मङ्गलबार, १३ मंसिर, २०७९ 

पोक्लाबाङ् यक माङगेन्ना लुङधुङको सचिवालय बैठक सम्पन्न

तेह्रथुम। फेदाप पोक्लाबाङर फेदाप स्थित ऐतिहासिक पोक्लाबाङ यक (गढी) लगायत फेदापका अन्य ऐतिहासिक सांस्कृतिक, मुन्धुमी महत्त्व बोकेका स्थल तथा सांस्कृतिक सम्पदाहरुको संरक्षण र संम्वर्दन गर्ने उदेस्यले गत भाद्र ६ गते अनलाइन जिट्सी जुम भेला बाट गठित पोक्लाबाङ यक माङगेन्ना लुङधुङको आज मिति २०७७ भाद्र २१ गते पोक्लाबाङको फेदाप स्पोर्टिङ क्लबको हलमा सचिवालय बैठक सम्पन्न भएको छ । आदिवासी लिम्बुहरुको ऐतिहासिक तथा मुन्धुमी यक एवं भुमिहरु राज्य पक्षबाट लगातार अतिक्रमण हुन थालेपछि किरात याक्थुङ चुम्लुङ सम्बद्ध याक्थुङ बुद्धिजीवीहरुको सक्रियतामा उक्त समिति गठन भएको हो । पोक्लाबाङ माङगेन्ना यक मान्ने १८ थरी लिम्बुजातिका थरगत सयङ र संङ्जुम संस्थाहरुबाट २ र २ जना महिला र पुरुष गरि ३६ जनाको मुल कार्य समिती रहेकोमा ९ सदस्य सचिवालय समिति गठन भएको छ । उक्त माङ्गेन्ना लुङधुङलाई सावा येत्हाङ पोक्लावाङ चुम्लुङले नियमन गर्नेछ । पोक्लाबाङ् यक माङ्गेन्ना लुङधुङ समिति संयोजक राम बहादुर कुरुम्बाङको अध्यक्षतामा सम्पन्न सचिवालय बैठकले विभिन्न बिषयहरुमा निर्णयहरु समेत गरेको छ ।

निर्णयहरुः-
-पोक्लाबाङ यक माङगेन्ना लुङधुङ तदर्थ कार्यसमिति गठन गर्नु पूर्व यस माङ्गेन्ना लुङ्धुङ संरक्षण समितिलाइ मार्गनिर्दिष्ठ गर्न र माङ्गेन्ना यक बारे विज्ञहरुले तयार गरेको आधारभुत अवधारणा पत्र सचिवालयलाइ बाचन गरेर प्रस्तुत गरियो ।

-संस्थाको कार्यालय फेदाप पोक्लाबाङ बजारमा कोठा खोजी कार्यालको बोर्ड समेत निर्माण गरि आजको मितिले २० दिन भित्र स्थापना गरिसक्ने निर्णय गरियो ।

-संस्था दर्ता गर्न अध्यक्ष राम कुरुम्बाङको संयोजकत्वमा सदस्यहरु टेक ब खापुङ, सेसेहाङ हुक्पाचोङबाङ, रामकुमारी लिम्बु, हर्क पयाङगु गरि ५ सदस्यीय बिधान निर्माण समिति गठन गरियो ।

-संस्था संचालन गर्न आर्थिक आवश्यक पर्ने हुनाले आर्थिक स्रोतहरुको पहिचान गरी आर्थिक संकलन गर्न कोषाध्यक्ष राजकुमारी लिम्बुको संयोजकत्वमा सबै सचिवालय सदस्यहरु सदस्य रहने गरि आर्थिक संकलन समिति गठन गर्ने निर्णय गरियो ।

-पोक्लाबाङ बजार र पोक्लाबाङ यक संरक्षण गर्ने उदेश्यले स्थापित पोक्लाबाङ स्थित विभिन्न संघसंस्था र समुहहरु संग सहयोग, सहकार्य र भाइचारा सम्बन्ध कायम गर्न पोक्लाबाङ यक माङगेन्ना लुङधुङले उक्त संस्थाहरुलाई आधिकारिक पत्राचार गर्ने निर्णय लगायत विभिन्न बिषयहरुमा महत्वपूर्ण छलफल तथा निर्णयहरु भएका छन ।

सम्बन्धित समाचार

जेष्ठ २१ गते झापामा साकेला सिली भव्यताका साथ समापन हुने

दमक, जेष्ठ । किरात राई यायोक्खा झापाको आयोजनामा जेष्ठ २१ गते शनिबार साकेला सिली समापन समारोह कार्यक्रम भव्यताका साथ सम्पन्न हुने भएको छ । किराया झापाले शुक्रबार साकेला थान व्यवस्थापन समिति र स्थानीय अगुवाहरुसँग बैठक...

कक्षा १२ सम्म निशुल्क शिक्षा प्रदान गर्ने मेरो पहिलो प्राथमिकता –लक्ष्मी प्रसाद चेम्जोङ

लक्ष्मी प्रसाद चेम्जोङ बि.सं. २०४९ र २०५४ मा शिवसताक्षी नगरपालिका वडा १ को अध्यक्ष पदमा २ पटक निर्वाचित भए , २६ वर्षको कलिलो उमेरमा । लगातार २ कार्यकाल नेतृत्व गरेका उनले यसपटक पुन वडाध्यक्षको उमेरद्धारी...

अघिल्लो कार्यकालका जनप्रतिनिधिले सम्भव हुने काम पनि गर्न सकेन् – दुर्गा नेम्बाङ

समदर्शी सञ्चार अनलाईन खबरमा तपाईलाई स्वागत छ । नमस्कार, समदर्शी सञ्चार अनलाईनका सम्पूर्ण पाठकहरुमा म दुर्गा नेम्बाङको तर्फबाट अभिवादन व्यक्त गर्दछु । तपाई राजनीतिमा सक्रिय हुनुभएको कति भयो ? राजनीतिमा क्रियाशील भएको त्यस्तै ७ वर्ष...

सेन्छेलुङ माङ सामग्री स्टोर संचालनमा

दमक १, झापा फाल्गुनन्द चोक नजिकै सेन्छेलुङ माङ सामग्री स्टोर संचालनमा आएको छ । किरात धर्म संस्कार अन्तर्गत सेवा पुजा गर्दा आवश्यक पर्ने सबैखाले सामग्रीहरु उपलब्ध गराउँने उदेश्यले गत बैशाख ५ गते देखि सेन्छेलुङ माङ...

हाम्रो बारेमा

समाजलाई समृद्ध बनाउने, हाम्रो प्रयास भन्ने नारालाई आत्मसात गर्दै २०७२ असार ६ गते जिल्ला प्रशासन कार्यालय झापाको दर्ता नं १३५ मा समदर्शी सन्चार मासिक पत्रीका दर्ता गरि सुरुवात भएको हाम्रो यात्रालाइ आज अनलाइन संस्करण सम्म आइ पुगेको छ। आगामी दिनहरुमा यहि समदर्शी सन्चार मासिककै प्रस्तुतिमा समदर्शी टि. भि युटुव च्यानल संचालन गरि शिक्षा, स्वास्थ्य , कृषि , आर्थिक, संस्कृति र मनोरञ्जनका सामग्रीहरु प्रकाशन /प्रशारण गर्दै उदेश्य प्राप्तिका लागि हामी निरन्तर लागि रहने प्रण गर्दछौं।