाइजेशनका कार्यकर्ता

सुब्बा पक्राउ परेपछि बढीजसो मंगोलन नेशनल अर्गनाइजेशनकै कार्यकर्ताहरुले सामाजिक सञ्जालमाफर्त हिराइको आवाज उठाएका थिए ।

कोरोनाको भ्याक्सिन बनाएको छु

आफ्ना समर्थकहरुले र्याली गर्दै निवाससम्म ल्याइदिएपछि सुब्बाले आफूले कोरोना भाइरस विरुद्धको भ्याक्सिन आविष्कार गरेको बताए ।

उनले गत अगस्ट दोस्रो साता पनि पत्रकार सम्मेलन गरी डेढ महिना लगाएर कोरोना विरुद्धको भ्याक्सिन आविष्कार गरेको दाबी गरेका थिए ।

मंगलबार उनले ११६ बिलियन डलरको मालिक रहेका विश्वकै धनी व्यक्ति बिल गेटस्लाई समेत चुनौती दिए ।

‘म बिल गेटस्लाई डाइरेक्ट चुनौती दिन चाहन्छु, किनभने मैले भ्याक्सिन इन्भेन्सन गरेको छु,’ सुब्बाले भने, ‘यदि कोरोना नियन्त्रण गर्ने हो भने उनी मसँग मिल्यो भने नियन्त्रण गर्न सकिन्छ ।’

                    कोरोनाविरुद्धको भ्याक्सिन सहित पक्रकार सम्मेलनमा बोल्दै सुब्बा

सरकारले इजाजत दिए आफूले सबभन्दा पहिला नेपालका जनतालाई भ्याक्सिन लगाइदिने उनको भनाइ छ ।

उनी नक्खिपोटमै अन्तिम विकल्प नामक संस्था स्थापना गरेर बसेका छन् । जहाँ उनले डाक्टरहरुले उपचार गर्न नसकेर माया मारेको विरामी निको पारिदिने बताउँदै आएका छन् ।

सुब्बाका समर्थकहरुले उनलाई डाक्टर भनी सम्बोधन गर्छन् । विरामीको हात छोएरै रोग पत्ता लगाउने सुब्बाको दाबी छ ।

सम्बन्धित समाचार

कक्षा १२ सम्म निशुल्क शिक्षा प्रदान गर्ने मेरो पहिलो प्राथमिकता –लक्ष्मी प्रसाद चेम्जोङ

लक्ष्मी प्रसाद चेम्जोङ बि.सं. २०४९ र २०५४ मा शिवसताक्षी नगरपालिका वडा १ को अध्यक्ष पदमा २ पटक निर्वाचित भए , २६ वर्षको कलिलो उमेरमा । लगातार २ कार्यकाल नेतृत्व गरेका उनले यसपटक पुन वडाध्यक्षको उमेरद्धारी...

अघिल्लो कार्यकालका जनप्रतिनिधिले सम्भव हुने काम पनि गर्न सकेन् – दुर्गा नेम्बाङ

समदर्शी सञ्चार अनलाईन खबरमा तपाईलाई स्वागत छ । नमस्कार, समदर्शी सञ्चार अनलाईनका सम्पूर्ण पाठकहरुमा म दुर्गा नेम्बाङको तर्फबाट अभिवादन व्यक्त गर्दछु । तपाई राजनीतिमा सक्रिय हुनुभएको कति भयो ? राजनीतिमा क्रियाशील भएको त्यस्तै ७ वर्ष...

सेन्छेलुङ माङ सामग्री स्टोर संचालनमा

दमक १, झापा फाल्गुनन्द चोक नजिकै सेन्छेलुङ माङ सामग्री स्टोर संचालनमा आएको छ । किरात धर्म संस्कार अन्तर्गत सेवा पुजा गर्दा आवश्यक पर्ने सबैखाले सामग्रीहरु उपलब्ध गराउँने उदेश्यले गत बैशाख ५ गते देखि सेन्छेलुङ माङ...

निष्पक्ष र शान्तिपूर्ण निर्वाचनका लागि आचारसंहिता कार्यान्वयनमा जोड

बिर्तामोड, बैशाख ५। शान्तिपूर्ण, निष्पक्ष र उत्साहजनक सहभागितामा निर्वाचन सम्पन्न गर्न मतदाता शिक्षा र आचारसंहिताको कार्यान्वयन प्रभावकारी हुनुपर्नेमा सोमबार बिर्तामोडमा आयोजित एक कार्यक्रमका सहभागीले जोड दिएका छन् । नेपाल पत्रकार महासंघ झापा शाखा र संवाद...

हाम्रो बारेमा

समाजलाई समृद्ध बनाउने, हाम्रो प्रयास भन्ने नारालाई आत्मसात गर्दै २०७२ असार ६ गते जिल्ला प्रशासन कार्यालय झापाको दर्ता नं १३५ मा समदर्शी सन्चार मासिक पत्रीका दर्ता गरि सुरुवात भएको हाम्रो यात्रालाइ आज अनलाइन संस्करण सम्म आइ पुगेको छ। आगामी दिनहरुमा यहि समदर्शी सन्चार मासिककै प्रस्तुतिमा समदर्शी टि. भि युटुव च्यानल संचालन गरि शिक्षा, स्वास्थ्य , कृषि , आर्थिक, संस्कृति र मनोरञ्जनका सामग्रीहरु प्रकाशन /प्रशारण गर्दै उदेश्य प्राप्तिका लागि हामी निरन्तर लागि रहने प्रण गर्दछौं।