मङ्गलबार, ०६ मंसिर, २०७९ 

‘अस्लिल भिडियोको पात्र म होइनँ’ –कलाकार रेखा लिम्बू

धरान । केहि महिनाअघिबाट सोसियल मिडियामा देखिएको एउटा अश्लील भिडियोमा कलाक्षेत्रमा सक्रिय रहेकी रेखा लिम्बूसँग जोडिएकोमा उनी नरहेको स्पष्ट पारेकी छिन् ।

उक्त भिडियोको पात्र आफू नरहेपछि ढुक्क रहँदारहँदै आफन्त, शुभचिन्तकहरूमा बाराम्बार फैलिएको र दिनहुँ आउने फोनकलहरूलाई स्पष्ट पार्न उनले एक वक्तव्य निकाल्दै आफू र परिवारलाई मानसिक तनाव नदिन आग्रह पनि गरेकी छिन् । भिडियोसंग नाम जोडेर नचाहिदो तरिकाले अनावश्यक प्रचार गरिएको दुखित तुल्याएको बताएकी छिन् ।

हुँदै नभएको कुरामा मलाई स्पष्टीकरण दिई राख्नुपर्ने आवश्यकता त थिएन तर पनि बारम्बार मलाई यहि कुरामा मेरो आफ्नो नाम जोडेर मानसिक तनाव दिने कार्य अहिलेसम्म पनि बन्द नभएको कारणले गर्दा मैले आफ्नो धारणा पेश गरेकी हुँ ।’ उनले वक्तव्यमा उल्लेख गरेकी छिन् । ‘खाएको विष पो लाग्छ तर मलाई खादै नखाएको विष जबर्जस्ती खुवाएर मेरो चरित्रहत्या गर्न खोजिदैछ ।’ आफन्तले ‘आफ्नै होला र त चुप लाग्यो’ भनिदिएकाले नै वक्तव्यमार्फत स्पष्टीकरण दिन आएको उल्लेख गरेकी हुन् ।

‘चिनिया, कोरियन, थाइल्याण्डका युवतीहरूसँग नेपाली मंगोलियन युवतीहरूको अनुहार मिल्ने भएकोले आफूजस्तै देखेकोहरूले अपवाह फैलाएका हुन् ।’ रेखाको स्पष्टीकरण थियो । चिनजानकै साथीभाईहरूले शुरुमा तिमीजस्तै भनेर देखाएको र होइन भनेर प्रष्ट पार्दा त्यसको केहीदिनपछि आफन्त तथा समुदायमा पुगेको पनि रेखाले जनाएकी छिन् । तसर्थ आफूजस्तै कुनै युवतीको भिडियो फेला पारेर नियोजित रूपमा आफूलाई बद्नाम गर्न लागिपरेको उनको भनाई छ ।

‘साइवर व्यूरोले अनर्गलरूपमा भिडियो सेयर गर्नेप्रति निगरानी राखिरहेका छ’– प्रहरी
भिडियोको पात्र आफू नभएपछि वास्तै नगर्दा पनि विभिन्न सोसियल साईटभित्रभित्रै रेखा लिम्बू हो भन्दै अनर्गल रूपमा प्रचार प्रसार गर्दै गरेको पाइएकोले यसको रोकथाम र यस्ता दुस्प्रचार गर्ने व्यक्तिलाई कडाभन्दा कडा कारवाही गर्न उले साइवरक्राइममा निवेदन पनि दिइएकेको उल्लेख गरेकी छिन् । साईबर व्युरोले आफ्नो काम तीब्र गतिमा गरिरहेको र ईलाका प्रहरी कार्यलय धरानले जनाएको छ ।

चलचित्रकर्मी महासंघको पनि अपिल
सामाजिक सञ्जालमा भिडियो फैलिने वित्तिकै नेपाल चलचित्रकर्मी महासंघ प्रदेश नं. १ ले गत असार २९ गते सचेतना वक्तव्य जारी गरेको थियो । नाम उल्लेख नगरी प्रदेश नं. १ की एक महिला कलाकारको नाम जोडेर अनर्गल भिडियो भाइरल बनाइएको प्रति ध्यानाकर्षण गराएको थियो ।

तर उक्त सामाग्री सेयर हुन बन्द नभएपछि नामै तोकेर विज्ञप्ति जारी गरेको छ । विज्ञप्तिमा उल्लेख छ –‘केहि समय अगाडी भाईरल भएको अश्लील भिडियोमा नायिका तथा मोडल रेखा लिम्बुको नाम जोडिएर सोसियल मिडियामा प्रचार प्रसार गरिएको कुरा प्रती हामी प्रदेश न १ का चलचित्रकर्मीहरू को गम्भीर ध्यान आकर्षण भएको छ । यो बिषयमा हामीले मिति असार २९ गते नै आफ्नो धारणा सहितको बिज्ञप्ति निकाली सकेका छौ । उक्त अश्लील भिडियोमा देखिएको ब्यक्ति रेखा लिम्बू नभएको कुरा हामी पुन स्पष्ट पार्न चाहन्छौ ।’

