बिहिबार, १५ चैत, २०८० 

रेशम चौधरीलाई रिहाइ गर्न सरकारसँग जसपाको माग

काठमाठाैं। जनता समाजवादी पार्टीका अध्यक्ष द्वय उपेन्द्र यादव र महन्थ ठाकुरले सांसद रेशम चौधरीसहितका नेता तथा कार्यकर्ताहरुलार्ई लगाइएको मुद्दा खारेज गरी रिहाइ गर्न माग गरेका छन् ।

अध्यक्ष द्वय यादव र ठाकुरले आज संयुक्त प्रेस विज्ञप्ती जारी गरी जनता समाजवादीका सांसद चौधरीसहितका थारु नेता कार्यकर्ताहरुलाई रिहाइ गर्न माग गरेका हुन् ।

प्रतिनिधिसभाको निर्वाचनमा कैलाली क्षेत्र नं १ बाट अत्यधिक मत पाएर विजयी भएका चौधरीलाई सरकारले २०७२ भदौ ७ गतेको टीकापुर घटनाको मुख्य दोषी मानेर मुद्दा चलाएर अदालतबाट फैसला अनुसार जेलमा राखिरहेको छ ।

थरुहट आन्दोलनको क्रममा कैलालीको टीकापुरमा एक बालकसहित ८ जना प्रहरीको ज्यान गएको थियो । जसमा नेपाल प्रहरीका एसएसपी लक्ष्मण न्यौपानेको समेत मृत्यु भएको थियो ।

अध्यक्ष यादव र ठाकुरले जनआन्दोलन, सशस्त्र विद्रोह, मधेस आन्दोलन र थरुहट आन्दोलनकै कारण राजनीतिक परिवर्तन भई मुलुकमा संघीय लोकतान्त्रिक गणतन्त्र स्थापना भएको उल्लेख गरेका छन् ।

तर अहिले पनि मधेस तथा थरुहट आन्दोलनमा सहभागी भएका कतिपय नेता कार्यकर्ताहरुलाई सरकारले मुद्दा चलाउने, उनीहरुको सम्पति रोक्का गर्ने र उनीहरुलाई थुनामा राख्ने काम जारी राखेको विज्ञप्तीमा उल्लेख छ ।

रेशम चौधरी लगायतलाई रिहाइ गर्नका लागि यसअघि पनि आदिवासी तथा थारु आन्दोलनका अगुवाहरुले पटकपटक सरकारसँग माग गरेका थिए ।

सम्बन्धित समाचार

जेष्ठ २१ गते झापामा साकेला सिली भव्यताका साथ समापन हुने

दमक, जेष्ठ । किरात राई यायोक्खा झापाको आयोजनामा जेष्ठ २१ गते शनिबार साकेला सिली समापन समारोह कार्यक्रम भव्यताका साथ सम्पन्न हुने भएको छ । किराया झापाले शुक्रबार साकेला थान व्यवस्थापन समिति र स्थानीय अगुवाहरुसँग बैठक...

कक्षा १२ सम्म निशुल्क शिक्षा प्रदान गर्ने मेरो पहिलो प्राथमिकता –लक्ष्मी प्रसाद चेम्जोङ

लक्ष्मी प्रसाद चेम्जोङ बि.सं. २०४९ र २०५४ मा शिवसताक्षी नगरपालिका वडा १ को अध्यक्ष पदमा २ पटक निर्वाचित भए , २६ वर्षको कलिलो उमेरमा । लगातार २ कार्यकाल नेतृत्व गरेका उनले यसपटक पुन वडाध्यक्षको उमेरद्धारी...

अघिल्लो कार्यकालका जनप्रतिनिधिले सम्भव हुने काम पनि गर्न सकेन् – दुर्गा नेम्बाङ

समदर्शी सञ्चार अनलाईन खबरमा तपाईलाई स्वागत छ । नमस्कार, समदर्शी सञ्चार अनलाईनका सम्पूर्ण पाठकहरुमा म दुर्गा नेम्बाङको तर्फबाट अभिवादन व्यक्त गर्दछु । तपाई राजनीतिमा सक्रिय हुनुभएको कति भयो ? राजनीतिमा क्रियाशील भएको त्यस्तै ७ वर्ष...

सेन्छेलुङ माङ सामग्री स्टोर संचालनमा

दमक १, झापा फाल्गुनन्द चोक नजिकै सेन्छेलुङ माङ सामग्री स्टोर संचालनमा आएको छ । किरात धर्म संस्कार अन्तर्गत सेवा पुजा गर्दा आवश्यक पर्ने सबैखाले सामग्रीहरु उपलब्ध गराउँने उदेश्यले गत बैशाख ५ गते देखि सेन्छेलुङ माङ...

हाम्रो बारेमा

समाजलाई समृद्ध बनाउने, हाम्रो प्रयास भन्ने नारालाई आत्मसात गर्दै २०७२ असार ६ गते जिल्ला प्रशासन कार्यालय झापाको दर्ता नं १३५ मा समदर्शी सन्चार मासिक पत्रीका दर्ता गरि सुरुवात भएको हाम्रो यात्रालाइ आज अनलाइन संस्करण सम्म आइ पुगेको छ। आगामी दिनहरुमा यहि समदर्शी सन्चार मासिककै प्रस्तुतिमा समदर्शी टि. भि युटुव च्यानल संचालन गरि शिक्षा, स्वास्थ्य , कृषि , आर्थिक, संस्कृति र मनोरञ्जनका सामग्रीहरु प्रकाशन /प्रशारण गर्दै उदेश्य प्राप्तिका लागि हामी निरन्तर लागि रहने प्रण गर्दछौं।