सोमबार, ०३ माघ, २०७८ 

सहारा नेपालको नेतृत्व चयन ,अध्यक्षमा पुनः गिरी

       अध्यक्षाः भरतकुमार गिरी

 

चारपाने ,१५ भदौ । सामाजिक रुपान्तरण र विकासका लागि मुलुकमै ख्याति कमाएको गैरसरकारी संस्था १ नं. प्रदेशकाे गहना सहारा नेपालको नेतृत्व चयन भएको छ ।

२३औं बार्षिक साधारणसभा तथा १०औं अधिवेशनबाट आगामी तीन बर्षे कार्यकालका लागि पुनः भरतकुमार गिरी संस्थाको अध्यक्षमा सर्वसम्मत चयन भएका छन् । संस्थाको स्थापनाकालदेखि सक्रिय गिरी लगातार चौथो कार्यकालका लागि अध्यक्षमा चयन भएका हुन् । संस्थाको उपाध्यक्षमा सोमनाथ तिम्सिना चयन भएका छन् भने सचिवमा महेन्द्रकुमार गिरी चयन भएका छन् । गिरी संस्थाको प्रमुख कार्यकारी निर्देशक समेत हुन् ।

त्यस्तै सहसचिवमा लालबहादुर गिरी र कोषाध्यक्षमा श्यामकुमार प्रधान चयन भएका छन् । संस्थाको कार्यसमिति सदस्यहरुमा फणिन्द्र भण्डारी, प्रेमप्रसाद उप्रेती, पुनम बोहोरा सुवेदी, वेनुराज सुवेदी, हेमराज गिरी र कमला थपलिया चयन भएका छन् ।त्यस्तै अनुगमन समिति संयोजकमा दुर्गा भण्डारी, सूचना सञ्चार संयोजकमा लेखनाथ खनाल, लेखा संयोजक कृष्णकुमार गिरी तथा सदस्यहरुमा युवराज निरौला र नरबहादुर गिरी चयन भएका छन् । नेतृत्व चयन केही अघि नै सम्पन्न भए पनि सोमवार भौतिक दुरी तथा आवश्यक स्वास्थ्य मापदण्ड पालना गर्दै नेतृत्वको पद हस्तान्तरण तथा शपथ ग्रहण सम्पन्न भएको छ ।

पञ्चकन्यास्थित हिमाल सागर पार्टी प्यालेसमा भएको कार्यक्रमकाबीच संस्थाका संरक्षक डिल्ली सिटौलाले शपथ ग्रहण गराएका थिए ।

सम्बन्धित समाचार

द भोईस अफ किड्समा ‘नुमा राई’ जिताउन अभियान समिति गठन

द भोईस अफ किड्स नेपालको भोटिङ राउण्डमा पुगेकी माङ्सेबुङ गाउँपालिका ६ की नुमा राईलाई जिताउन ‘नुमा राई जिताउऔँ अभियान समिती’ गठन गरिएको छ । माङ्सेबुङ गाउँपालिकाका अगुवा तथा जनप्रतिनीको सल्लाकार समिती सहित धनजित रुङ्माङ राईको...

फाल्गुनन्द साकोस बिर्तामोड सेवाकेन्द्रका लागि उपसमिति गठन

फाल्गुनन्द साकोस दमकले विर्तामोड सेवा केन्द्रको दोस्रो कार्यकालका लागि सोमबार उपसमिति पूर्नगठन गरेको छ । दमक ६, लिङदेन मार्गमा प्रधान कार्यालय रहेको फाल्गुनन्द बचत तथा ऋण सहकारी संस्थाको बिर्तामोड सेवाकेन्द्रका लागि बिमला फुयाँलको सह–संयोजकत्वमा उपसमिति...

निरन साम्पाङको निर्देशनमा हामीले देख्ने घाम जुन सार्वजनिक

गीतकार शिरेन बान्तवाको शब्द रचना, पारस मुकारुङको संगीत र राजेश पायल राईको आवाजमा रहेको गीतको म्युजिक भिडियो हामीले देख्ने घामजुन सार्वजनिक भएको हो । लघु चलचित्र लेखन तथा निर्देशन गर्दै आएका निरन साम्पाङले दोस्रो म्यूजिक...

जसपाले आचार्यविरुद्ध मतदान गर्ने

  बिराटनगर, १५ कार्तिक । जनता समाजवादी पार्टी, नेपाल (जसपा) प्रदेश १ प्रदेश सभा संसदीय दलको बैठकले मुख्यमन्त्री भीम आचार्यका विरुद्ध मतदान गर्ने निर्णय गरेको छ । जसपा प्रदेश १ संसदीय दलका नेता जयराम यादवले...

हाम्रो बारेमा

समाजलाई समृद्ध बनाउने, हाम्रो प्रयास भन्ने नारालाई आत्मसात गर्दै २०७२ असार ६ गते जिल्ला प्रशासन कार्यालय झापाको दर्ता नं १३५ मा समदर्शी सन्चार मासिक पत्रीका दर्ता गरि सुरुवात भएको हाम्रो यात्रालाइ आज अनलाइन संस्करण सम्म आइ पुगेको छ। आगामी दिनहरुमा यहि समदर्शी सन्चार मासिककै प्रस्तुतिमा समदर्शी टि. भि युटुव च्यानल संचालन गरि शिक्षा, स्वास्थ्य , कृषि , आर्थिक, संस्कृति र मनोरञ्जनका सामग्रीहरु प्रकाशन /प्रशारण गर्दै उदेश्य प्राप्तिका लागि हामी निरन्तर लागि रहने प्रण गर्दछौं।