यस विषयमा ईलाका प्रहरी कार्यलय धरानमा साईबर कानुन अन्तरगत साउन २ गते नै उजुरी पनि गरिसकेको विज्ञप्तिमा उल्लेख छ । सोसियल मिडियाको दुरूपयोग गर्दै यसप्रकारले कसैको पनि चरित्रहत्या गर्नेहरू विरुद्ध सम्पूर्ण प्रदेश नं. १ का चलचित्रकर्मीहरू एकबद्ध भएर लाग्ने जानकारी पनि गराएको छ ।

कोभिड –१९ को कारण भच्र्युअल वैठकमा सरसल्लाह गरेर विज्ञप्ति निकालिएको पनि जनाएको छ । चलचित्रकर्मी महासंघ, प्रदेश नं. १ का अध्यक्ष अरुण कुमार प्रधान, वरिष्ठ कलाकार प्रेम सुब्बा, किशोर सम्बाहाम्फे, थारु चलचित्र तथा संस्कृतिक संघका अध्यक्ष परशुराम चौधरी लगायत मोरङ, सुनसरीका अध्यक्ष, चलचित्र कलाकार संघका अध्यक्ष आदिको सहभागितामा विज्ञप्ति निकालिएको छ । (नयाँअनलाइनबाट)

सम्बन्धित समाचार

जेष्ठ २१ गते झापामा साकेला सिली भव्यताका साथ समापन हुने

दमक, जेष्ठ । किरात राई यायोक्खा झापाको आयोजनामा जेष्ठ २१ गते शनिबार साकेला सिली समापन समारोह कार्यक्रम भव्यताका साथ सम्पन्न हुने भएको छ । किराया झापाले शुक्रबार साकेला थान व्यवस्थापन समिति र स्थानीय अगुवाहरुसँग बैठक...

कक्षा १२ सम्म निशुल्क शिक्षा प्रदान गर्ने मेरो पहिलो प्राथमिकता –लक्ष्मी प्रसाद चेम्जोङ

लक्ष्मी प्रसाद चेम्जोङ बि.सं. २०४९ र २०५४ मा शिवसताक्षी नगरपालिका वडा १ को अध्यक्ष पदमा २ पटक निर्वाचित भए , २६ वर्षको कलिलो उमेरमा । लगातार २ कार्यकाल नेतृत्व गरेका उनले यसपटक पुन वडाध्यक्षको उमेरद्धारी...

अघिल्लो कार्यकालका जनप्रतिनिधिले सम्भव हुने काम पनि गर्न सकेन् – दुर्गा नेम्बाङ

समदर्शी सञ्चार अनलाईन खबरमा तपाईलाई स्वागत छ । नमस्कार, समदर्शी सञ्चार अनलाईनका सम्पूर्ण पाठकहरुमा म दुर्गा नेम्बाङको तर्फबाट अभिवादन व्यक्त गर्दछु । तपाई राजनीतिमा सक्रिय हुनुभएको कति भयो ? राजनीतिमा क्रियाशील भएको त्यस्तै ७ वर्ष...

सेन्छेलुङ माङ सामग्री स्टोर संचालनमा

दमक १, झापा फाल्गुनन्द चोक नजिकै सेन्छेलुङ माङ सामग्री स्टोर संचालनमा आएको छ । किरात धर्म संस्कार अन्तर्गत सेवा पुजा गर्दा आवश्यक पर्ने सबैखाले सामग्रीहरु उपलब्ध गराउँने उदेश्यले गत बैशाख ५ गते देखि सेन्छेलुङ माङ...

हाम्रो बारेमा

समाजलाई समृद्ध बनाउने, हाम्रो प्रयास भन्ने नारालाई आत्मसात गर्दै २०७२ असार ६ गते जिल्ला प्रशासन कार्यालय झापाको दर्ता नं १३५ मा समदर्शी सन्चार मासिक पत्रीका दर्ता गरि सुरुवात भएको हाम्रो यात्रालाइ आज अनलाइन संस्करण सम्म आइ पुगेको छ। आगामी दिनहरुमा यहि समदर्शी सन्चार मासिककै प्रस्तुतिमा समदर्शी टि. भि युटुव च्यानल संचालन गरि शिक्षा, स्वास्थ्य , कृषि , आर्थिक, संस्कृति र मनोरञ्जनका सामग्रीहरु प्रकाशन /प्रशारण गर्दै उदेश्य प्राप्तिका लागि हामी निरन्तर लागि रहने प्रण गर्दछौं।