नेकपा एमालेका अध्यक्ष एवंं प्रमुख प्रतिपक्षी दलका नेता केपी शर्मा ओलीले नाँचेको भिडियो हिजो मात्रै नेकपा एमाले विभाजन गराएर नयाँ पार्टी नेकपा एकिकृत समाजवदीका अध्यक्ष बनेका माधव कुमार नेपाले पनि हेरेका छन् ।

हिजो केपी ओलीले श्रीमती राधिका शाक्यको जन्मदीनमा मत भाग्यमानी बोलको गीतमा छमछमी नाँचेका थिए । आज माधव कुमार नेपालले केपी ओली नाचेको विषयमा सार्वजनिक टिप्पणी गरेका छन् । संयोगले केपी ओली नाँच्नु र एमाले विभाजन हुन एकै दिन परेका थियो ।

केपी ओलीको नाचगान बारे टिप्पणी गर्दै समाजवादीका अध्यक्ष माधव नेपाले केपी ओलीले एमाले विभाजन गरेको खुशियालीमा नाँचगान गरेर रमाइलो गरेको आरोप लगाएका छन् । पार्टी फुटे पछि पहिलो पटक आयोजित पत्रकार सम्मेलनमा अध्यक्ष नेपालले ओली माथी यस्तो आरोप लगाएका हुन् ।

नेपालले नेकपा फुट्दा केपी शर्मा ओलीले भोज गरेर खुशियाली गरेको टिप्पणी गरेका छन् । पार्टी दर्ता भएपछि पहिलोपटक सम्बोधन गर्दै उनले ओलीमाथि दुईपटक पार्टी फुटाउन भूमिका खेलेको आरोप समेत लगाए ।

‘केपी ओलीले पार्टी फुट्दा भोज गरेर खुशीयाली मनाए,’ माधव नेपालले भने । उनले ओलीले पार्टीलाई तहसनहस पारेको आरोप समेत लगाए ।दुईपटक प्रतिनिधि सभा विघटन र पार्टी फुटाउने किर्तिमान कायम गरेको आरोप समेत ओलीमाथि लगाए । उनले ओलीलाई अहंकारको घोडामा सवार भने ।

नेपालले ओलीलाई प्रतिगमनकारी भने । ओलीले कम्युनिस्ट सिद्धान्त छाडिसकेको टिप्पणी समेत गरे । ओली दक्षिणपन्थी अवसरवादको भाँसमा फसेको उनको आरोप थियो ।