सोमबार, २० असार, २०७९ 

कक्षा १२ को परीक्षा तत्काल सञ्चालन गर्न सरकारलाई सुझाव! विद्यार्थीसँग छलफल गरेर मात्रै पढाइको शुल्क लिन अनुरोध

संसद्को शिक्षा तथा स्वास्थ्य समितिले कक्षा १२ को परीक्षा तत्काल सञ्चालन गर्न सरकारलाई सुझाव दिएको छ । हिजो बसेको समितिको बैठकमा समिति सभापति जयपुरी घर्तीले कक्षा १२ को परीक्षा छिटो गर्न अनुरोध गरेकी हुन् ।

बैठकमा सभापति घर्तीले कक्षा १२ को परीक्षा स्थगित गर्नुलाई समितिले अस्वभाविक रुपमा लिएको बताईन् । ‘कक्षा १२ को परीक्षा पटक पटक स्थगित हुनुलाई अस्भाविक रुपमा लिएका छौं । उनले भनिन्, बिना बिकल्प दोस्रो पटक परीक्षा स्थगित गरियो । अब छिटो परीक्षा गरेर विद्यार्थीलाई निकास दिन अनुरोध गर्छु ।’

बैठकमा राष्ट्रिय परीक्षा बोर्डका अध्यक्ष प्राडा चन्द्रमणि पौडेलले परीक्षा स्थगित गर्नेबारे बोर्डलाई नसोधिएको बताए । उनले बैठकमा प्रतिप्रश्न गर्दै ‘कुन भेरियन्टले कक्षा १२ को परीक्षा रोकियो’ भन्ने प्रश्न गरे । अध्यक्ष पौडेलले परीक्षा रोक्न नहुने पक्षमा आफू भएको बताएका थिए ।

शिक्षा मन्त्रालयका प्रवक्ता दिपक शर्माले अवस्था अनुकुल सकिन्छ भने एकै चोटी र सकिँदैन भने दुई चरणमा परीक्षा गराउन सकिने बताए । जसरी भएपनि छिटो निकास दिनुपर्ने उनको जोड थियो ।

कक्षा १२ को परीक्षा र इन्जिनियरिङ कलेज शुल्कको विषयमा बसेको बैठकमा इन्जिनियरिङ कलेजको शुल्कको विषयमा इन्जिनियरिङ अध्ययन संस्थानका डिन शशीधरराम जोशीले सम्बन्धित कलेजहरुलाई शुल्क ब्रेक डाउन गर्न सुझाव दिएको जानकारी दिए । उनले भने ‘अहिले कलेजहरुले एकमुष्ट शुल्क लिईरहेको छन् । शुल्क कुन शीर्षकमा कत्ति हो भन्ने बनाएर विद्यार्थीसँग छलफल गर्न सुझाव दिएको छु ।’

समिति सभापति घर्तीले इन्जिनियरिङ कलेजहरुलाई अतिरिक्त शुल्क विदाई, स्वागत, भ्रमण, खेलकुद जस्ता अतिरिक्त शीर्षकको शुल्क नलिन मन्त्रालय, त्रिवि र संस्थानले निर्देशन दिन अनुरोध गरिन् ।

सम्बन्धित समाचार

जेष्ठ २१ गते झापामा साकेला सिली भव्यताका साथ समापन हुने

दमक, जेष्ठ । किरात राई यायोक्खा झापाको आयोजनामा जेष्ठ २१ गते शनिबार साकेला सिली समापन समारोह कार्यक्रम भव्यताका साथ सम्पन्न हुने भएको छ । किराया झापाले शुक्रबार साकेला थान व्यवस्थापन समिति र स्थानीय अगुवाहरुसँग बैठक...

कक्षा १२ सम्म निशुल्क शिक्षा प्रदान गर्ने मेरो पहिलो प्राथमिकता –लक्ष्मी प्रसाद चेम्जोङ

लक्ष्मी प्रसाद चेम्जोङ बि.सं. २०४९ र २०५४ मा शिवसताक्षी नगरपालिका वडा १ को अध्यक्ष पदमा २ पटक निर्वाचित भए , २६ वर्षको कलिलो उमेरमा । लगातार २ कार्यकाल नेतृत्व गरेका उनले यसपटक पुन वडाध्यक्षको उमेरद्धारी...

अघिल्लो कार्यकालका जनप्रतिनिधिले सम्भव हुने काम पनि गर्न सकेन् – दुर्गा नेम्बाङ

समदर्शी सञ्चार अनलाईन खबरमा तपाईलाई स्वागत छ । नमस्कार, समदर्शी सञ्चार अनलाईनका सम्पूर्ण पाठकहरुमा म दुर्गा नेम्बाङको तर्फबाट अभिवादन व्यक्त गर्दछु । तपाई राजनीतिमा सक्रिय हुनुभएको कति भयो ? राजनीतिमा क्रियाशील भएको त्यस्तै ७ वर्ष...

सेन्छेलुङ माङ सामग्री स्टोर संचालनमा

दमक १, झापा फाल्गुनन्द चोक नजिकै सेन्छेलुङ माङ सामग्री स्टोर संचालनमा आएको छ । किरात धर्म संस्कार अन्तर्गत सेवा पुजा गर्दा आवश्यक पर्ने सबैखाले सामग्रीहरु उपलब्ध गराउँने उदेश्यले गत बैशाख ५ गते देखि सेन्छेलुङ माङ...

हाम्रो बारेमा

समाजलाई समृद्ध बनाउने, हाम्रो प्रयास भन्ने नारालाई आत्मसात गर्दै २०७२ असार ६ गते जिल्ला प्रशासन कार्यालय झापाको दर्ता नं १३५ मा समदर्शी सन्चार मासिक पत्रीका दर्ता गरि सुरुवात भएको हाम्रो यात्रालाइ आज अनलाइन संस्करण सम्म आइ पुगेको छ। आगामी दिनहरुमा यहि समदर्शी सन्चार मासिककै प्रस्तुतिमा समदर्शी टि. भि युटुव च्यानल संचालन गरि शिक्षा, स्वास्थ्य , कृषि , आर्थिक, संस्कृति र मनोरञ्जनका सामग्रीहरु प्रकाशन /प्रशारण गर्दै उदेश्य प्राप्तिका लागि हामी निरन्तर लागि रहने प्रण गर्दछौं।