शनिबार, १७ मंसिर, २०७९ 

सरकारको अपरिपक्क र गैरजिम्मेवार व्यवहारले झडप : महासंघ

काठमाडाैं। नेपाल आदिवासी जनजाति महासंघले सरकारको अपरिपक्त र गैरजिम्मेवार व्यवहारका कारण रातो मत्स्येन्द्रनाथ जात्रामा झडप भएको बताएको छ ।

बिहीबार ललितपुरको पुल्चोकमा स्थानीय नेवार समुदायले जात्रा सञ्चालनलाई निरन्तरता दिने प्रयास अनुरुप मत्स्येन्द्रनाथको रथ तान्ने क्रममा प्रहरी प्रशासनबाट बल प्रयोग गरिएपछि प्रहरी र स्थानीयबिच झडप भएको थियो ।

महासंघका अध्यक्ष जगत बरामले बिहीबार राति एक विज्ञप्ति जारी गरी वर्षौदेखि चलिआएको जात्रा सञ्चालनबारे सरकारले समयमै निकास नदिएको र जात्रा सञ्चालन गर्न खोज्दा पुजारी, भक्तजन, संस्कृति तथा सम्पदाप्रेमी र स्थानीय नेवार समुदायमाथि अनावश्यक दमन गरेको बताएका छन् ।

कोभिड–१९को महामारी भए पनि सुरक्षाका उपाय अपनाउँदै जात्रा सञ्चालनका लागि पुजारी, गुठियार, भक्तजन र संस्कृतिप्रेमीहरुले पटक पटक स्थानीय सरकार, स्थानीय प्रशासन, संघीय सरकार र राष्ट्रप्रमुखहरुलाई व्यवस्था मिलाइदिन आग्रह गर्दा पनि सरकारले समयमै ठोस निकास नदिदा झडपको स्थिति पैदा भएको महासंघले जनाएको छ ।

महासंघले स्थिति झन् खराब हुन सक्ने भन्दै तत्काल सरोकारवाला पक्षहरुसँग छलफल गरी निकास दिन सरकारसँग आग्रह गरेको छ भने झडपको क्रममा पक्राउ परेकाहरुलाई विनासर्त रिहाई गर्न माग गरेको छ ।

बिहीबार पुल्चोकमा झडप हुँदा आक्रोशित भिडले एकजना ट्राफिक प्रहरीमाथि निर्मम कुटपिट गरेको थियो । उक्त घटनाको भिडियो हेर्नेहरुले सामाजिक सञ्जालमा आलोचना गरिरहेका छन् ।

पुल्चोकमा प्रहरीले भिड हटाउनका लागि पानीको फोहोरा, लाठीचार्ज, अश्रुग्यास प्रहार गरेको थियो भने जात्रा पक्षधरहरुले प्रहरीको गाडीमाथि तोडफोड र ढुंगामुढा गरेका थिए ।

 

सम्बन्धित समाचार

जेष्ठ २१ गते झापामा साकेला सिली भव्यताका साथ समापन हुने

दमक, जेष्ठ । किरात राई यायोक्खा झापाको आयोजनामा जेष्ठ २१ गते शनिबार साकेला सिली समापन समारोह कार्यक्रम भव्यताका साथ सम्पन्न हुने भएको छ । किराया झापाले शुक्रबार साकेला थान व्यवस्थापन समिति र स्थानीय अगुवाहरुसँग बैठक...

कक्षा १२ सम्म निशुल्क शिक्षा प्रदान गर्ने मेरो पहिलो प्राथमिकता –लक्ष्मी प्रसाद चेम्जोङ

लक्ष्मी प्रसाद चेम्जोङ बि.सं. २०४९ र २०५४ मा शिवसताक्षी नगरपालिका वडा १ को अध्यक्ष पदमा २ पटक निर्वाचित भए , २६ वर्षको कलिलो उमेरमा । लगातार २ कार्यकाल नेतृत्व गरेका उनले यसपटक पुन वडाध्यक्षको उमेरद्धारी...

अघिल्लो कार्यकालका जनप्रतिनिधिले सम्भव हुने काम पनि गर्न सकेन् – दुर्गा नेम्बाङ

समदर्शी सञ्चार अनलाईन खबरमा तपाईलाई स्वागत छ । नमस्कार, समदर्शी सञ्चार अनलाईनका सम्पूर्ण पाठकहरुमा म दुर्गा नेम्बाङको तर्फबाट अभिवादन व्यक्त गर्दछु । तपाई राजनीतिमा सक्रिय हुनुभएको कति भयो ? राजनीतिमा क्रियाशील भएको त्यस्तै ७ वर्ष...

सेन्छेलुङ माङ सामग्री स्टोर संचालनमा

दमक १, झापा फाल्गुनन्द चोक नजिकै सेन्छेलुङ माङ सामग्री स्टोर संचालनमा आएको छ । किरात धर्म संस्कार अन्तर्गत सेवा पुजा गर्दा आवश्यक पर्ने सबैखाले सामग्रीहरु उपलब्ध गराउँने उदेश्यले गत बैशाख ५ गते देखि सेन्छेलुङ माङ...

हाम्रो बारेमा

समाजलाई समृद्ध बनाउने, हाम्रो प्रयास भन्ने नारालाई आत्मसात गर्दै २०७२ असार ६ गते जिल्ला प्रशासन कार्यालय झापाको दर्ता नं १३५ मा समदर्शी सन्चार मासिक पत्रीका दर्ता गरि सुरुवात भएको हाम्रो यात्रालाइ आज अनलाइन संस्करण सम्म आइ पुगेको छ। आगामी दिनहरुमा यहि समदर्शी सन्चार मासिककै प्रस्तुतिमा समदर्शी टि. भि युटुव च्यानल संचालन गरि शिक्षा, स्वास्थ्य , कृषि , आर्थिक, संस्कृति र मनोरञ्जनका सामग्रीहरु प्रकाशन /प्रशारण गर्दै उदेश्य प्राप्तिका लागि हामी निरन्तर लागि रहने प्रण गर्दछौं।